Unicode
"အမ အဲ့အထုတ်တွေကဘာတွေလဲ"
"ခွန်းတို့အိမ်မှာ ဟင်းချက်စားမလို့လေ ဇေနေမကောင်းတော့ ခွန်းကဘာလုပ်ရမှန်းသိမှာမှမဟုတ်တာ အဲ့တာကြောင့်ခဏလာနေတာ"
"ညလည်းလာအိပ်မှာလားဟင်"
"ညထိတော့မနေတော့ပါဘူး လင်လင်နှစ်ယောက်အေးဆေးနေရအောင်ပေါ့ ဟဲဟဲ"
"ဟမ်?"
အူကြောင်ကြောင်နှင့် ပြောသည့်စကားကိုနားမလည်သည့် ခွန်းတကိုကြည့်၍ ခင်မြသဘောပေါက်သွားသည်။
သူတို့ အဲ့အဆင့်ထိမရောက်သေးဘူး!!!!
အိပ်နေသည့် မိုးဇော်နားထိုင်နေသည့် ခွန်းတကို လက်ဆွဲကာ မီးဖိုချောင်ဘက်ခေါ်လာခဲ့သည်။ထို့နောက်တိုးတိုးတိတ်တိတ်လေး မေးသည်။
"မင်းတို့အဲ့အဆင့်ထိမရောက်သေးဘူးလား"
"ဘာအဆင့်လဲ?ဒါနဲ့ဘာလို့ အမကတိုးတိုးပြောနေတာတုန်း"
"မေးတာကိုသာဖြေစမ်းပါ"
"ဘာကိုမေးတာလဲကျွန်တော်မှမသိတာ အဲ့အဆင့်ဆိုတာဘာကြီးလဲ"
ခင်မြဟာ 👉👌ပုံစံလုပ်ပြလိုက်ပြီး သွင်းလိုက်ထုတ်လိုက်လုပ်ပြသည်။သို့ထိတိုင် ခွန်းတသဘောမပေါက်သေး။စဉ်းစားနေပြီး ခဏကြာတော့ ပါးစပ်လေးကိုလက်ဖုံးကာ တစ်မျက်နှာလုံးနီရဲပြီး ခင်မြကိုဘုကြည့်ကြည့်လိုက်သည်။ခွန်းတသဘောပေါက်ပြီမှန်း သိလိုက်သည့် ခင်မြကတော့ စပ်ဖြဲဖြဲမျက်နှာကြီးဖြင့် မျက်ခုံးများပင့်ပြနေခဲ့သည်။
"ကျွန်..ကျွန်တော်တို့ကအဲ့လိုမဟုတ်ဘူး!"
စိတ်ဆိုးနေသည့် ခွန်းတကိုဒီထက်ပိုမေးနေလျှင် ပြသနာတက်မည်မို့ ခင်မြပြန်ချော့ရသည်။နာရီဝက်လောက်ထိုင်ချော့နေရသည့်တိုင်အောင် ခုထိစိတ်ဆိုးမပြေသေးပေ။
"စိတ်ဆိုးပြေပါတော့ခွန်းရယ် လာနေ့လယ်စာလုပ်ရအုံးမယ် ကူပေးအုံး"
လက်လေးပိုက်ကာ ဟိုဘက်ကိုမျက်နှာလေးလှည့်သွားသည့် ခွန်းတ။
"ခွန်း ဒါဆိုအမတို့ပြန်တော့မှာနော်"
ချက်ချင်းပင် ခွေးပေါက်လေးလို ခင်မြကိုဖက်ကာ မသွားပါနဲ့ဆိုပြီး ပါပီမျက်လုံးလေးများဖြင့် ချွဲနေခဲ့သည်။ရုတ်တရက် ခွန်းတကိုယ်ပေါ် အမြှီးနှင့်နားရွက်လေးများ ထွက်လာတော့မည်လားပင် ထင်ရသည်။ဇေထိုကလေးကို သဲသဲလှုပ်ချစ်တာလဲမပြောနှင့် ခွန်းတဟာသိပ်ကိုချစ်ဖို့ကောင်းလွန်းသည်။
YOU ARE READING
ခွန်းတခြန္းတ(ongoing)
Romanceခွန်းတ စောင့်နေရတာကို မုန်းသည်။ မတည်နိုင်တဲ့ကတိတွေကို မုန်းသည်။ ပေးသလောက် ပြန်မရနိုင်ဘူးဆိုရင် ဦးဖြစ်နေလည်း ကျွန်တော်မချစ်ချင်..။ ________________________________ ဇေ ကျုပ်ကိုစိုက်ကြည့်ပြီး ခေါ်လိုက်တဲ့ နာမ်စားလေး "မောင်"တဲ့။ ရင်ထဲကအကောင်က တစ်ဒုန်း...
