" အ့ ဆောရီး"
မင်းသက္ကစာအုပ်ကိုမျက်လုံးကမခွာ။ ကော်ရစ်တာမှာလူတစ်ယောက်ကို ဝင်တိုက်မိတာကြောင့် လက်ထဲကပြုတ်ကျသွားတဲ့စာအုပ်နဲ့အတူ ထမင်းချိုင့်လေးထဲက ထမင်းနဲ့ဟင်းက ထိုသူ၏ခြေထောက်ပေါ်မှာ ပျံ့ကျဲလို့။ သင်ပြီးသွားတဲ့စာအချို့ကို လမ်းသွားရင်းဖတ်လာတာမို့ ရှေ့ကလူကိုမမြင်လိုက်မိတာသူ့အမှားပင်။
ချိုင့်ထဲကပါလာသမျှအရာကို မနှမျောနိုင်သေးတစ်ဖက်လူကိုတောင်းပန်လိုက်သည်။ တစ်ဖက်လူကိုမော့ကြည့်လိုက်တော့ သူ့ကိုမီးတောက်နေတဲ့မျက်လုံးတစ်စုံကိုတွေ့လခုက်ရသည်။
" နင်တမင်လုပ်တာမဟုတ်လားသက္က။ "
" မဟုတ် "
ဖြန်းခနဲမြည်သံနဲ့အတူ ပူကျင်သွားတဲ့ပါးတစ်ဖက်ကိုလက်နဲ့အုပ်ကိုင်ကာ လူကဒေါသကထောင်းခနဲ။ စကားဆုံးအောင်တောင် ရှင်းပြချိန်မရလိုက်တာကြောင့် လူကနည်းနည်းတော့ခံပြင်းမိသား။ ဒါပေမယ့်ဘယ်တက်နိုင်ပါ့မလဲ။ သူ့ဘက်ကစမှားတာမို့ သည်းခံကာခေါင်းငုံ့နေလိုက်သည်။ ဟိုတစ်ခုဒီတစ်ခုဖြစ်နေတဲ့ ထမင်းချိုင့်လေးနှစ်ဆင့်။ ချိုင့်ကိုင်းကတစ်နေရာမို့ သူကောက်ယူလိုက်တော့ ထင်မှတ်မထားတဲ့ လုပ်ရပ်တစ်ခုကို တစ်ဖက်လူကပြုမှုသွား၏။
" ကြည့်စမ်း နင့်ရဲ့ရွံစရာဟင်းအဆီတွေ ငါ့အဝတ်အစားတွေပေါ်မှာ စွန်းထင်းကုန်ပြီ။ ဒီအဝတ်အစားက ဘယ်လောက်တန်သလဲနင်သိလား။ နင်ကဘယ်သိမလဲ။ ဒီလိုစျေးကြီးတဲ့ ကျောင်းဝတ်စုံကို နင်မြင်တောင်မြင်ဖူးမယ်မဟုတ်။ ဒီဖိနပ်တန်ဖိုးဘယ်လောက်ရှိတယ်ဆိုတာနင်သိလား။ ဒါလဲသိမှာမဟုတ်ဘူး။ နင့်မိသားစုရဲ့တသ်လဝင်ငွေထက်ကို အများကြီးရှိတယ်။ "
မိန်းမမြတ်သူမ၏အဝတ်အစားကို ပေအောင်လုပ်တဲ့သူ၏မျက်နာကို တစ်ချက်ရိုက်လိုက်တယ်။ နောက် သူမ၏ပေရည်သွားတဲ့အဝတ်အစားကိုကြည့်ပြီး စိတ်ပျက်သွားမိတယ်။ အဆိုးဆုံးကတော့ဖိနပ်။ သူမမွေးနေ့တုန်းက ဖေဖေက ကုန်တိုက်ကနေဝယ်လာပေးတဲ့ဖိနပ်။ စျေးကသိန်းချီတာမို့ ဒီနေ့မှသူမကလဲ ကံဆိုးချင်တော့ ဝတ်လာမိတာ။ သူမခြေထောက်အောက်ရောက်နေတဲ့ ချိုင့်တစ်လုံးကိုကန်ထုတ်ပစ်လိုက်တယ်။ အခြားသူဆိုရင် သူမဒီလောက်အထိလုပ်မိလိမ့်မယ်မထင်။ ဒါကလဲသက္ကမို့ သူမလုပ်ဖြစ်သွားတာဖြစ်မည်။
YOU ARE READING
အချစ်ကနေရောင်ခြည်လိုနွေးပါတယ် (Ongoing) (ခေတ္တရပ်နား)
Romanceလူတွေကအသက်ရှင်ရန်အတွက်လေလိုအပ်တယ်တဲ့။ ဒီလိုဆိုကိုယ့်နှလုံးသားလေးရှင်သန်ရန် မင်းရဲ့နေရောင်လေးလိုအပ်နေတယ်။ February 21.2.2023 Sart.14.7.2023
