العمدة "مجنون ليلى"💙مكتملة💙

💙الجزء 95💙

فجيهة خرا.
مريم:واو عجباتني فكرة الحفل التنكري اتجي معايا اخويا ياك
عمران:ان شاء الله
مريم:صافي انا غنشوف ليا وليك شي حاجة زوينة لغدا
ناض:لي بان ليك
مريم:خويا ماما سمعتها كتهضر مع بابا على موضوع الزواج قالك لقاو شي بنت
تنهد:ماغايفهموش انه موضوع الزواج ماداخليش للراس ماغايرتاحو تايسمعو مني شي حاجة ما اتعجبهمش
وخرج وهي تنهدات:الله يهديك اخويا..
فبلاصة خرا..
كنزة فرحانة هي وياسين:الله الله هدشي كنت كنشوفو غير فالافلااااام حفل تنكري
ياسين:بالروجولة انجي بلبسة النمر المقنع
كنزة:لواه ماوكلي
ياسين:ونتي تجي معاك داك اللبسة دلجاسوسات داك المكلخة فيهم لي دايرة الكاري فشعرها وصابغاه بلصفر ههههه
خنزرات فيه:بزاف عليك نت مايصلاحش تجي معانا غا خليك فدار
ياسين:تقلقتي ازين
كنزة:وراه خاص نلبسو شي حاجة بعقلها
ياسين شاف فالياقوت مخنزرة وماعاجبها حال منين خرجاتلهم بهاد الحفل التنكري ونور كتر منها كانو عوالين ماتحضرش للحفل
ياسين:الياقوت نقولك نتي شغا يجي معاك
شافت فيه باينة معصبة:خليني عليك
ياسين:عرفتي داك الشريرة ولا السحارة لي كانت فالرسوم ديال فلة عطاتها تفاحة حمرا وطيحاتها كااو هاديييك هي اللبسة لي تجي معاك مع داك القب فوق راسك وشي تفاحة حمرة فيديك ههههههه
كنزة كانت معصبة وفاش سمعاتو طلقاتها بضحكة:ههههههههههه ناري كنتخايلها لا بسا هكاك والتفاحة فيديها وكلشي هارب منها
ياسين:ههههههههه ناري غنموت لعار الياقوت مالبسي هاد اللبسة غدا نموتو غا بالضحك شوفي انا نلبس بحال الاقزام السبع ههههه نور نتي لبسي بحال مرات باين ساندريلا هههههههههه
كنزة:هههههههههه غنبووول سكت يعطيك موصيبة
الياقوت تزنكات وولات حمرة ونور كتشوف فيها اطرطق وقفات:ولينا فلعب التبرهيييش ولينا ضحكة
وطلعات للفوق معصبة
الياقوت وقفات:ياسين زدتي فيه وبزاف
حنان:براكة من الضحك الباسل شهاد الضصارة
ياسين حبس الضحك وناض عند الياقوت باس لها راسها:سموحات ازين دلعالام غا تحمست بزاف ونسيت راسي نتي راك هي الزين دلعائلة الزعورية ولبيوضة وعنين زورق نتي خاص تكوني ساندريلا ماشي السحارة لي كات ففلة
كنزة ماصبراتش:ههههههه
ياسين:سكتيي نتي راه كندوي من نيتيي
رجع باس للياقوت يديها:ها سموحات ازين
تبسمات وضرباتو على كتافو:دير عقلك
وتمات غادة حتى كتسمع صوتو:ونسيتي بلان الزواج لي قلت لك علييه هانتي غدا شوفيلي شي وحدة
الياقوت:واخة كون هانيي
كنزة:ياسيين اجي معايا للبيت نقلبو فواحد السيت على داكشي لي نلبسو غدا
شافت فحورية:اجي تانتييي
ناضو طلعو لفوق تلاحو فوق الناموسية وبداو يقلبوو..
جا نهار جديد ...
القاعة الكبيرة فين ايدار الحفل قربات توجد ديكورات زوينين جاين مع الحفل التنكري ضواوات سبيسيال وورود عاد ايديرو البخار فالارض باش يجي داكشي بحال الاحلام بوخار بالاوان ...
كلشي خايد فلباس وكيقادو
نور:ماحملاش نمشي الياقوت
الياقوت:نوضي تهزي تلبسي نمشيو ماخاصش نحنيو الراس خاص تلقانا ديما فوجهاا
نور:بان ليا غا كنخورو هو ملي مشا عندها ماولينا شفنا وجهو
الياقوت:بديتي بداك الهضرة د النم ديالك لا ماتحاربتيش على شي حاجة عمرك توصليلها وانوضي خلينا نشوفو داك المشوهة شغا دير
تنهدات ومشات تلبس ..