စိတ်ထားကောင်းသည့်ဖိုးထောင်သည် အခကြေးငွေဘာညာမကြည့်ပါဘဲ ရွာထဲအကူအညီလိုလျှင် လိုက်ကူညီတတ်သေးသည်။ သနားညှာတာစိတ်ရှိသူတချို့ကတော့ မုန့်ဖိုးပဲဖိုးပေးကာခိုင်းကြပေမယ့် တချို့ကတော့ စိတ်ထားကောင်းသည်ကိုအခွင့်ကောင်းယူကာခိုင်းကောင်းကောင်းနှင့်ခိုင်းကြသည်။ အသက် ဆယ့်ငါး နှစ်ကျော်သာရှိသေးပေမယ့် လူပျိုသိပ်လုပ်ချင်သည့် ဖိုးထောင်ကလည်း ဟိုစပ်စပ်ဒီစပ်စပ်။ အလုပ်ကြမ်းတို့နှင့်ကြီးပြင်းခဲ့ရသည်ကြောင့်ထင်...ဖိုးထောင်က ဆယ့်ငါးနှစ်အရွယ်ထက် ခန္ဓာကိုယ်သည် ပိုဖွံ့ဖြိုး၏
"ဖိုးထောင်....မင်းခေါ်တာနဲ့ချက်ချင်းထလိုက်လာတာ စက္က ကိုတောင် ငါမပြောခဲ့ရဘူးကွ"
"ဟာဗျာ.....နောင်ကြီးက ကလေးလားဗျ။ ကြက်ဖမ်းသွားတာ နောင်ကြီးစက္ကကိုပြောရအောင်"
"ဟေ့ကောင် ဖိုးထောင်။ အိမ်နီးချင်းကွ.....အိမ်နီးချင်း"
"နောင်ကြီးကလည်းဗျာ....ကျုပ်ဖြင့်ကြက်ဖမ်းထွက်တာ အမိုးကိုပဲပြောခဲ့တာပါဗျာ။ ဘယ်အိမ်နီးချင်းမှ မပြောခဲ့ပါဘူး"
"ဒါတွေမင်းနားမလည်ပါဘူးဖိုးထောင်ရာ"
နောင့် စကားကိုခေါင်းတွေကုတ်ကာ နားမလည်သလို စိတ်ရှုပ်နေပုံပေါ်သည့် ဖိုးထောင်ကို နောင် ဘာမှ ဆက်မပြောတော့။ စက္ကက နောင်ထို့သို့ လှစ်ခနဲ လှစ်ခနဲပျောက်သွားတတ်သည်ကို သိပ်ကျေနပ်ပုံမပေါ်။ သူ့ကိုအသိမပေးဘဲ လျှောက်သွားပြီး ပြန်လာရင် တစ်ဖက်ခြံမှ မျက်မှောင်ကြီးကြုတ်ကာရပ်ကြည့်နေတတ်သည်။ နောင်ကလည်း တောဓလေ့သဘာ၀တို့ကို သိပ်စိတ်၀င်စားပြီး ဟိုဟိုဒီဒီပေါင်းသင်းတတ်သည်ကြောင့် ဟိုလူလာခါ် ပါသွားလိုက် ဒီလူလာခေါ် ပါသွားလိုက်နှင့်။
အခုလည်း ခြံရှေ့ထိလာခေါ်သည်ံ ဖိုးထောင်ကြောင့်သာ မယုံတယုံလိုက်လာရပေမယ့် ဖိုးထောင်၏ ကြက်ဖမ်းစွမ်းရည်ကတော်ရုံတော့ဟုတ်ပုံမပေါ်။တည်ကြက်၏ ခြေတစ်ဖက်ကို လျှော်ကြိုးနှင့်ချည်ပြီး တစ်ဖက်ကြိုးစကို သစ်ငုတ်တစ်ခုတွင်ချည်ထားခဲ့၏ တည်ကြက်ပတ်လည်တွင် ညွှတ်ကွင်းငါးခုကို အနေတော်နေရာချဲကာချထားခဲ့ပြီး ထိုကြိုးစကိုခပ်ရှည်ရှည်လုပ်၍ ကိုင်ကာချုံအကွယ်တွင်အခြေအနေထိုင်စောင့်ကြသည်။
YOU ARE READING
"နောင့်" ရိုးမ ရာဇာ
Fantasyကြမ်းတမ်းတဲ့ ရိုးမရာဇာ မုဆိုးကြီးရဲ့ အသည်းနှလုံးကိုခြွေယူဖို့က ဘိလပ်ပြန် သုတေသနပညာရှင်လေးရဲ့ အပြုံးနုနုသာလိုပါသတဲ့...... မြို့ပေါ်မှာမွေး ဘိလပ်မှာ ပညာသင်ကြားခဲ့တဲ့ သုတေသန ပညာရှင်လေးဟာ မုဆိုးကြီးရဲ့ လက်ဖဝါးကြမ်းကြမ်းကိုကိုင်ဆွဲလိုက်ရရင်ဖြင့် ပဲခူးရို...
Ch 12
Start from the beginning
