༺༺༺༺༺༻༻༻༻༻༻
حلقة (18)
#جُمِّلْت أخلاقها
✍🏻كاتبة الجنوب
_____________بسمه تعالى ____________
لَمْ يَبْقَ في النَّاسِ إِلاَّ المَكْرُ وَالمَلقُ
شَوْكٌ إِذَا لُمِسُواْ وَرْدٌ إِذَا رُمِقُواْ
فَإِنْ دَعَتْكَ ضَرُورَاتٌ لِعِشْرَتِهِمْ
فَكُنْ جَحِيمَاً لَعَلَّ الشَّوكَ يحْتَرِقُ
-
صافنة معقولة الهديه هاي لبنية الزغيرة
اول مرة اسمع هدية إنسان من شحم ولحم...
بقيت واكفه وأسمع شراح يكون رد الحجي
_هدية حجي ما يصير تنرد!
بقى صافن عليها...
اباوع على لبنيه بعدها زغيرة برغم ما طالع منها بس عيونها شاع جمالها باين بعيونها، لو بس ادري شنو الفضل لمسوي حتى يهدوله هيج بنيه...
_اختي اخذي بتج وتوكلي انا مو حمل هاي هديه
_بس ابونا ميرضى أرجع وياي لبنيه يزعل عليك!
بقى صافن
مو من شيمنا نرد الهديه عوفيها تشتغل ويه بنات فترة وأرجعها
وإن جان متعاجزين من لگمتها!
انا أدفعلكم مصرفها.
_والله يحجي شكلك العوز يكتلك وملكينا ابن حلال يستر عليها، ومن كثرت أفضالك علينا قررنا نهديها الك
_اختي مثل ما كتلج عوفيها تشتغل ويه بنات
_بس ابوها يريدك تعقد عليها ومن شيمنا وأخلاقتا نتركها يمكم بدون عقد زواج!
رجع تنهد باوع على بنيه وايده على لحيته شوي وكال
_هذا هو...
هههه يعني شنو راح يزوج خلي اروح أبشر الحجيه!
عاد انا شلون أحبها، وأتمنالها الخير أبتسمت بمكر ورحت أدور عليها
لكيتها كاعدة وحاطة صينية الأكل خرب شكد تاكل هاي وكل شوي عايطه على وحدة اجيت يمها شافتني عاطت
_هي انتي شعندج تفترين
_أأأ هسه اروح، بس اريد أسألج حجيه فد سؤال
_هسه وكت أسأله روحي شغلج
_يا حجيه قابل شغل طاير ، بس الحجي يمكن يطير (حجيتها بگلبي)
_شعندج فضيها
_اي حجيه ردت أسألج هم بنات الحلواات الشابات
_شبيهن
_يعني البنات ينطونهن هديه لرجال
_شجاي تخربطين!!
_ما ادري بس انا سمعت مرا كالت للحجي هاي هدية الك
_شنو من هديه
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
