العمدة "مجنون ليلى"💙مكتملة💙

💙الجزء 95💙

بكر:راها حاملة واش اتكون هي والولد مزيان
تبسمات ليه وهي كتشوف داك الاهتمام فعينيه:ماتخافش اولدي ما ايوقع والوو ليهم
هز راسو باه وشاف فليلى حطات يديها على فمها وناضت كتجري ترد ناض تاهو تبعها
كيشوفوه جا هز لما ومشا رجع لعندها
مي الزاهية:باين الحب فعينيهم
خديجة:بزاف كاع كون تشوفي شنو دار على قبلها
مي الزاهية:باينة تبارك الله...جاوني بنات مساكن رجالاتهم طلقوهم بسباب داكشي لي فلحمهم وكاينة لي تفسخات
خطوبتها وزيد وزيد ..الرجال قلالو ابنتي

وجد الحمام ودخلات هي ومي الزاهية للحمام
مي الزاهية:غير حيدي حوايجك ابنتي ماتحشميش هدشي مولفة بيه
تشجعات وحيدات حوايجها الحمام كان. كلو بخااار وريحة لعشوب ..ريحتهم زوينة ..وكاية برمة دلما بحال بانيو دلحمام غير هو ديال الطين والزليج البلدي لفاسي
الزاهية:تحشاي تماك ابنتي
تحشات ما دافي وزويين شافت الزاهية كتكب وسط لما شي عشوب ومشات جلسات فواحد الجليسة كترون فواحد الزلافة عشوب خرين باش يوليو بحال الحنة:عمرك تيقي فالنسا خصوصا لي ماشي من لحمك ودمك لا حراك تكوني شاركة معاها الراجل وماتبقيش تا فهاديك لي اتشركيها مقامها كيف كانت ولفلوس والعيشة والدار اتعتابرك ديما دخيلة عليها.. يمتلو عليه الخاوة والطيبة وهوما كيوجدو ليك المصيدة ابنتي راه خواتات وغارو من بعضهم ووحدة سممات لوخرا..ماكانعممش ولكن الاتحتياط والتيقار حسن..جاوني مانقولك ميات بنت ولا مياتاين بلا حساب وكلهم سبابهم الغيرة والحسد ها لي صاحبتها ها لي ختها هالي عكوزتها لوستها جارتها او بزااف ايييه الحسد وشكا يدير فبنادم ماتيقييش راه تفرشي ليهم الدهب وتعطيهم دم جوفك ويغدروك
ليلى تنهدات وهي وسط داك الما ردات راسها اللور حاطاه على الحيط:عندك الحق ماصالحاش الضرافة فهاد الوقت غيرجعوهالك بالقتيلة
الزاهية قربات لعندها:الله يكون معاك ابنتي
ليلى:اميين
بدات كدهن ليها داك الغاسول دلعشوب فداتها كلها تا من شعرها :انخرج نقس ليك من العافية على حساب بنادم لي فكرشك ماتنفسي لا نتي لا هو واتجي جلسي ورتاحي وترخاي نص ساعة ونرجع عندك..
هزات راسها باه وتكات على الحيط وترخات نفسيتها رتاحت يهاد الاجواء حاسة بعضامها كيترخاو ..
برى..
قدامو الدراري صغار كيضحكو ويلعبو وواحد فيهم راكب فالطموبيل فلبلاصة دشيفور وكيدير راسو كيسوك وكيضحك..بكر مخليه على خاطرو وكيلعب كورة مع دراري صغار لوخرين وضحكتهم كتسمع من لبعيد
فتالي تكا على الطموبيل وجبد لفلوس كيدور معاهم كاملين خلاهم ايطيرو بالفرحة مشاو كيجريو عند مواتهم ويوريوهم لفلوس ..تنهد دابة ايتزادو عندو جوج ولاد باغي يكون ليهم احسن اب...

داز الوقت..
سلاهتالحمام ولبسات حوايجها ودارت النيقاب صافي خاص يمشيو
مي الزاهية:هاكي النتي هاد الغاسول بقاي دهنيه فكل ليلة ودوشي صافي..وهادا ديريه بحال اتاي بقاي تفطري بيه اينقيلك المعدة وغتولي مزيان ان شاء الله غير صبري
ليل عنقاتها:شكرا بزاف لهلا يخطيك
مي الزاهية:ماشي مشكل ابنتي هاد المرة زوروني ونتي صحة سلام
ليلى ان شاء الله
خدات من عند باكر لفلوس:قبلي علينا
هداتها وباستها و خبعاتها فالجيب:نقبل على التراب درجليك
وصافي مشاو بحالهم وصلو خديجة عطاتها تاهي شي بركة دلفلوس ورجعو للدار..
بكر:مرتاحة دابة
هزات راسها:بزااف
باس ليها راسها
ليلى:خصني نعيط للبنات نقولهم على الحفل التنكري باش يقادو الامور
هز راسو باه ومشا كلس كيسمعها كتهضر فالطليفون ..جبد تاهو طيليفونو كيشوف شغالهم فين غادي
قطعات ودخلات للبيت تبدل عليها مابغاتش تشعل الضو حيدات النيقاب والجلابة بقات بالدوبيلس يلاه اتهز بيجامتها وهي تحس بيه من موراها بلعات ريقها من لمساتو على جسمها تا كتحس بحرارة انفاسو على عنقها غمضات عنيها بورشها ونطق بهمس:توحشتك اليلى
بلعات ريقها من لمساتو على جسمها تا كتحس بحرارة انفاسو على عنقها غمضات عنيها بورشها ونطق بهمس:توحشتك اليلى
وباسها على عنقها وقلبها لجيهتو باغيها وموحشهاا فلحضة نسات كلشي وولات تاهي باغاه ترخات حتى كتحس بيه كيقرب لشفايفها وهي تتفكر اش بيها حطات يديها على فمو وهمسات ليه:مانقدش ابكر
بعد يديها:علاش
ليلى:مانقدش وانا فهاد الحالة
بغة يدوي وهي تحط تاني يديها على فموو:خليني على خاطري عارفة نت باغيني كيف ما انا...ولكن ماغانكونش معاك مرتاحة
بقا شحال ساكت:واخة..
بعدات يديها وهزات بيجامتها ودخلات تلبسها فلحمام بقات واقفة شحال غمضات عنيها وزيرات عليهم:ما انقدش ما انقدش ...ياربي ما عاونيي
اما هو رجع للصالة خرج للبالكون لي تماك كيشوف فكاع المدينة من لفوق عادرهاا ...
داز الوقت..
وصل لخبار لكلشي ولكاع لفيلاج
كريم:قالك حفل تنكري
شاف فواحد من رجالو:شوف لينا شي حاجة تليق بالمقام ماتجيبليش داكشي دالرسوم نجي كي شي كلون جيبلنا شي حاجة بعقلهاا
وتبسم:غدا غيكون زاهي مع عائلة العمدة...