" ဒါဆို ဉီးဇန်က လူဆိုးလား။ "
" ကလေးက လူဆိုးလို့ထင်ရင်လည်း လူဆိုးပေါ့။ ဘာလဲ ကိုယ့်ကို ကြောက်လို့လား။ "
" မကြောက်ပါဘူး။ "
မျက်နှာလေးမော့ချီကာ မကြောက်ကြောင်းပြောလာသူအား ဉီးဇန် တအံ့တသြ။ ဒီကိစ္စတွေသာသိသွားရင် ဟန် ကြောက်ရွံ့နေမှာ စိုးရိမ်ခဲ့သည်။ သို့သော် မမျှော်လင့်ထားတဲ့အဖြေကြောင့် အကြောင်းအရင်းကို သိချင်လာသည်။
" ဘာလို့လဲ။ "
" ဉီးဇန်ကို ယုံလို့လေဗျ။ "
" ဘယ်လို "
" ဉီးဇန် ဒီလိုတွေလုပ်နေတယ်ဆိုတာ အကြောင်းအရင်းရှိလို့မလားဗျ။ ပြီးတော့ ကျွန်တော့်ကို ဉီးဇန်က ထိခိုက်အောင်မလုပ်ဘူးလို့ ထင်တာပဲဗျ။ ဟုတ်တယ်မလားဟင်။ "
" အင်း။ ကိုယ် ဟန့်ကို ထိခိုက်အောင် မလုပ်ပါဘူး။ "
ဟန်ရဲ့ ရိုးရိုးရှင်းရှင်းအတွေးကြောင့် သဘောကျမိသည်။ ဟန်က တကယ်ကို ပေါ့ပေါ့ပါးပါးတွေးတတ်တဲ့လူငယ်တစ်ယောက်ဆိုတာ သူ ခဏတာမေ့သွားခဲ့သည်။
" ကိုယ် ခဏနေရင် မိတ်ဆက်ပေးမယ်။ "
ထိုစဉ်
ဒေါက်~ဒေါက်
" ဝင်ခဲ့ "
တစ်ယောက်ယောက် ရောက်လာတာကြောင့် ဟန်မှာ ဉီးဇန်ကိုယ်ပေါ်ကထဖို့ပြင်လိုက်သော်လည်း ဉီးဇန်က ပြန်ဆွဲထား၏။ အခန်းထဲ လူလေးယောက်ဝင်လာ၏။ နှစ်ယောက်က ဟန်သိပြီးသားဆိုသော်လည်း ကျန်နှစ်ယောက်က မျက်နှာစိမ်းသာ။
" မင်္ဂလာပါ ခေါင်းဆောင် "
" အင်း။ ထိုင်ကြဉီး။ "
ဉီးဇန်ရဲ့ ခွင့်ပြုသံကြောင့် လေးယောက်လုံး ထိုင်လိုက်၏။
" ဒီနှစ်ယောက်က ကိုယ်မရှိတဲ့ချိန် တာဝန်ယူပေးတဲ့ ခေါင်းဆောင်နှစ်ယောက်ပဲ။ Joe နဲ့ Sin ။ "
" မင်္ဂလာပါ အစ်ကိုလေး။ "
" မင်္ဂလာပါခင်ဗျ။ "
ထိုလူနှစ်ယောက်မှာ ခန္ဓာကိုယ်တောင့်တောင့်တင်းတင်းနဲ့ သေချာ train ထားတဲ့သူတွေမှန်းသိသာလှသည်။
KAMU SEDANG MEMBACA
DEAREST
Romansaစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
Part 24*
Mulai dari awal
