VENGEANCE

TEN

Chapter 10
Aihna's Point Of View

Hindi ko alam kung bakit ako ang napagtitripan ng kamalasan.

Wala akong ginagawang masama pero nasa akin ang bintang matapos ng nangyaring pagkawala ng mamahaling bracelet ng kaklase kong si Rain.

"Paniguradong hindi niya palalagpasin ito. Papaano kung patalsikin ka nga niya sa school?"

Nag-aalalang sabi ni Liey habang nakapatong ang ulo sa balikat ko at ang mga kamay ay nakapalipot sa braso ko.

"Huwag kang mag-alala. Sinabi ko na sa iyo, hindi ako ang may gawa. Wala akong kasalanan."

"What is this? You'reso annoying."

Tiningnan ko ang babaeng iyon na nakatayo ngayon sa harapan ko. Iritadong-iritado ang mukha niya habang nakatingin sa akin.

"You shouldn't get us involved. What you did is affecting even us."

Alam kong ang tinutukoy niya ay yung pagnanakaw ko ng bracelet ni Rain. Dahil kasi doon ay ch-in-eck  ng mga teachers ang gamit ng lahat para mahanap iyon at nakita iyong nasa bag ko kahit pa hindi naman ako ang naglagay niyon doon.

"Hindi ko iyon kasalanan."

Walang ganang sagot ko sa kaniya.

Nakakawala naman kasi ng enerhiya. Bakit nangyayari sa akin ito?

"Hoy. Sawa ka na ba sa buhay?"

Puno ng galit ang boses niya habang matalim na nakatingin sa akin.

Hindi naman ako nagpatalo at nanatiling diretso ang tingin sa mga mata niya.

"Kapag mayroon kang ginawang kasalanan. Dapat mo iyong aminin. Hindi yung itinatanggi mo pa e nahuli ka na nga."

Dinuduro niya ang noo ko habang sinasabi iyon.

Nanatili akong walang emosyon habang ang katabi ko naman ay napatayo na sa galit.

"Hoy. Sinabi na niyang hindi siya! Malay ba natin kung finrame up lang siya!"

Si Liey ang sumigaw.

Sa kaniya na ngayon napunta ang matatalim na mga mata ng babaeg iyon.

"You can't deny it Liey. Your friend is someone who takes the things of others and deny that it was her."

Nginisian niya ako bago ipinagpatuloy ang sinasabi.

"Ipinagpalit mo si Acelle sa ganiyang klase ng babae?"

"Sinabi ng hindi ako e!"

Hindi ko napigilan ang mapasigaw.

Someone framed me. Kung sino man iyon, wala akong ideya. Siguro ay isa sa mga taong mayroong galit sa akin ngayon?

Napunta sa kinauupuan ni Acelle ang mga mata ko.

Wala siyang pakialam sa nngyayari sa paligid niya.

Paano niya nagagawang mag-aral sa mga oras na ito?

Malalim ang naging paghinga ko bago muling ibinalik ang tingin sa kaibigan ni Primrose na hindi makapaniwala sa naging pagsigaw ko.

"Don't test my temper. Sinabi ko ng hindi ako. At sino man sa klase na ito ang nag-frame sa akin sa pagnanakaw n ito, sana hindi ka patahimikin ng konsensya mo."

Matapos na sabihin iyon ay lumabas na ako ng classroom.

Hindi ko kakayanin pa ang magtagal sa kwartong iyon.

"Aihna! Pinagsususetsahan mo ring siya iyon hindi ba?"

Pagtatanong ni Liey matapos na makahabol sa akin.