Unicode
အင်္ဂလိပ်စာကတော့ ဖြေသူကို နည်းနည်းခက်ခဲစေမည့်
မေးခွန်းမျိုးဖြစ်သည်။ တစ်ချို့ကတော့ ဒီနှစ်မေးခွန်းသတ်သည့် ဘာသာဟု ဆိုကြသည်။ Unseen ပိုင်းနှင့် essay ပိုင်းမှာ ကိုယ်နှင့်စိမ်းသည့် ဝေါဟာရတွေ ပါလာခြင်းပင်။ ဘာသာပြန်ဖို့ပင် ဘာမှန်းမသိတော့ ပိုဆိုးသည်။ သတ်မှတ်ထားတဲ့ အချိန်တစ်ဝက်ရောက်လျှင် အပြင်သို့ထွက်လို့ရပြီဖြစ်၍ ဒီနေ့တော့ ငယ်နှင့်အတူတူ ထွက်လို့ရပြီဆိုတာနဲ့ တမ်းထွက်လိုက်သည်။
"ငယ်ရေ..ဘာတွေလဲ"
အခန်းပြင်ရောက်လာသည့်ငယ့်ကို လက်မောင်းကနေ ချိတ်တွယ်လျက် ရယ်မောပြီးမေးလိုက်သည်။
"လာပြောင်မနေနဲ့..ငိုချင်နေပြီတကယ်"
"အောင်မှတ်ဖိုးတော့ အသာလေးပါ ငယ်ရ။ ဘာမှစိတ်ပူမနေနဲ့..အောင်ကိုအောင်မှာ"
ငယ်ကသွင့်အပြောကို မျက်စောင်းထိုးကာ ပွစိပွစိနဲ့ ဆက်ပြောနေသည်။ အင်္ဂလိပ်စာအကြောင်းပြောရင်းကနေ မနေ့က ဆေးခန်းသွားဖို့ငြင်းနေသည့်ဘက်ကို ဘယ်လိုရောက်သွားတယ်မသိလိုက်။ မေမေတို့ကို စိတ်ပူအောင်လုပ်တာတွေကော၊ တမ်းသွားလိုက်တာမဟုတ်ပဲ ခေါင်းမာပြီးဘာလို့ငြင်းတာလဲတွေကော စသဖြင့်
မြှားဦးက သွင့်ဘက်သို့လှည့်လာသည်။ ကိုယ့်ကိုဆူပူနေသော ငယ့်မျက်နှာလေးကို ဘေးကနေကြည့်ရင်းသာ ပြုံးနေမိပြီး အဆောင်ဘက်ရောက်လာတာတောင်မသိလိုက်ပါ။
အပြင်ရောက်တော့ ငယ်လည်း သူ့မိဘတွေနဲ့ စကားပြောနေသလို သွင်လည်း ဖေဖေတို့မေးသမျှကို ဖြေနေရသည်။
"ဒီနေ့ မေးခွန်းသတ်တယ်ဆို သမီးရှင်း..ဘယ်လိုနေလဲ"
"အသာလေးပါ ဖေဖေရာ..အိပ်ဖြေတောင်ရတယ်။အဲ...
ခြင်ထောင်တော့ထောင်ရတာပေါ့လေ..ခြင်နည်းနည်းရှိတယ်"
ဖေဖေကတော့ ရယ်မောလျက် ကျန်တာတွေဆက်မေးနေသည်။ သင်္ချာဖြေသည့်နေ့မှာလည်း ထူးထူးခြားခြားမရှိပါ။ ပုံမှန်မေးခွန်းလိုသာဖြစ်သည်။ သုံးဘာသာဖြေအပြီးတွင် စနေ၊တနင်္ဂနွေ ဖြစ်၍ ပိတ်ရက် နှစ်ရက်စာ အချိန်ရသည်။ ပြီးမှသာ ကျန်သုံးဘာသာ ဆက်ဖြေရမည်ဖြစ်သည်။
VOUS LISEZ
Nephophile
Roman d'amourအပြာရောင်တွေအကြောင်းတွေးမိလိုက်ရုံနဲ့ သူ့ရဲ့မျက်၀န်းပြာတွေကို ပြေးမြင်မိတယ်။ တိမ်စိုင်ပြာလေး ကိုယ်နဲ့အတူတည်ရှိနေနိုင်ဖို့ မိုးအုံ့တဲ့နေ့တွေမကျရောက်ဖို့ကို တတ်နိုင်သလောက်ကာကွယ်ပေးမယ်။ ကိုယ့်ရဲ့တိမ်စိုင်လေးပျော်ရွှင်စေဖို့ သူမှီတည်ရာကောင်းကင်ပြာကို သ...
