OBLIVION 3: Sebastian Berk (Soon To Be Published Under Bibliotheque Publication)

CHAPTER 7

CHAPTER 7

CALISTA

Nabitawan ko ang hawak kong kape at otomatikong napalaki ang aking mga mata nang makilala ko ang driver ng taxi na sinasakyan ko.

"H-Hunt?" Nakita ko sa rearview mirror ng sasakyan ang pag ngisi nito.

Bigla akong napahawak sa door hinge ng sasakyan. Kinain ako ng kaba at nilukob ng takot. Bakit siya nandito?

"Are you surprised? " Muli itong ungumisi at matalim akong tinignan mula sa rearview mirror.

"I-Ihinto mo ang sasakyan," na u-utal na ani ko.

"Bakit natatakot ka ba?" Hinigpitan ko lalo ang hawak ko sa door hinge. Kung kakailanganin ay tatalon ako rito palabas.

"Ihinto mo sa sabi!" sigaw ko, ngunit tumawa lang ito at itinaas ang baril na hawak niya. Bigla naman akong natigilan habang matiim na nakatingin sa kaniya.

Kahit kailan ay demonyo 'tong taong 'to.

Lumunok ako bago nag salita. "Ano ang kailangan mo?" Tinago ko ang takot sa boses ko.

"Gusto ko lang maningil." Maitim niya akong tinignan. "Bakit mo pa kasi tinulongan ang tao na 'yon? Sa ikalawang pagkakataon ay nakialam ka na naman! Kung sana ay hinayaan mo na lang si Berk na 'yon at hindi ka na nag hanap pa ng ebidensiya, edi sana hindi pinaghahabol ng mga pulis ang grupo ko! " Bahagya akong napatalon sa kinauupuan ko dahil sa bulyaw niya.

"Ginawa ko lang ang trabaho ko bilang prosecutor! " Bigla niya akong nilingon at tinutukan ng baril habang ang kaniyang mga mata ay nag babaga sa galit.

"Bago man ako makulong ay si-siguradohin kong mamamatay ka muna."

Ramdam ko ang panginginig ko habang tinitignan siya ngunit pinipilit ko lang itago ang takot ko.

*Peeeepeeepppp!*

"Look out!" sigaw ko dahilan upang mapalingo  siya sa harap at kinabig ang manibela. Doon ako nakahanap ng tyempo para buksan ang pintuan ng sasakyan at tumalon palabas.

Gumulong-gulong ako sa kalsada at ramdam ko ang sakit ng pagkakabagsak ko.

Agad akong bumangon. Napahawak ako sa braso kong dumudugo dahil tumama ito sa matulis na bato sa gilid ng daan.

Paika-ika akong tumakbo nang makita kong biglang nag u-turn ang sasakyan niya pabalik.

"Fuck! Fuck! Fuck!" sigaw ko. Wala Masiyadong dumadaang sasakyan sa kalsadang pinasukan namin. God, what should I do?

Bigla siyang nag paputok ng baril kaya baghaya akong napapatalon sa gulat.

"Run Cali! Run!" sigaw niya.

Napalingon ako at ilang metro na lang ang layo niya sa 'kin. Ipipikit ko na sana ang mga mata ko nang may isang itim na sasakyan ang humarang.

Biglang bumukas ang pinto at nakita ko ang mukha ni Sebastian na halos hindi maipinta.

"Cali, sakay!" Binuksan niya ang passenger seat mula sa loob para makasakay ako at saka mabilis na pinaharurot ang sasakyan. "Sino 'yong humahabol sa 'you? He almost kill you!"

"Ahh!!" Napasigaw ako nang may balang biglang lumusot mula sa bintana ng sasakyan. Fuck! Hinahabol niya kami.

"Cali yumoko ka!" sigaw ni Sebastian kaya wala akong nagawa kung 'di ang yumoko at mag sisisigaw dahil sunod-sunod ang pag papaputok ng baril sa amin.

Pabilis nang pabilis ang pag papatakbo ni Seb ng sasakyan. I shouted ng bigla niyang iniliko ang kotse at mutikan na kaming tumaob. Oh, God!

"Seb!" sigaw ko na lang.