FATE 1: LOVE, LIES AND FATE - COMPLETED 2018

Chapter 9

HINDI nakatulog nang maayos si Allysa kagabi. Buwesit na buwesit siya sa sariling isip, puso, at katawan. Kung bakit hindi niya magawang konrolin ang sarili sa tuwing nalalagay sa mainit na eksena silang dalawa ni Lance o kapag kasama niya ito. Gustong-gusto na niyang kutusan ang sarili. Kung bakit kasi, sa lahat ng may amnesia, ang sweet at clingy nito masyado?

She was expecting Lance to put a gap between them o 'di kaya mailang sa mga ganoong sitwasyon pero tila nag-i-enjoy pa ito nang sobra. It all seemed like it was a normal thing to act romantic and clingy to her. It does make sense sometimes, maari ngang totoo ang kasabihan na, the heart remembers what the mind forgets. Maaring kusa na lamang lumalabas ang reaksyon na 'yon na dati nitong ginagawa dati – unconsciously remembering the things he used to do before. Lance's romantic personality when he's with Alyce.

Well, Lance was really sweet. Kahit noon pa man. She fell in love with his genuine smile and kindness. Kahit na minsan parang bata ito kung naiinis at nagseselos. Kaya sobra siyang nasaktan sa mga sinabi nito noon tungkol sa kanya. 'Yon ang unang beses na nakita niyang galit na galit si Lance. Hindi niya alam kung anong ginawa niya noon para masabi nitong ganoon siya kasamang tao.

"Ate," pukaw ni Mikay sa kanya. Ilang beses niyang naikurap-kurap ang mga mata bago naibaling sa dalagang kasambahay ang mukha. Nasa sala pala siya at mukhang kanina pa nakatulala. "Ate, okay ka lang ba? Mukhang ang deep naman po ng iniisip n'yo?" tanong nito habang hawak-hawak ang pamaspas.

"I'm fine," she waved her hand dismissively. "Nga pala, mag-day off ka muna ngayon." Pag-iiba niya na sobrang ikinagulat ni Mikay.

"Hala ka," natutop nito ang bibig ng isang kamay pero madali rin nitong ibinaba ang kamay nang mapansin nitong maduming-madumi iyon mula sa paglilinis. "Ay shuks, it's so dirty pala." Natawa ito sa sarili. "Pero Ate, kaka day off ko lang po kahapon. Bakit po?"

"Mag-day off ko na lang ulit. Don't worry, I'm not gonna deduct it from your salary. May pera ka pa ba riyan? Daanan mo ako mamaya sa kwarto at bibigyan kita ng baon. Mag-shopping ka, gumala ka, puntahan mo lahat ng gusto mong puntahan."

Namilog lalo ang mga mata ni Mikay sa kanya. "Ate, kinakabahan ako riyan. Okay lang po ba kayo?"

Natawa siya. "Okay lang ako," bahagya niyang inilapit ang mukha rito. "Just don't tell Lance na magdi-day off ka ngayon."

"Bakit po?" naiintriga nitong tanong.

"Basta, ikaw naman, masyado kang intrigira."

"Ay kaloka ka Ate," humagikhik si Mikay. "Support kita sa kung ano pa 'yan. Ano gusto mong pasalubong? Baka pagbalik ko naglilihi ka na."

"Dragon na lasang mangga." Pabalang na sagot niya.

"Ay, huwag na lang pala Ate." Natawa siya sa naging reaksyon ni Mikay. "Hindi ko kaya 'yan. Baka, ako ang makain ng dragon." Tatawa-tawang dagdag pa nito. "Sa hugis pa lang ng mukha ko, manggang-mangga na. Gusto mong hawakan Ate? Huwag n'yo nga lang ho akong paglihian."

"Baliw," hindi niya mapigilan ang lalong matawa. "Umalis ka na nga."

"MAGLINIS ka ng buong bahay. Magdilig ka ng mga halaman." Gamit ang mga daliri ay binilang niya sa harap nito ang mga task na ipapagawa niya rito. Napaawang ang bibig ni Lance sa gulat at pagkalito. Nagpatuloy pa rin siya. "Kailangan mong ihiwalay ang puti sa di-color sa laundry room para hindi na mahirapan si Mikay kapag naglaba siya. You're lucky dahil 'di pa gaanong marami ang maduduming damit. At dahil diyan, lilinisin mo ang banyo mamaya. Pakipalitan na rin ang mga bedsheets sa mga kwarto dahil marumi na. At saka gusto ko makita ko ang sarili ko sa tiled floor. Kindly, mop it well."

Pinasadahan niya ng tingin si Lance. Pawis na pawis ang mukha at katawan nito. He was topless. Basang-basa na rin ang boardshorts na suot nito. I know he's hot Allysa. Stop ogling. Lihim siyang napalunok. I really hate your green mind Allysa Alonzo.