جُمِّلْت... أخلاقها //باللهجة العراقية //

حلقة (45) جزء الثاني

༺༺༺༺༺༺༻༻༻༻༻༻

حلقة (45)

#جُمِّلْت أخلاقها

✍🏻كاتبة الجنوب

_________________بسمه تعالى_____________

كلتها قبل عسى حوبتي ما تتخطاج بس ما دريت الله ياخذ الحك لو شكد ما يبقى بس ردت الحوبة تطلع بيها مو بزرها، بس الله يعرف مكان يوجع ويريدنه التوبة،والحوبة تبطي بس ما تخطي

وتسحك وتلحك وتاخذ ثلثين من الحك بس

اخخخ من ابن آدم لو ساد گلبه ونترس حقد ونفاق ايصير لحمه مر ما ينجرع وضميرا يموت لا يفكر بحلال ولا بحرام

كل همه مصلحته وبس ونسه الله يرتب امورا وحاشاه ينسى عبده

_والله خطيه ام سمر ما تستاهل، كالتها دجلة لأن متدري هل إنسانه شنو من معدن شايله متدري بسواد گلبها

الإنسان يظهر الأجمل ويخفي شرا

_والله متخبله على ابنها

_زين هي وين جانت لمن احترك

_والله يا دجلة الشي  و يريد ايصير وليش وين هاي بعد ما تفيد هو ربج مقدرله هيج ايصير

_خطيه وهسه هو شلونه

_تحت رحمة الله، الولد زغير وجها وجزء من جسمه صاير اسود من الحرك

_يبوووي سوده عليه هذا بانزين مو شويه

_اي

_يعني هو شلون يذب بانزين بدال نفط

_اووف يا دجلة بعد شلون، حاركين الزبالة وشايف دبة البانزين حسباله نفط هو جاهل وين يعرف بانزين عن نفط بس ادعولة يطلع بالسلامة

_وابوو وينه يعرف لا

_رافد وينه شوفته صارت حسرة عليهم

_يااا هذا غاط بالخارج ومتونس وعايف هذول المگاريد

_شلون عايفهم غير شغله هيج يطلب منه

سوت حركة بحلكها معاجبها العجب..

_هسه يطلع مزوج وعنده كود فروخ

_وشعلينه بيهم بكيفه

_اي شعلينه بالناس

واكفه يمهم واسمع حجاياتهم

رف گلبي من جابو طاري رافد اخخ يگلبي لا تحن ولا ترفرف الراح راح لا هو يرجع ولا گلبي ينسى، مر اليوم وما عدهم غير ابن رافد صار حديث المدينة طلع من مستشفى وشوي حالته تحسنت اجت نرجس ورحنه يمهم،

دخلنه عليهم كلهم متواجدين وملتمين عليه داير مدايرا وام سمر ميته من البجي سلمت عليها من ورا خشمي بس قريت نظرتها الي نظرة ندم بس شيفيد الندم،

بسة /اليوم وين اروح

_بيت عمج

_نشوف جهاد