العمدة "مجنون ليلى"💙مكتملة💙

💙الجزء 87💙

سلا الدوش ولبس عليه وخرج من الاوطيل كامل ركب فطموبيلتوو عيا بزااف من هدشي ماشي هكا بغا حياتو تكون مع ليلى ماشي هكا كان كيحلم وزيد دابة ماكاندويش معاه وزاد كمل دابة كيعيا يقوي راسوو ويقول انه هدشي عادي وخاص يعدل وخاص وخاص ولكن كيعيااا مسافة الطريق ما طويلاش قريب للطبيب فين كاين باه نزل وطلع نيشان لعندو دخل ضواو مطفين ناعس تنهد كيتمشا بهدوء جر كرسي وقرب لحدا باه جلس وحط راسو على يد باااه وتنهد لدقايق وهو هكاك قلبو عمر صافييي
حتى كيحس بيد باه على راسو ونطق:مالك اولدي
نطق بهمس:عييت االوليد

حتى كيحس بيد باه على راسو ونطق:مالك اولدي
نطق بهمس:عييت االوليد...
وهز راسو وشاف فباه:حاولت وحاولت ولكن عندي وحدة فقلبي هي لي باغي وهي لي باغي ندير معاها كلشي ووحدة لي كنحس معاها بكلشي كانحس براسي ما انقدرش نعدل ..قلتيلي خاص نعدل مانفرقش بيناتهم لا فلفراش ولا فالمعاملة واخة قلبي فيه وحدا خرا خاص مانبينش ونعدل ولكن ما قديتش كنضلم راسي ونضلمهم معاياا
باه تنهد وهو كيشوف فولدو عارف انه مستحيل يشرك احاسيسو مع شي وحدة من غير ليلى:شغا نقولك اولدي زواجك من نور من اللول ماكنش خاص يكون
بكر:اه ماكنتش هو هداك كنت كنقلب على اي حاجة تطفي لعافية لي كانت فقلبي كنت كنقول ليلى صافي عمرها تبغينيي ولا تشوف فيا كرجل ليهاا هاد الفكرة كانت كتقتلنيي وانا لي عمري عطيت فرصة لشي وحدة من غيرهاا حياتي كاملة وانا كنشوفها غير هي كتر من 30عام وغير ليلى لي فعنيا وفقلبيي حرمت على راسي النسا فمراا ماتقبلتش تكون لغيري ...غلب علياا الهم وضعافيت قدام عصبيتيي والنار لي فياا قلت خاص نطفيها وختاريت الطريقة الغلط مشيت تزوجت لقيت راسي غا زدت فعدابي وصافي مالقيتش داكشي لي بغيت وماطفيت لا عافية لا والوو
وسكت كيشوف فبااه كيدوي بحرقة
محمد:غلطتي اه ولكن نور عارفاك من اللول شحال كتبغي ليلى والياقوت شرحات ليها انك كتبغي ليلى سمعتهم كيهضرو ولكن ماكانش عليها توافق ياك عاودتي لها كلشيي وخيرتيها بين توافق ولا لا وانك ما اتبززش عليها هي لي بغات تكون كوحدة تنسيك فحبك ليلى هي لي ختارت هادشيي
هز راسو باه:ولكن ماكانش خاص نتزوج بيها ولا بغيرها وانا فقلبي وحدة خراا
محمد:كتبقى انسان اولدي ماشي كندافع عليك ولكن راك انسان وفلحضة ضعف وغضب خديتي داك القرار لي داز عليك ماشي قليل كلشي تجمع عليك فداك اللحضة ليلى والخدمة والحبس والناس لي غضرو بيك راه الواحد كيخرج على طبيعتو وربي عارف نيتك وشنو فقلبك وانك حاولتي وماقدرتيش
بكر:مابغيتش نخسر ليلى الوليد نت اكتر واحد عارف شحال كنبغيها وهدشي لي حنا غادين فيه ايخليني نخسرهاا وانا نخسر روحي ومانخسرهاش وليلى يتيمة تعيا تصبر ولكن اتعيا حيت غير انا لي بقيت لهاا واخة كاع الناس ضايرين بيها كتشوفني غير انا عارف احاسيسها تبدلو ولات كتشوفني راجلها وكلشي فحياتها مابغيتش نهرسها فالوقت لي بقيت لها غير اناا وزيد دابة حاملة بولدي فرحان الوليد بزاااف ولكن خايف توقع ليها شي حاجة بسبابي وليت كنخاف عليها من راسي شنو ندييير مامستاعدش نخسرهاا وانا عارف نور كتأدي ليلى بشي طريقة واخة انا ماعرفش كيفاش ولكن شي حاجة تماا... وانا هدشي ماباغيهش حيت نور لا طولت معاها وشفت منها شي حوايج خايبين كياديو ليلى راه ماغانرحمهاش
محمد تنهد كيشوف فولدو هكاا سكت شحال عاد دوة:لا كانت الامور اتمشي هكا كلشي كيتعدب طلقها اولدي طلق نور وتهنا باش ماتزيدش تضلم راسك وتضلمها
بكر:داكشي لي كنت باغي ندير وجيت نتشاور معاك مابغيتش نكون ضالم ولكن راه حياتنا هكا ما غاداش فطريق هي هديك
محمد:ماغاضلمهاش اضلمها لابقيتي مزوج بيها وقلبك واحاسيسك واهتمامك كلو مع ليلى نور عارفة هدشي مزيان من لول اصلا ماتعارفتوش بزاف اللهوما تساليو هنا قبل يكبر الموضوع نور تلقة لي يبغيها وتبغيه بلا هاد المشاكيل لي اتدمر كلشي
بكر تنهد براحة كان هاز هم كبير على ضهرو كمل كلامو مع باااه لشحاال تا حس بباه عيا خرج من عندو ورجع للاوطيل وهاد المرك خدا شمبر اوخراا تكا وهو كيفكر فالقرار لي خدااا هدشي هو لي خاص يدار باش يتهنا كلشيي تفكر ليلى لي شحال ما دوة معاهاا غدا اياخد طليفون ويدوي معاهاا