༺༺༺༺༺༺༻༻༻༻༻༻
حلقة (28)
#جُمِّلْت أخلاقها
✍🏻كاتبة الجنوب
_______________بسمه تعالى_______________
فزينا على عياط عمتي ركض كريم ورحت ورا، بس حتى نعرف شصاير
وصلت الغرفته شفت عمتي لازمه ايد كريم وايد ثانيه لازمة ايد عمي مرة تبجي ومرا تصرخ وبس تلوم نفسها
_يمه اهدي حلم كاافي
_يا حلم حقيقة كله مني ليش سويت هيج ليش
_يمه شنو سويتي
ما ترد....
_جيبولها ماي وينج احلام
_اي خويه رايحه
_يلا كومي شربي
_ما اكدر رجليه
_رجليج شبيهن مدكليلي
_ولك يمه گرمِّني وعذبني
_منوو
_بقت تضرب على راسها وتجر بشعرها واصيح شللني شللني...
_يمه رحمه اهلج بس اهدي!
_لج ام كريم شبيج حلمانه انتي بس اصحي
اشش حط راسها على صدرا
وبقى يردد كافي حلم، حلم
وهي بس تبجي واصيح رجليه رجليه راحن.
اباوع على كريم صافن عليها ومحتارين شنو ايسوي واحنه التزمنه السكوت وبس صوتها وهي تبجي واصيح رجليه،
كريم صار يم رجليها لمسهم.
_يمه جاي تحسين بأيدي لامسه رجليج
_لا
_ زين يمه رفعي رجليج
_اكله ما احس عندي رجلين
_شلون ما تحسين وين راحت رجليج
عاطت ما ادري والله ما ادري
_اشربي ماي حط ايده ورا ظهرها وشربها ماي كلها ارتاحي هذا حلم شوفي هاي كلنا يمج يمه انتي مابيج شي
_گرمني يا يمه وصرت ما احس برجليه
_احجي يمه منو هنن سون بيج هيج
ردت احلام:
_يمه هاي انا يمج وهاي فردوس مو حلم هاي احنه هنا احجي شبيج يمه احجي مو بطيتي گلبي.
اخذت رشفه ماي وهي مرعوبه ايدينها ترجف منظرها خلي واحد يشفق عليها سبحان الله هاي
عمتي لسانها ما يسكت اليوم لسانها أعلن عن عجزه بالنطق شنو صار الها بليله ظلمة تحولت
عمتي من انسان شرير الى انسان عاجز!!
لهناك هدأت وبدت تحجيلنا خايفه وتحجي برجفه لازمه ايد كريم وابو حيل مثل تستنجد بيهم
ČTEŠ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
