العمدة "مجنون ليلى"💙مكتملة💙

💙الجزء 87💙

نهار جديد..
فاقت حاسة بكاع داتها كضرهاا مشات نيشان للحمام كترد شلات فمها وغسلات وجها ووقفات كتشوف راسها فلمراية صبح وجها صفر وتحت عنيها زورق مانعساتش مزيااان من داكشي لي وقع تنهدات وخرجات لبسات عليها قدات مكياج خفيف وهبطات عندها حصة ديال لبيرمي من بعد اتمشي للمقر
جلسات كتفطر معاهم وهي غير ساكتة
الياقوت شافت فيها : مالك ماعجبتينيش هاد الصباح
شافت فيها شحال زعمة تاهي تكون داخلة فهدشي لي دارت نور تنهدات:والو غير عيانة شوية
حنان:كون بقيتي ناعسة بحالك ورتاحيتي
ليلى:لا خليني نعاس ماكايديرلي والو اخالتي
جلسات كنزة شافت فيها ليلى كنزة داك الساع خنزرات فيها بادلاتها ليلى نفس النضرات وهدشي ماخفاش على الياقوت
حتى كيشوفو بدر نازل ودايز من حداهم اصلا ماجا لدار تا لصباح دوش ورجع خرج تاني غير شافتو كنزة مطقات:بدر
دار شاف فيها وكلشي كيشوف فيها شنو باغة منو:تسناني عفاك وصلني فطريقك للمدرسة
قوص حواجبو:زيدي
نطقات ليلى وهي كتشوف فياسين:ياسين نوض وصل كنزة خليو الدري يمشي يقدي شغالو
كنزة خنزرات فيها وياسين وقف:زيدي قدامي فين هو الشيفور
كنزة كتغلي بالفقصة تبعات خوها وركبات معاه وهي كتشوف بدر ركب وديمارا بالجهد
نرجعو لامريكا..قبل ساعتاين
لابسة حوايجها وهازة كتوبها عندها امتحان ليوم نزلات تفطر وهي تشوفو جالس وكيشرب فقهوتو جلسات حداه:صباح الخير
شاف فيها:صباح الخير
نور:مالك مارجعتيش لبارح فين كنتي
بكر:غير هنا ..كولي ماتتطليش على الامتحان
شدات ليه فيديه:سمحلي على داكشي لي قلت لبارح
بكر:ماكايهمش دابة المهم من بعد ونهضرو
وناض:الشيفور برا ايوصلك انمشي نشوف الوليد
ومشا وبقات جالسة كتمتم:كلشي بسباب داك اللفعة حتى فأمريكا ومامعنياش منها ياربي بداك الفقصة دلبارح يكون طاح لها لبيبي وتهز شراوطها وتمشيي
تفكرات التسجيل وتبسمات بخبت عارفة انه اتكون شوطات ليها قلبهاا وجابو ليها لفطور وبذات كتفطر وتنهدات فاش اتهضر هي وبكر زعمة شنو ايكون واقع زعمة عرف شي حاجة دخلها الخوف تاني وناضت غادة دوز الامنحان ودماغها مامعاهااش
داز الوقت...
حضر للحصة لولة ديال الترويض مع باه حتى كيجي واحد وقف عليه دوة بالانجليزي:سيدي الطليفون لي طلبتي
خداه منو وخلصو :شكرا
مشا جلس وخدم الطليفون قاد المسائيل وصونا عليها..
هي سلات حصة ديال البيرمي ومشات للمقر كانت جالسة هي ومريم كيهضرو على الحفل الخيري لي اينضمو وشكون غتحضر ليه وشغا يديرو بالميزانية لي ايجمعو
مريم:فرحانة بزاف حيت جالسة معاك وكنخدم معاكم
ليلى:تاحنا فرحانين ازين تبارك الله عليك دكية
مريم:شكرااا
حتى كيقاطعهم صوت الطليفون غير شافت سميتو قلبها مشا وجا حيت ماعيطلهاش ليوم كاع وهو لي كان كيقيل يصوني
هزات الطليفون وخرجات للبالكون تماك جاوبات بهدوء:الو
صوتهاا بوحدو كيرجعلو لمزاج نطق:توحشتك
عضات على شفايفها ماقادراش تنسى داكشي دلبارح وماشي وقت تجبد معاه الموضوع خاص تايرجعو بقات غير ساكتة ونيت باغة تعرف واش فراسو شي حاجة
بكر:لاباس عليك
ليلى:لاباس ونت
بكر:كوني غير لاباس مالك ماكنتيش كتجاوبي
ليلى عرفات انه ماعارف والو:راك عارف السعاتو لله فوقاش اترجع
مسح على راسو :واحد السيمانة وانرجع
هزات راسها باه:واخة يلاه نخليك راني فالمقر
بكر:بلاتي ونصوني جاوبي
ليلى:ان شاء الله
وقطعات وهي مزيرة على الطليفون كانت شادة راسها بالسيف باش ماتغوتش ليه فوجهوو وتقولو اش كاين وانه خاص يدير شي حل ..تنهدات ورجعات لعندهم
داز الوقت..
شافتها كتصوني وهي تجاوبها:الو نور
نور:الياقوت ديري شي حاجة قبل ما نرجعو وخلي داك لبي بي يطيح
الياقوت:نور نتي خليك مع راجلك ماديري تا مشكل انا غنتكلف سمعتيني ديها فامتحاناتك وركزي معاه
بلعات ريقها فاش تفكرات اش دارت :وهي راها مزيانة ماكيبان عليها والو
الياقوت:راها مزيان شكون بحالها
نور:يعطيها موصيبة
الياقوت:راني قلت ليك ديها فراسك والحمل ديالك الشي لاخور دابة يجي وقتوو
نور:المهم بسلامة تانولي نعيط لييك
وقطعات :اوووف شنو مازال خاص ندير باش نتفك منهاا وزعمة داكشي ماترش فيها وعلاش ما قالت والوو لبكر شفتو كيهضر عادي نارييي ماغانرتاح تانقتلها بيدي