العمدة "مجنون ليلى"💙مكتملة💙

💙الجزء 133💙

‎👑العمـــــــدة👑
‎♡..مجنــــون ليلــى..
‎ف.الثــالت والاخــير:
‎💔من الحـب مـا قـتـل💔
133

خرجات على برا وهي تجلس فالارض كتبكيي بحررقة وتعيط بسميتوو…الناس داخلين خارجين كيشوفو فيها قطعات ليهم فقلبهم لدرجة وحدة قربات ليها يحساب ليها ما..&ت لها شي حد تحنات لعندها:نوضي ابنتي الله يرحم لي م..ات ليك ربي بغاه ماعندك ماديري
تنترات منها وغوتات:طلقيييي منييييي بكر مزال ايعييش شمن مو..ت
لمرا مشات كطير..وليلى غير كتبكي
نزلات من الطموبيل غير شافتها فداك الحالة زربان فخطواتها مخلوعة عليها:ويلي ليلى مالك شنو واقع
ليلى غير شافتها شدات فيديها:انا السباب انوور انا السباب باش بكر مريض بالقلب والسكر كلهم عندهم الحق
قوصات حواجبها:اويلي كيفاش
ليلى:عاد عرفتها دابة بكر فاش طلقنا مرض بالقلب وجاه السكار غير بالفقصة ديالي ومخبيي عليااا تصوري كان ايم..وت بسبابي وانا فدار غفلون اناا خايبة انا ماكنسوااش
وبدات كضرب فوجهاا:كنت انق..تل الراجل لي كيبغينييييي انا ماكانسوااااااش
نور كتشد لها فيديها:صافي تهدني ماضربيش راسك عفااك هدشي مكتاب عليه ماديريش هاد الحالة فراسك
ليلى كتهز راسها بلا:كنقوولك انا السباب
نور:دابة شنو واش هو بيخير شنو دارو معاه
ليلى:ماعرفتش ماخلاونيش نبقة معاه ونشوفو قالولي سيري بحالك..كنزة بغات ضربني تصوري؟ولكن نستاهل اناا مولات هدشيي كامل
وسكتات كتبكي ونور كتهدن فيها جراتها وركباتها فالطموبيل وعطاتها تشرب بقاو جالسين شحال وليلى كتدعي ربي يشافييه ويولي بيخيير ونور غير كتشوف تنهدات …
دازت شي ساعة دلمكلنة
ليلى:زعمة يكون ولا بيخير خايفة بزاف انور..
نور:زيدي ندخلو نشوفو
ليلى:راني فواحد الحالة ماباغاش نتواجه تاني معاهم ونسمع شي كلمة ونصدق دايرة شي حاجة ماشي هي هديك بكر لداخل ماعارفاش شنو فيه ونزيد انا نوض الصداع مع عائلتو..
نور:صافي خليك هنا ..هنا ندخل انا
ليلى:بلا صداع انور
نور:لا كوني هانية
ونزلات من الطموبيل داخلة مخنزرة كتفكر كلام ليلى فاش قالت كنزة بغات تضربها وصلات لعندهم وقفات حدا حورية:شي خبار عليه
يلاه اتدوي وهي تسمع صوت كنزة:بقيتلنا دابة غا نتي سيري اختي بحالك ماجانا منكم غا المشاكيل والصداع
نور شافت فيه:ماكاندويش معاك لا فيك شي اعصاب برديهم فجيهة خرا ماديريش خوك السبةسبة وطلقي علينا سمك
كنزة قربات ليها :شكا تخوري نتي هدشي كامل لي درتو فينا ومازال كتحلي فمك..عاد عرفت علاش ليلى كانت دايرة هكاك ساعة هي كتشبه لخوتها مزيان تجمعتو غا خليكم بعاد علينا
نور :راني دايرة بحساب هداك لي لداخل ماشي خوفا منك
كنزة قربات ليها:شغا ديري كااع اطاصيلت المسخيين
نور ميلات راسها ماحسات براسها تا جراتها من شعرها منزلاها للتحت وبدات كتنتف فيها:عييت صابرة ليك ونتي كتقلبي على هدشيي
كنزة كتغوت:رخييي منييي
جاو كيفكو وهي كتنتف فيها:طوالو يديك البرهووشة وليتي باغة تمديهم على ليلى وعلياا نسيتي راسك ولا كيفاش ..
الحاج:رخيي منهاا
كيجر وهي كتجر حتى وقفات كمزة فلتات منها وطارت عليها هي هاد المرة جارة نور من شعرها وقلبوها بجوج مناتفة ولوخرين كيفكوو..
حورية:اويلي شكا ديرو راحنا فصبيطاار
فكراتعا نور غير فليلى ملي كانت كتنتف فكنزة..