جُمِّلْت... أخلاقها //باللهجة العراقية //

حلقة(22) جزء الثاني

༺༺༻༻༻༻༻༻༻༻
حلقة (22)

جُمِّلْت أخلاقها

✍🏻كاتبة الجنوب

_________________بسمه تعالى ____________

وخسرنه الحجي
الحجي توفى...

ضربت نرجس على خدها

_يااا، الله يرحمه

تلكته بسه وهي اصيح بابا، بابا،  باسته بخده،
وهو حيل مابي عيونه حمر وضايج على صويحبه وخبزته منه،

_بابا ليش صاير عصبي والله ما سويت وكاحه وآمنه ما ضربتني، باسها ونزلها من حضنه ودخل بدون ما يحجي شي اشوف بسه دمعتها بعينها لأول مرا ما يلعب وياها

_تعاي بابا تعبان

_شبي بابا

صاحت عليها آمنه يعني مو لازم تعرفين كلشي، هو حزنان لأن الحجي مات يمه انا هم حزنانه عليه خطيه هوا.

_ما يصير انكول عليه خطيه لأن هو راح يم ربه بمكان أحلى من هو عايش بي

_بس هو مات بعد ما يشوف اهله،

_لا هو يجي ويشوفهم بس ما يشوفونه.....

حور: بقيت صافنه على كلام نرجس وتذكرت رافد من يوم مات بي توفي ذكرت كل كلمه كالها الميت من يموت روحه زور بيتهم مثل فراشه ابتسمت وانا اذكر كلماته وابتسمت على ذكرياته رافد بصمه حلوة بحياتي قواني وشجعني بس دمرني بحبه،

آمنه صافنه وكل شوي سألت سؤال وبسه تساعدها، واسئلة اطفال ما تخلص رجعت كالت

_انا ما احب الموت

ضحكت عليها هو انتي كل ما مات واحد كلتي مااحب موت.

_والله، زين هو ليش واحد يموت.
ردت عليها نرجس

_يمه كل واحد يخلص عمرا يمووت
رجعت بسه كالت

_لعد ابوي شوكت يخلص عمرا
كالتها بدخلت ابوي سمعها وبتسم

نرجس: يبوووي خلصني من اسئلة بناتك بعدين انتي راكضه على ابوج تردينه يمووت .

صاحت قندة

_يمه اسم الله عليك من الموت وإجت سلمت عليه وهو تفاجأ من شافها بعدين تربع وكعد صاح على بسه وهي ما صدكت كعدت بحضنه

_شبيهن بناتي

هاي يمك وخليهن يسألنك انا تعبت من اسئله
رجعت آمنه كالت

_يباا ليش واحد يموت اشو بين فترة وثانيه سمعنا واحد ميت

_الله مثل ما خلق الحياة خلق ورا هاي الحياة موت انا صح ما اقرا بس حافظ جم سورة من قران قال الله سبحانه وتعالى في كتابه العزيز : (الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ).