#جملت أخلاقها
✍️كاتبة الجنوب
شهر 3 عام 1996صار اسبوع من ولدت مرت ابوي ولحد الان مشايفين المولودة ابوي نسأله شنو اسمها ايكول ما ادري شنو سمتها اشو صعب ما يلفظ بلساني اخر مرة راحلها كتبه بورقة انا مو هلكد اعرف اقرا، انطينا سالم هو الي قرا وكال اسمها بيسان، يبووي شهل الاسم يا بويه هسه احنه ليسان تعالي ليسان روحي
سالم:_ ولج عمة بعينج انتي ضلين ثوله جاي اكلج بيسان شجاب لسان من الله يكطع لسانج ونخلص من ثولج
قندة:_ انتَ اشبيك عليه اي صعب شعرفني
آمنه:_ اصلاً سهل انا اكولها بسه
سالم:_ يلا بلى هاي ثانية
آمنه:_اعرف بيسان بس اني اسميها بسه
سالم:_ عمي بكيفج شسميها سميها
آمنة كل يوم تبجي ودوني اشوف اختي وعلى مرتين راحلهم وياخذها وياا وهم ترجع ميته بجي قنعها بالدوام ميصير ما ترحين للدوام يضربوج وهي تحب المدرسة، عاد كال باجر اجيبهم كافي اسبوع هنا الفرحة ما واسعتها راح تجي امها،
صار العصر وآمنه تحسب الساعات على جيتهم، العصر انظف على سريع واكعد على تلفزيون باقين بس انا وحور، سليم آمنه يلعبون بالبستان وانا اباوع على تلفزيون اجت بالي فكرة
قندة:_ اكلج حور هسه هذول شلون هيج يطلعون بالتلفزيون كلهم واحد يم ثاني انا مرات اصفن حسبالي هما يمي
حور:_ شنو بالج بلا بس لا تردين ترحين يمهم
قندة:_ الله محد ياخذني جان رحت يمهم انتي شوفي لبسهم شكد حلو انا ما عندي نفسهم
حور:_ يعني لو عندج ترحين
قندة:_ اي ليش لا
حور:_ اي مو انتي الز
قندة:_ هسه عوفج من هذا حجي وشوفي شرايج اروح اوكف فوك وانتي شوفيني بلتلفزيون هاا شكلتي
حور:_يعني شلون بلا فهميني
قندة:_ ولج هسه مو هذا عمود الطويل تطلع من عندة اشارة وانشوف احنه مسلسل وافلام كارتون يعني احنه هم من نوكف يمه نطلع بلتلفزيون انا امس سألت سالم وكال من هذا العمود
حور:_ منو كلج انتي راح طلعين بلتفزيون اذا وكفتي يمه راح طلعين
قندة:شوف هاي الفاهيه انا سمعته يكول لا تخلي شي يمه لا نخلة ولا شجرة لازم مكان فارغ ورا اكيد حتى لا تطلع
حور:_ ها بس خاف ايشوفج احد
قندة:_ لا ما اخلي احد يشوفني اذا شفت احد ما اصعد هو منو هنا يمنه اراضي كلها فارغة بس بيت ابو علي خوفج بس من هذا ابنهم ابو عيون كلما ايشوفني امبلحك عيونه هو واخو يمكن اخو فقير بعدني ما شايفة منه شي وام ضاري حيدر بل شغل وهذا عقدة ضاري ميزحزح من البيت معاشر البيت ليكول مرا،اما هذولي جيرانه جدد بيت ابو يوسف جهال عدهم معدهم شباب
حور:_ يلا روحي لعد
قندة:_ يلا شوفيني شلون اطلع حلوا راح اونسج
حور:_ يلا روحي مدام ماكو شي نشوفه
قندة:_خلي امشط شعري حتى شوفيني حلوة
حور:_ يلا استعجلي
رحت ركض مشطت عدنه درج يصعدون الولد بي بقيت اصعد على كيف انا مو ضعيفة لا شويه مدنفشه سميت بسم الله وبديت اصعد شوي شوي الى ان وصلت اشوف الجو فوك الله شكد حلو والهوا يودي شعري واجيبة تنهدت بعد ما تعبت اوووف مدري،شلون ايصعدون هيج على سريع اخذت نفس باوعت يمنه يسرا اي هدوء،ماكو ولا بزون احنه صايرين بالنص من هاي جهه اليمنى بيت ام ضاري وجهة اليسرى بيت ابو علي هذولي محد طايقهم انسجنه من وراهم ولدهم كلش مو خوش أشرت على حور معناها تحضري وكليلي شلوني طلعت صرت كبال عمود طويل الي، سمونه آريل
وبديت اسوي حركات الي تعلمتها من مسلسل ارفع ايدي وأنزلهن صحت على حور ولج وينج ها شلوني
حور:_ تخبلين تخبلين جاي اشوفج
شوفي لعد شراح اسوي بديت احجي مثل مذيع اخبار
_اعزائي مشاهدين الكرام اقدم لكم نشرة اخبارية نوافيكم بالاحداث
اوو هسه حور ضوج لأن هي تكره نشرة اخبار من تطلع خلي اضوجها بعد وبديت احجي كلام الي حافظته من نشرة الاخبار وعيوني ميرمشن ابد بوجه أريل واحجي
اخر شي طكيتها ضحكة ها لج حور ادري بيج ضجتي لعد شوفي هذا برنامج الي تحبينة وبقيت اسويلها حركات بوجهي واخرع بيها هذا فلم مرعب بقيت انتظرها اصيح ماكو الظاهر هاي ندمجت انا اعلمج حورو، خلي اذكر اي هاي لقطة مالت المسلسل بس هاي وياها حبيبها هسه منين اجيب حبيبها باوعت وراي لكيت خشبة طويلة حطيتها كدامي وبديت احجي وياا خشبه اهااا يحبيبي اين انت هل تسمعني انا هنا انتظرك اخرج لي حبيبي هل أتيت حسناً سوف نرقص معاً..
لزمت الخشبة وعود اركص تخيلت نفسي البطلة واركص على اغنية رومانسية وجان ابوس الخشبة وانا اكول الويزا ما هذا جمال انتِ حقاً جميلة وسرحت بالاحلامي ولازمة الخشبة بأيدي اروح بيها شمال وجنوب هاي رقصة اشوفها بالافلام رجعت ابوس الخشبة وجان احس بضربة على راسي فزيت من احلامي واشوفها
سالم فكيت عيوني على وسعهن بلعت ريكي
سالم:_ ولج صعدج شوصلج لهنا وبعدين هاي خشبة شبيها طايحتلها بوس انتي شبيج تخبلتي
اشوفه يتلفت ايروح ويرجع يباوع يسرا ويمنه ولج وينه منو هذا صاعدة علمودة لا وطايحة بوس للخشبه شسوالج احجي
بقيت صافنة عليه ودموعي من وحدهن ايطيحن اريد احجي ما اكدر
هو ايصيح ويغلط طايحة الحظ تالي اختي هيج الكاها من امداني اذااختي خرب غير تحجي منو هذا يا گلب ابن گلب تنهد ورجع عيط اكيد هذا عليوي اي ادري هذا عوينجي اشوفة كل ما اجي عينه على وحدة تالي طلع حاط عينه على اختي النذل هو هاا كليلي وينه على سطحهم وجنتو تحجون ههههه وينك ابو سالم تعال شوف بتك امشي ولج اليوم ما بقيج عايشة انتي مثل هذيج كح...امج امشي اليوم احركج وادفنج خاف ابوي دخل للسجن انا ما اخلي واحد يعرف سحلني من شعري
قندة:_ فدددددددوة انا
سالم:_ اششش ولا كلمة
نزلني من درج احس عظامي كلها مكسرة بقيت الطم
_لك مو هيج والله والله اسمعني
سالم:_ انجبي لج شسمع مدكليلي عليمن طلعين بعد امج منو وعيط بكل صوته طلعت حور
حور:_ يمه شافج مو
سالم:_ يعني انتي تدرين اياا ملعبات هههه هنيالك يباا على هيج بنات كح...وهنيالي هم هيج عندي خوات ولج اليوم اسويجن فحم
راح طفر
حور:_ ولج قندة سويتي
بقيت الطم على وجهي ولج اصخمتي يا قندة وينك يباا الحكني ولج حور راح يحركني ولج
حور:_ شلون هسه شسوي
قندة:_ عوفيني وروحي طلعي بره
حور:_ واخليج تحتركين
قندة:_ اي خليني عاد وحدة تحترك ولا ثنينه
شوي ودخل جايب دبة البانزين
تنهدت سلمت امري لله بس هو يعرف برائتي ربي مالي غيرك، اشوف عيون سالم حمر مثل شرارة النار هاي هي يمكن منا وخلصت حياتي
سالم:_ ولكم انا الكم اليوم تلعبن من ورا ظهري
حور:_ فدوة سلوم سامحها وبعد ما تعيدها والله
سالم:_ لا واخليها تعيدها هههه لك هسه احركها واخلص
حور:_ لا لا سلوم والله انا كتلها لا صعدين بس هي لزمت تصعد وانت كايللها
سالم:_ بلا ليش ما سكتين شكايل انا وانتي انبلع لسانج كليلي منو هذا تحجين لو رش هذا على جسمج وعود شخاط تفحمين واخلص منج
قندة:_ أ أأ مسووويت شي
حور:_ منو عليمن تحجي
سالم:_ هي كلش زين تعرف شمسوية
قندة:_ والله مسويت شي وبروح امي مسويت
سالم:_ هههههههه شوف بيمن تحلف من احتركت روحها عساها بنار جهنم وانتي لا سوين روحج متعرفين شسوي فوك ويامن تحجي اخخخخخخ لو اكضه اله اندمة واللهو
حور:_ انت شبيك عليمن جاي تحجي افهمني ترا هي صعدت علمود تلفزيون
سالم:_لا والله تردين تقنعيني واشبي تلفزيون يا ست حور
حور:_اسمعني سالم انت متعرف بهاي ثوله ادكول اوكف فوك وشوفيني اطلع بالتلفزيون
سالم:_ شلون
حور:_ هي ادكول اطلع بالتلفزيون
قندة:_اي سالم تعرفني ثولةصعدت اونس حور والله
سالم:_ ولج انتي شنو من بشر هنا ماكو عقل بس كليلي بهاذ ثولج يجي اليوم الي خليج تموتين نتر ايديه وطلع
ركع الباب حيل
بقيت صافنة اول مرة اشوف سالم بهل عصبية معقولة هذا اخوي ابن امي وابوي هيج كول عليه اذا اخوي وصفني مثل امي جا غريب شيكول، ومنا عرفت انا راح ابقى اعاني طول عمري تاريخ امي ما ينسي بس ما عرفت راح اصير كل هذا بينا...
حور:_كومي كومي الله لا ينطي خرعنه همزين ما رحنه بيها وبعدين انتي شسويتي فوك
قندة:_ ليش ما شفتيني
حور:_ ولج ما طلعتي
قندة:_ شنو
حور:_ اي والله ترا ماكو هيج شي انتي شبيج
قندة:_ كل هل هوسة وعظامي تكسرن وانتي كلشي ما شايفة
حور:_ هههههههه لا بس ردت اضحك عليج والله
قندة:_ حقيرا ليش كولين شفتج وخليتيني اندمج واتخيل روحي بمسلسل
حور:_ هههههه اي جذبت عليج
قندة:_ اوكفيلي ولج اخخخخخخ عظامي مكسرة ولج تعاي ركضت وراها وهي سريعة ما الحكها كعدت وضليت ابجي اي ليش جذبين عليه شمسويتلج
حور_ لأنج ثولة صدكين بسرعة اي ابجي مثل جهال ننننن
قندة:_ انا اعلمكم اليوم الي يحاجيني اموته
دخلت بلغرفة بقيت كاعدة بالزاوية صار مغرب نمت لا طبختلهم ولا شي عرفو انا تعبانة وخليت كلشي يطيح براس حور مسويتني مضحكة وانا باقية واسوي حركات كل عقلي اونسها ونمت مسويت شي بلبيت مكعدت اله على صوت ابوي كعدني اسويله ريوك،وهذا اخر مرة اسوي لأن العصر كال راح اجيب نرجس كمل اكله وطلع بديت اكعدهم للدوام كلها تكعد اله انسة حور
كلعادة اجرها جر وانا زعلانة منها بديت اضربها اخر شي جبت ماي بارد وعلى وجها وهي فزت واعصابها نار
حور:_ولج هيج ايكعدون اشبيج اليوم من الصبح
قندة:_ هيج مزاجي الي سويتي البارحة مو شويه
حور:_وانتي مقصرتي من لفيتي راسج ونمتي وطاح كلشي بركبتي محجيت
قندة:_ احسن تستاهلين
عفتها وهي اعصابها نار ومثل كل مرة اسويلهم أكل وغير ملابس آمنه وهي عيونها منعسة اسرح شعرها وهو شعرها كصير واشكر وكذلتها طايحة على عيونها اسويلها كرون اثنين ما شاءلله على جمال كلش حلوة وتنحب بريئه وغير الي طيح بلسانها ميخلص هما راحو سديت الباب سالم ماكو يمكن رايح للصيد بايت بالشغل
ما شفته بعد الي سوا بيه وما حد عرف غير احنة ثلاثه،اليوم تجي مرت ابوي وتشرف مدام صغيرة بيتنا بقيت ارتب بلبيت وتنظيف، كلش تعبت على ما رجعو من دوام انا مكملة كل شي باقي اجزاء صغيرة بلبيت اكملها العصر قبل لا تجي، رجعو من دوام وآمنه مشايلة روحها من فرح اليوم ترجع امي كل شوي تدخل للغرفة تبخرها وتطلع ادكول حته صغيرونة تشم ريحة حلوة
انتظرت ابوي لساعة الثالثه رجع من شغل وهي خبصته شوكت تروح، العصر راح وهي بدلت وراحت وياا ونورت بيسان بيتها شكلها صغير بس ريحتها جنن كل شوي وحدة ما خذتها ونرجس اصيح ولجن مو لعابة هاي ادمية حالها حالكم، كلش فرحانين بيها ورسمت ابتسامة بيتنا، بس وين فرحة ما تمت، هاي السنة انطلبت مواليد سالم ولازم يلبس عسكرية كلنا ضجنه بس هاي امر لازم يتنفذ واذا ما يروح ينحكم، بقى سالم يحظر روحة واكيد يقضي الليل بيت عمي
زهير:_هاا لك ايكولون كبرت وصرت زلمة وراح تنظم معكسر هههه روح خلي ربوك ويشبعوك راجديات
سالم:_مثل ما انت شبعت ضيم
زهير:_ لك ربتنه العسكرية ربت عدنة گلب ما نهاب الموت وهسه ننتظر حرب سوينه ريس حتى تلكونه بالمقدمة
سالم:_ شكلك كاتل روحك على حرب
زهير:_ انت شايف من الزم سلاح ولك هيج اطيح عشرة عشرة
سالم:_ خاف بس تسمع صوت طلق تبلل روحك ههههه لك زهيرو اعرفك بس لسان
زهير:_ خاب متنجب ولك انا حولوني ملازم بس كلتلهم ما اريد هدوني عليهم لك غير انا ما احجي بطولاتي
سالم:_اهوو راح اطيح علينه السكف من وراك اروح انا اجيت اودعكم وين عمي
زهير:_بالمقر تلكاه يم مرته
سالم:_ جبح عود امه
زهير:_ يلا ولي ولي ارتاح من خلقتك مكابلني ليل ونهار
سالم:_يابة رايح
طلعت اتمشى ادور عليها اريد اشوفها راح اروح اريد اكحل عيوني بشوفتها امشي شوي شوي من اتعديت غرفتهم ياربي تطلع ماكو وصلت لغرفة عمي لمحتها من بعيد شفتها كاعدة يم عمي ومرته مرت عمي خياطة كاعدة تخيط وهي يمها
سلام عليكم
_وعليكم السلام هلا هلا ب سلوم تعال هنا يمي عمي شلونك شلون ابوك ب
_بخير الحمدلله
والله يعمي مريت على زهير وكلت اسلم عليك بعد انا طلع اسمي ولازم التحق بالجيش كلتها واشوف سمر رفعت راسها تباوعلي عيونها يلمعن وجها بريء شحلاته
وبعيونها الف عتاب
عمي:_ والله وكبرت يبن بندر ان شاءلله ترجع ونزفك بيدنه انداريت على سمر الي منزلت عيونها مني
_ان شاءلله عمي بس ادعيلي اخذ لبالي
عمتي:_ اياا ملعون يعني حاط عينك على وحدة..
معرف شحجاني هيج خجلت من نفسي
عمي:_ان شاءلله تطلع بت حلال وتراعي الله بيك
سالم:_ يلا عمي كعدتكم حلوا اترخص انا لازم انام واغبش من صبح
عمي:_الله وياك ان شاءلله ترجع سالم ودربالك على روحك ما اوصيك وبقى يحجي على عسكريه وهم بطولاته وانا عيوني صوبها اباوع بعيونها ليش هل عتاب وليش ضاجت معقولة هم تحبني نسيت روحي وانا هايم بعيونها الى ان خجلت وطلعت سلمت عليهم طلعت لكيتها شويه عن الباب الظاهر بعدها تسمع حجينه
سالم:_ سمر انا راح اروح دربالج على روحج
سمر:_ليش تروح
سالم:_ هو هذا قانون مو بيدي لازم اروح
سمر:_وشكد تبقى
سالم:_ حسب مدة التدريب
سمر:_انا راح ادعيلك ومن ترجع تعالنه
سالم:_باوعت بعيونها صفنت سمر
سمر:_هاا
سالم:_ باوعي بعيوني لا دنكين سمر انتي تحبيني
سمر:_ اي
سالم:_ كوليها يمعودة
سمر:_ أ أ أ أحبك...
اول حب لعيال بندر
اعتذر عن تاخير لأن جهازي عطاكم عمرا واحترك ترحموله 🥺
ان شاءلله بليل تنزل حلقة تعويض انتضروني
فجروها بتفاعلكم الي مشفته لحد الان ابد ما سون واهس
للنشر
اثبت وجودك بتعليق اكمل حتى لا تنحذف
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
