العمدة "مجنون ليلى"💙مكتملة💙

💙الجزء 131💙

‎👑العمـــــــدة👑
‎♡..مجنــــون ليلــى..
‎ف.الثــالت والاخــير:
‎💔من الحـب مـا قـتـل💔
131

داز ليلة زوينة على البعض وخايبة على البعض التفكير فلي داز ولي جاي ..لي داز خايب ولي جاي مامعروفش…تنهيدة مور تنهيدة شي نعس ودماغو خدام وشي بايت سهران..

فالفيلاج كانو كيفطرو..

جلس ماقادش ياكل مسكوم هاهي تا الشاهية مشات الماكلة مابقاتش الدوز ليه ..الدوة خاصو يتبدل ..والدوة خاصو الماكلة على الجهد
بكر :بدر سافر خوى لبلاد
الحاج:كيفاش وكي دار ليها تا قلنا بدا يجي يخدم ويشوف معانا الخدمة ويوقف على الشغل رجع للتبرهيش ديالو
بكر:شمن تبرهيش ااسيد كيدير داكشي لي باغي وهاد المرة مشا وايغبر واحسم حاجة دار يبعد ويشوف حياتو..صافي ماغاتعاوش تشوفو
كانت جالسة وقفات ليها الماكلة طاح لها الكاس من يديها بلعات ريقها:سمحولي تعطلت على لقراية
وناضت هزات شكارها باغة فا فوقاش تخرج غير فاتت لباب تحنات كتبكي وتمتم:صافييي مشاا..
لداخل..
وقع الصمت كيهضمو هاد الخبار والحاج ماعاجبوش الحال
هبة:بكر خاص نمشيو للطبيب شوف حالتك..
قاطعها:هنا كنتسناك فالطموبيل
وناض خرج..هبة فرحات وناضت كطير جمعات الضوصي ديالو ودواياتو وهبطات لعندو ركبو فالطموبيل ايشدو الطريق للمدينة لعند الطبيب..

فجيهة خرا..
مشات مع الياقوت للطبيب باش ياخدو نتائج التحاليل والفحوصات..عرفو نوعية السرطان والخطورة ديالو وكلشي تافقو دوز جوج حصص ديال واحد العلاج ما قبل العملية لي ادير باش يحيدو جزء من الرية خدات الدوة وتحمسات تتعالج وخصوصا وليلى معاها كتشجعها
خرجو من الطبيب:سيرو نتوما انا انتمشى شوية
الياقوت:شنو درتي مع بكر
ليلى:والو
الياقوت:نعلي الشيطان راه كيبغيك بزاف..
قاطعتها كتغوت:كلشي بكر بكر بكر صافيي خلوني عليكم
وسكتات كتمسح على شعرها:سمحيلي راني ماشي هي هديك كلشي ترون الياقوت حياتي تخربقات وكيف قلت لك بدر سافر لبارح
الياقوت:حاولي على راسك وسيري صلحي امورك ما تبقايش معدبة راسك ومعدباه معاك
خديجة:ها طاكسي زيدي نمشيو
تسالمو ومشاو..وهي كملات طريقها كتتمشا فالكوريش على يمينها البحر وعلى شمالها الشانطي عامر طموبيلات…كتفكر فحياتها تنهدات لقات راسها ناقصة بلا بيه فعلا هي راه حياتها والو بلا بيه مامرتاحاش دماغها ماشي هو هداك مرفوعة ديما معصبة ماعايشاش مزيان ماحاساش بطعم الحياة علاش؟ حيت هو ماكاينش قلبها وعقلها مامتقبلينش انه صافي ما ايبقاش واخة تعيى تخبي راه ما اتقدش صونا طليفونها كانت نور
جاوبات:وي
نور:سمحيلي على صباح تعصبت عليك
ليلى:ماشي مشكل
نور:غير على ود مصلاحتك فعلا بكر كيبغيك و..
قاطعتها:بسلامة
وقطعات كتتنهد وجلسات فواحد الكرسي قلبها كيضرب فلمية باغاه وموحشااه عضات على شفايفها قبل هوما يبغيوها ترجع ليه راه قلبها باغيه عيات من هدشي علاش تحرم راسها منو وتحرمو منها وهو مادار فيها غير الخير وكيبغيها وعمرها تلقة بحالو وهي اصلا ماتقدش تكمل بلا بيه لقات راسها جبدات الطليفون دخلات لعندو تشوف شنو تكتب فتالي كتبات ميساج:بكر توحشتك بزاف عفاك سمح ليا …
صيفطاتو قلبها كيضرب فلمية تبسمات وخدودها تزنكو وجلسات كتسناه يجاوبها وكتشوف فالطموبيلات غادين جاين