حلقة(46)
#جُمِّلْت أخلاقها
✍🏻كاتبة الجنوب
_____________بسمه تعالى ______________'
اليوم مو مثل كل يوم، اليوم المنتظرته من السنين اليوم راح ينكتب اسمي بإسمه وراح يسموني مرت عماد، الفرحة ما واسعتني وآنا اشوفهم مخبوصين وإبتسامتي ما فارگتني،
إستجمعتُ كل قواي وأخبرتُ قلبي بأن يهدء فأن الذي اهواه اليوم اصبح في قبضتنا، سأجتمع بمحبوبي تحت سقفٌ واحد ونتبادل الحديث معاً، سنتشارك بكل تفاصيل ، ستتقابل أعيننا وتتشابك أيادينا سأحدثه ماذا فعل بقلبي لعله يخبرني سره لماذا احببته كل هل حب هل له أن يخبرني....
_هلوو هلوو العروسه حاطة رجل على رجل
وصافنة وايدها على خد وعاشكه ومالها أحد وابتسامتها من طول لطول واحنه علينا گراب والله هذا مكاني وتحلمون اشتغل وياكم
_خوخو عن العيارا شوفي ساعة بيش
_ماماتي خلي وجدان تشتغل مو بس احنه!!
_اي يا يمه غير اختج عروسه تردون تربونها والناس جايين علمودها، بعدين شدعوا مسويه روحج مكطعه شغل اشو هاي اختج ومرت اخوج كايمات بالواجب
_وهي شنو شغلها بس تكشخ وتكعد
_اي
_اي اليوم شيخه وجدان لحد يحاجيها!!
رفعتلها تك حاجب دنكت وراحت تكمل شغلها
ما رحت لصالون خليت مكياج بالبيت بمساعدة سمر وجنان وحده سوي شعر والثانيه المكياج تفننو برسم مكياجي شفت نفسي اميرة، وعيوني تراقب الساعة بس حتى يجون واريد اشوف عماد وردت فعله بمظهري ، يا ترى هو يفكر بيه مثل ما افكر بي،
نروح يم عريسنه:
واكف يم لمرايا وأرتب بشكلي مبتسم ومگييف على الآخر صبر الأيام وتعب السنين اجه وماكو غير لحضات ادخل بيتهم وآخذها من عيونهم،
_لك هلا بخوي شهل شياكة شهل أناقة يهنيالها
_هلا ب أمونه حبيبتي ولج انتي الحلوا كل يوم تحلوين بزايد بويه صايرا قشطة اخخخ من ابوي وسالم واله هذا جمال يروح للفاهي شلوون شفتي عماد الدين فاهي موو
هزيت راسي بمعنى "اي"
نكت ايده وگال:
_اذا متردينه ميت الف واحد يتمناج
أشرتله على بطني..
_وهذا
_حامل هااا
_اي
_بربج انتي مال أم،هاا مال أم، وهو انتي جاهله تربين جاهل شكول عليك سالم
_اششش لا يسمع وسوينه هوسه وما اريد يخرب واهسك بسببي
_دمرج ودمر قندة الي ما نعرفها عايشه لو ميته شمروها خوش شمرا، ودمر روحه هم، من زوج هل فيل الشرس
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
