༺༺༺༺༺༻༻༻༻༻
حلقة (56)
#جُمِّلت أخلاقها
✍🏻كاتبة الجنوب
_____________بسمه تعالى ____________
صوت زلم هز البيت تحولت دبجاتهم الى عرگ إطاير التراب اكثر نسوان صار مكانهم يم باب يشمشمون أخبار ختمها سليم وهو ياخذ سلاح ويطلع ويتوعد
_أذبحة أذبحة
صرخنه بصوت واحد
_راح سليم راح
عاطت عمتي وركضت وهي اصيح لحكو سليم بيده سلاح ركضو عليه وهو ضغط على زناد صوت طلق عالي سديت أذني وطلعت أركض واسمع صريخ نسوان
منو مات منووو
ركضت صوب زلم صحت بصوت عالي منو مااااات
إجالي صوت سالم
_انتي ههييي دخلي داخل وين طالعة هيج
روحيييي منااا
_حبوبي بس فهمني شصار
ما رد عليه رجعت وصايح نسوان عليه لأن طالعة بدون عباية ما هتميت عيوني ما نشفن من دمع لتفتت شفت رافد جاي صوبنه
_انتي وين طالعه دخلي، دخلي
وانتن كافي بسجن عياطجن واصل لآخر الدنيا
_بس فهمني صاير
_مشكلة صغيرة وحليناها كملن فرحجن عيب من الناس الغرب
_ابو سمر الله عليك منو مات
_بيش مطالبتنه محد مات ولحد نگتل مشكلة بسيطه وكلمن راح بطريقه يلا دخلن هوسن وركصن
_احلف
_رجال شكدني وشيبي تارس شعري ومصدكين بيه عمي بالقرآن ماكو شي فضت يلااا دخلن
عصب وصاح بصوت عالي الكل دخل، ورجعو لأغاني وركص نهد حيلنه وتخربطت أحوالنا من الي صار بس مثل مكال رافد عيب من الناس وحتى لا نصير علج بحلوكهم ضغطت على نفسي وحتى
يتمم زواج بخير كأن كلشي ما صاير وستمرينه بصفكات والهلاهل وفرحتنه ما تنوصف بزواج عماد
لليل صارت زفة ودخل عماد وبأهازيج ودبجات أهلنه، فرحان والدنيا ما واسعته، حضنته عمتي وهي ادكله
_انطيتك قطعه من گلبي دربالك عليها.
فر ايده عماد ورد عليها
_عمه كولي بنتج خلي دير بالها عليه مو آنه فقير وتعرفيني زين، اصلاً جسمي كله يرتعش اخاف أبات يمها الليله دبروني شلووون،
_الله كون بعونك انت ردتك لروحك
كلنا ضحكنا على عماد
وخلصت الزفة والناس بدت تروح ورجعت هوستهم بس هل مرا يمنه وكل الأهل مجمعين، سالم دفع سليم وعاط عليه
_انت متوب من سالفة سلاح حاطلك شيطان بالبيت
_والله گتلته حلال بس انتم متخلون الواحد يصرف
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
