جُمِّلْت... أخلاقها //باللهجة العراقية //

حلقة(29) جزء الثاني

༺༺༺༺༺༻༻༻༻༻
حلقة (29)

#جُمِّلْت أخلاقها

✍🏻كاتبة الجنوب

________________بسمه تعالى _____________

عندما كنتُ طفله أحلم في بيت يجمعنا انا وانت وبنيتُ ذلك البيت في خيالي وكل يوم يمر أرى بيتنا يكبر ويكبر، لم احلم بأن البيت سينهدم لم أحلم بأننا لم نعيش معاً، لم  أحلم بأن أكمل باقي العمر وانت بعيد، بعيد كل البعد عني لم احلم بأن قلبي سيهدم مثل بيت احلامي، لم احلم بذلك؟ 

فززنا صوته وهو يكول

_انتو هييي شعدكم هناا

سحب ايد أيسر التفتنا عليه شفنا أيمن مخنزر عينه علينا وجها العصبي ما يتفسر

صفك ايدينا وكالها بضحكه مستفزة

_الله خوش ماخذين زاويه ومحد يمكم وطاكين حبجيات مو ايسر أفندي،

ما حجه اي شي أيسر غير دنك راسه مثل لمسوي جريمه ما تغتفر شگل ردنه ورفع ايده يريد يضرب أيسر،

تقربت يمه ونزلت ايده وكتله ما سوا شي اخوك حتى ضربه وزلمه مو بالضرب والعصبيه، زلمه بگولا  وفعله..

تفاجأ من ردت فعلي،

_ ما ألومج ما متربايه زين، قبل شوي تحوسين هنا يم زلم وتباوعين عليهم وهسه مختليه ويه خوي برافوو خوش بت عم،

اباوع على أيسر انطعن وجها احمر وحجاها بغضب

_آمنه شسوين يم زلم صدك حجي أيمن

_شسوي يمهم اجا لكاني هاي وكفتي بس اريد ألمحك او المح طفل بس هو ضاهر عينه زايغه ايشوف الناس كلها مثله

_ههه وشرايج ابو عين زايغه ايروح يوصل هل حجي وهل تصرفات لأبوج واخوانج ايشوفهم يقبلون بتهم هيج توكف يم ولد ويلزم ايدها وبحب وغرام،

_كلت بصوت ناسي عييع ياربي ما اهضمك وتريدني احجي وياك

_شكلتي ما اسمع

_ومنو كال راح يصدكوك رجعت لزمت إيد أيسر احنا من الزغر سوا تجي هسه انت وطلع علينا حجي

_هم كولي مثل اخوي من زغر وياي وابن عمي يعني اخوي

_لا والله ليش أجذب أيسر حبيبي واحبه عندك مانع، ايسر يعصر بيدي وانا مستمرا احجي وهو نطعن وجها غضب بزايد رفع ايده راد يحجي سكت وطلع

_ولج آمنه سويتي

_خيولي هذا اخوك ما اطيقه ابد

_عصرت ايدج حيل ولج سكتي وانتي ماكو مندمجه بالحجي اخخخ من لسانج راح يطيحنا بمصيبه

_جذب ما يكدر يسوي شي

_شدعوا هلكد متأكدة راح وحجه ل أهلج ساعتها شيسوون بينا