العمدة "مجنون ليلى"💙مكتملة💙

💙الجزء 2💙

👑العمـــــــدة👑
♡..مجنــــون ليلـــى..♡
#3

نهبطو لصالون لي لي فنفس لحومة قريب لداار

غير دخلات حيدات لفوقاني دسيرفيت بقات غا بسوفيطمو سميطات مبينة نص دصدرها ..علقات داك لفوقاني فلعلاقة ..وشافت فحورية كتمسح فمريات دصالون..تنهدات وقربات لماشين دلقهوة قدات ليها ولحورية قهوة ترد لمزاج..شربات منها شوية وتنغمات عليها وقربات لعند حورية:اممممم ماكاينش لي كيصرع بحال قهوتي شدي شدي
حورية شافت فيها وبتاسمات خدات منها القهوة:راه كتقاديها غا فلاماشين احبيبة
ليلى:واخة هكاك خاص تعرفي شحال دلكونتطي دلقهوة لي خاص ديري ابب وتقاديها مع لماا فهمتي
حورية شربات من كاسها:فهادي ماكدبتيش صراحة كنبغي نقادها وماكاطلعش بحالك
ليلى مازال كتشرب من لقهوة كتفتح ليها دماااغ ولفاتها ..هزات ليها غا راسها باه
حورية :مالك مع خالتي على صباح
ليلى:كيف لعادة نكير
حورية قربات لعندها:ميكي على مك شوية راه كتفقص مسكينة
ليلى:تانتي احورية
حورية شدات ليها فيديها:راكي عارفة انا اكتر وحدة كتفهمك وعمري جيت ضدك حتى فاش وقع لي وقع اخر مرة انا الوحيدة لي بقيت فجنبك واخة بكر خويا ..غير هو تبدلي شوية وحاولي على خالتي راه ماعندهاش الجهد لي عند بكر باش تحمل هادشي ديالك .راجعي نفسك
ليلى بقات غير كتشوف فيها دورات وجها لجيهة لوخرا وهي كتشرب من قهوتها ودوات بهدوء:خاص نبدلو شوية ديكور دصالون بديت كنملو شنو بان ليك
حورية تنهدات عارفاها كيف دايرة:ايوا لي بان لك خاص غا لفلوس تا بكر لي ديما واقف معانا غبر ..تا لفلوس كيصيفطها لينا غا مع ياسين فلكونط ديالو
تعمدات ترجع تجبد ليها بكر
ليلى ببرود كدور عنيها على صالون ولكاس فيديها كتلعب بيه:صباغة وفوطويات جداد كافيينا
وشافت فحورية:مامحتاجينش لفلوس خوك انهزوها من الصندوق دصالون
حنان :قلنا الصندوق ما انقربولوش ياك قالنا بكر اي حاجة بغيناها لصالون هو يتكلف بيها..وفلوس صندوق نخليوها لا حتاجينا حنا شي حاجة لراسناا
ليلى وقفات حدا لمراية كانت جامعة شعرها سفنجة طلقاتو وبقات كتشوف فيه واصل حد لتحت تا لحد خصرها طويل وصباغة لمارو بدات كتمشي هبطات لتحت كاع دشعرها كيبان باهت ومهلوك وكلو محروق ملتحت تنهدات عاد دوات :شوفي هاديك هضرة كانت زمان ..واجي قطعي ليا هاد لي بوانت ديال شعري قنطوني حتى نشوف شمن صباغة ندير ليه عاود اش بان ليك شي بالاياج رماديين هاد لمرة
حنان:ايوا الله يصبرني معاك وصافي انا كنشرق ونتي كتغربي
ليلى جلسات فلكرسي اونفاص مع لمراية:اجي خلاص قطعي ليا لتحتاني بلا هضرة زايدة
حورية قربات لعندها هزات رشاش بللات ليها شعرها وهزات لمقص وقطعات ليها لتحتاني:شعرك زوين وقوي ودغية كيطوال..غا نتي مكرفسة عليه ماعرفتش كيف دااير صابر عليك تا لدابا
ليلى:فكينا خلاص لكليان غيبداو يجيو
حورية يلاه اتدوي وهي تقاطعها ليلى:حورية ميكي عليا الله يحفضك ماشي هاربة من دار على ود هدشي نلقاك نتي هنا..راه دابة نلبس عليا ونخرج مانرجع تا نحس بيكم بردتو حيت بدا يطلع ليا هاد نم فراسي
حورية :صافي صافي هاهي ساكتة
ليلى تقادات تاني فبلاصتها:كملي خلاص
كملات ليها شعرها وبداو لكليانات كيجيو وجاو جوج بنات خدامين معاهم وبدات الخدمة من كليانة لكليانة

دخلات هي وياه للمدراسة بجوج عندهم لباك ومضوبلين فيه جوج مرات وبكر عطاهم اخر فرصة ايما ينجحو هاد العام ولا غيضبر ليهم فشي عقاب ..وعارفين لعقوبات ديالو كيف دايرين
كنزة:دابة شنو
ياسين كيدور عنيه على المدراسة حتى كيبان ليه الحاريس لعام داخل للمكتب ديالو حيد شكارة ومدها ليها:وصليها للقيسم بلاصتي حدا داك لقراية دلقيسم عرفتيها اي واحد لقيتيه جالس حداها قوليلو ياسين رجع غيتهز
كنزة:حق الرب تا مشاكيل معاك نت واش نبقة انا غا مقابلاك
دور وجهو وقرب لروبيني منين كيشربو خدم لما وتحنا كيغسل فشعرو كان داير ليه تشاوك لفوق وداك لخطوط ولحالة هز راسو وهو كيرجع شعرو اللور كيسرحو باش يبان عادي عارف لحارس لعام ايدير ليه فضيحة على تشاوك وداك لخطوط :ودابة ديري هدشي لي قلت ليك وخليني نمشي نشوف داك وجه...
كان ايخسر الهضرة وهو يسكت:وسيري راه دخل للبيرو هاني مشيت
ومشا وخلاها كتنهد حاضياه

وصل للمكتب كيقاد فحوايجو دق ودخل:صباح لخير السي حمد
شاف فيه بدوك نضادر دقاع لكاس طلعو ونزلو:على سلامة خديتي عطلة غا مع راسك رتاحيتي شوية
ياسين مسح على راسو كيسبو فدماغو(هاهو بدا هاد وجه لقلو..عاود):اماكين لا عطلة لا والو راه كنت مريض شكوة الله
ااحارس لعام:نت ديما مريض اعقنا بهاد لقوالب بان ليا مازال باغي تزيد تطول معانا فهاد المدراسة ماسخيتيش
ياسين(هاد لمدراسة يا ولد لق...ح..بة طلعات ليا فكر... ي غا تسنة يتسالا لعام وتشوف):الا راه باغي نقرا على راسي وناخد لباك ديالي وغنعجبك ان شاء الله
الحارس لعام:نفس لكاسيطة كتقال ارا شهادة طبية نشوف هاد اامرض بعدة باش كنتي مريض دوي
ياسين(الا لا هدشي لي مابغيناش ):سي حمد احم..
قرب لعندو وتحنة تا لجهة ودنيه وهمس ليه كيمتل عليه الاحراج:راك عارف المرض ديال لباسر كنت محن قضيت غا بلعشوب هوما لي كيقضيو..راك مجرب وغتحس بيا لجلسة ماكانقدوش نجلسوها عاد زعمة غنقد نجي نقرا
الحارس لعام بلع ريقو تفكر فاش جاوه تاهو لباسر وعارف شحال صعاب هز راسو وشاف فيه وهضر بهمس:شمن عشوب درتي
ياسين(السم اعمي):لواليدة كتقادهم نشوف ليك معاها
الحارس لعام:غدا يكونو عندي
وجبد ورقة عمرها:هاك اولدي يلاه سير تقرا على راسك
ياسين باس ليه راسو؟:يتوب عليك اسي حمد هاهو غادي يقرا
وتم خارج مع لباب وهو يوقف وهضر بصوت مرتافع:شووف غدا لعشوب يكونو عندك
لحاريس لعام تزنك وبدا كيغمزو باش يسكت وكيشوف واش سمعو شي حد
ياسين:اكون هاني هدشي بيناتنا
وخرج كيضحك كيشوف فداك لورقة دارها فجيبو ورجع لداك روبيني تحنا غسل شعرو تاني وطلع تشاوك كيف كانو ..ومشا لقيسمو دق وشاف فالاستادة مبين ليها لورقة:كنت فالادارة امدام نقدر ندخل
هزات راسها:تفضل وارا داك لورقة
كلشي فلقسم كيشوف فيه لبنات حالين فمهم فيه ماكيناش شي بنت فلمدراسة ماماكالياش فيه وهو كيوزع عليهم ابتسامتو لجدابة اصلا هو زويين بزاف بوكوص بمعنة لكلمة وبهجاوي كلشي كيبغيه ويقدر يطح اي وحدة بابتسامة وحدة طالقها تسرح وكيف كيقول كلشي ديال الله..كل وحدة فالقيسم كدير ليه اشارة يجلس حداها وقف حدا المجتهدة دلقسم وجلس حداها شاف فيها وبتاسم وهمس ليها بشوية:افين ازين
حمارت وتزنكات وبتاسمات بلا ماتحس
الاستادة شافت فيه:ياسين باقي ماسخنتي بلاصتك
ياسين:هنا ساكت
وكملات الشرح

#يتيع هكاوا على ياسين غيطير ليكم لفريخ هارب ليه #ارائكن