මායාව තුළ, මේපල් නිම්නයේ චු යුගේ අංගනයේ, මේපල් තුරු දෙකක් විය. සරත් සෘතුවේ මාරුතය උඩුබුරලනා විටදී, ලෝහිත මේපල් පත්ර ගිලිහී ගොස්, යමෙකුට තරමක මුස්පේන්තු හැඟුමක් දැනවූයේය.
සිය දෑත් පිටුපසට කර බැඳගත් සි සි, නළල රැළි ගන්වා, සූර්ය අස්ථයේ පැහැ ගත් මේපල් තුරු දෙස බැලුවේය. එතැන් සිට මේපල් පත් තවදුරටත් ගිලිහුණේ නැත.
සෑම දිනකම මධ්යහ්නයේදී, චු යුව තුරුළට ගත් සි සි, මේපල් තුරු සෙවණේ අසුන්ගෙන කියවූයේය. දැඩි උනන්දුවකින් හා අවධානයකින් කියවීමේ යෙදුණු සි සි, මෙම කාර්යයට මහත් ඇල්මක් දක්වූ බවක් දිස්විය. විටින් විට ඔහු මඳ සිනා පෑවේය. මෙය චු යුව සීතල දහඩියෙන් නහවාලීමට සමත් විය. සිතිය යුත්තේ කුමක්දැයි ඔහු දැන සිටියේ නැත.
සි සි කියවන්නේ කුමක්දැයි ඔහුට පෙනුණේ නැත.
මෙය දිගින් දිගටම සිදුවුවහොත්, සි සි සම්පූර්ණයෙන්ම මායාවෙහි ගිලී උමතු විය හැක. ඔහුගේ මනස ව්යාකූල වනු ඇති අතර, ඔහුගේ ආත්මයද සුරක්ෂිත නොවනු ඇත.
එදින සරත් සමීරය අධික ලෙස ශීතල විය. චු යු, සි සිගේ දෑතේ ගුලිවී, කිසිදා ගිලිහී නොයන ලෝහිත මේපල් තුරු පත් දෙස බැලුවේය. සියතින් ශින්ග් ශන්ග් ස්පර්ශ කළ ඔහු, සි සිගේ දෑත් මෘදු ලෙස ඉවත් කළේය. ඔහු නැඟී සිට, "ශිදි, ඔබ අවදි විය යුතුයි" කියා පැවසුවේය.
මෙය චු යු දිනකට කිහිප වරක් නැවත නැවතත් පැවසූ දෙයකි. සි සි යාන්තමින් සිනාසුණා පමණි. ඔහුගේ දෑසෙහි බැල්ම ඉතාමත් කාරුණික විය. ඔහු සන්සුන්ව චු යු දෙස බැලුවේය: "යු-අර්, ඔබ පවසන්නේ කුමක් පිළිබඳවද?"
චු යු හිස සෙලවූයේය. ඔහු අනතුර වෙත පැනීමට සූදානම්ය. එක්වරම ශින්ග් ශන්ග් පිටතට ගත් චු යු, සිය උදරයට අසිපත් පහරක් එල්ල කර ගත්තේය.
සි සිගේ වුවන සුදුමැලි වූ අතර ඔහු වෙතින් දිස්වූයේ සංත්රාසයකි: "ශිශියොංග්! නවත්වන්න!"
අසිපත වූයේ චු යුගේ හස්තයේය. සි සිට එය නැවතිය නොහැකි විය. ශින්ග් ශන්ග් තියුණු වූ අතර, අසිපත උදරයේ ඇනී ගියේය. ලෝහිත කුසුමක් එහි විකසිත විය.
YOU ARE READING
කතානායකයාගේ සිරකරු
Fantasy"ශිදි, හඬන්න එපා, ඔබට කරදර කළේ කවුරුන්ද? දා ශිශියොංග් නිසැකවම ඔවුන්ට පාඩමක් උගන්වන්නම්." "දා ශිශියොංග්." "මේ ලෙසටම සිටින්න. නැවත පැරණි දා ශිශියොංග් බවට පත්වන්න එපා." 青端 (Qing Duan) විසින් රචිත 'Every day the protagonist wants to capture me (主角每天都想攻略...