#جُمَّلت أخلاقها
✍كاتبة الجنوب
_________________
قندة :
حضرتلها ملابس والحمام وجها اصفر كلش متعوب جريناها من ايدها ودخلت للحمام، خليت حور يمها هي ولبنيه رحت اطبخ وأمنه تلعب بسه وهي كارها امها وصغيرة ما تقبل شوفها وتروح يم امها، للعصر اجت ام ضاري وبقت تعتب ...
_ياا انا يمكم ليش ما صحتولي خليتوها وحدها صدك جذب
_واحنه نتعذر
نرجس ادكلها متقصرين انتم جار ونعم الجار،
لليل يلا راحت اخذت زغيرة تغيرلها ادكول سبحان الله الخالق شهل جمال ما شاءلله، صدك جانت جميله وجها يشع نور من كد بياض،
مرت ابوي مو ذيج لهفتها مثل ما ولدت بسه معرف لهفة ثاني طفل تختلف معرف لأن مو ولد،
ام ضاري ابد ما تركتنا 3ايام ورجعت مرت ابوي على حيلها انا عفت طبخ بقيت طفلة كله يمي وبسه تغار وتبقى تبجي متريدها يمنا وانا روحي تعلقت بيها وكل يوم ازيد جمالها وريحتها كلش طيبه،
اليوم عاشر من ولدت نرجس كعدنه الصبح ونفس روتين يوميه وعماد اليوم رجع مجاز جيرانه توفت بيبيتهم العجوز وصريخ واصل بيتنا مرت ابوي صبح كله يمهم وام ضاري اجت اصيح عليها لأن توا والدة ميصير
ام ضاري:ولج انتي ما تخافين على لبنيه
_ام ضاري لعد شلون غير نعزيهم نسوي واجب
_هسه كلها ناس تدري بيج توج جايبه محد عاتب عليج
_خيه والله قهروني صريخهم واصل بيتنه شفتي بناتها سودة عليه
_بعد شيسون هذا امر الله
_حمدالله وشكر
_وين زغيرة خلي اشوفها
_تعاي خيه تعاي دخلي
_بنيتي هاي بنيتي
_قندة جيبي زغيرة وتعاي
قندة: اخذتها ها خالة ام ضاري شلونج
_هلا بيج خالة، هلا هلا ب بنيتي اووفيش ما شاءلله يوم على يوم تحلو اكثر هاي يمكن اصير احلى من آمنه
تضحك وتباوع مرت ابوي وآمنه برطمت
آمنه: لا انا حلوة احلى منها
_عود صرتي مرة وعقلج بعده جاهل
نرجس: خاب سكتي حالها من حال بسه هاي يوميه نلكاها ضاربتها معرف ما جنها اختها يمه من غيرتها
ام ضاري:بعد لأن اجت فوك راسها بعد هاي آمنه حلوة طيوبه معليج بيهم انتي تخبلين احلى وحدة
آمنه ما صدكت واحد مدحها ابتسامتها شاكه حلكها
ام ضاري: وين بسه ولج بسه راح اخذ اختج الي
وهي تضحك وتأشر اخذيها
نرجس: سكتي هاي غيرة كاتلتها ولا تحبها
ΔΙΑΒΑΖΕΙΣ
جُمِّلْت... أخلاقها //باللهجة العراقية //
Μυστήριο / Τρόμου/ Θρίλερهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
