Party အပြီး အိမ်ပြန်လာတော့ ကိုယ်လက်သန့်စင်ကာ အိပ်ရာဝင်ဖို့လုပ်လိုက်သည်။ ကုတင်ပေါ် ရောက်နှင့်နေပြီဖြစ်တဲ့ ဟန့်ဘေးမှာ ဉီးဇန်ဝင်လှဲလိုက်တော့ တစ်ဖက်ကို လှည့်ထားရာမှ ဉီးဇန်ဘက်ကို လှည့်လာသည်။
မျက်ခုံးတွေတွန့်ကျေနေပုံအရ တစ်ခုခုကို စိတ်အလိုမကျ ဖြစ်နေပုံရသည်။ ဉီးဇန် ဟန့်ရဲ့ မျက်ခုံးလေးကို ဖွဖွလေးထိကာ ပြေလျော့အောင် လုပ်ပေးပြီး
" ဘာတွေ အလိုမကျဖြစ်နေတာလဲ ဟန် "
" ကျွန်တော်မေးစရာရှိတယ်။ ဒါပေမယ့် ဉီးဇန်က အမှန်တိုင်းဖြေရမှာဗျ။ "
" အင်း "
" Party မှာတုန်းက ဉီးဇန်ကို လာနှုတ်ဆက်တဲ့တစ်ယောက်က ဘယ်သူလဲ "
ဖြေပြီးတာတောင် ထပ်မေးနေပုံထောက်ရင်တော့ ထိုအမျိုးသမီးကြောင့် ဟန် စိတ်ရှုပ်နေတာဖြစ်လိမ့်မည်။
" ဟန့်ကိုရင်းနှီးသလောက် သူနဲ့မရင်းနှီးဘူး "
ပြောချင်သည်က ဟန့်ကိုသာအရင်းနှီးဆုံးဖြစ်ကြောင်းကို တစ်ပတ်လှည့်ကာပြောလိုက်တဲ့ ဉာဏ်များတဲ့လူကြီးပင်။
" ကျွန်တော်ကတော့ အဲ့လိုမထင်ပါဘူးဗျ။ "
" ဘယ်လိုထင်လဲ "
နှုတ်ခမ်းလေးဆူကာ မျက်နှာကိုမော့ကြည့်ပြီးပြောနေသူရဲ့ ဆံပင်လေးတွေကို ညင်သာစွာ ထိုးဖွရင်း
" မသိတော့ပါဘူးဗျာ "
" ကိုယ့်ကို သဝန်တိုနေတာလား "
" ဉီးဇန်! "
" အင်း ကိုယ်ပါ။ "
" တော်ပြီဗျာ။ မပြောတော့ဘူး။ "
ရင်ခွင်ထဲရောက်ပြီးကာမှ တစ်ဖက်သို့ ပြန်လှည့်သွားသူအား ဉီးဇန် ပြုံးကာကြည့်လိုက်သည်။ ကျောပ င်ငယ်လေးက ဉီးဇန်ရဲ့ ရင်အုပ်ကျယ်ကျယ်ကြားမှာ နစ်မြုတ်သည်အထိ သေးငယ်လွန်းလှသည်။ သို့သော် တခြားသူတွေနဲ့ယှဉ်ရင်တော့ ဟန်က တောင့်တင်းတဲ့ခန္ဓာကိုယ်ကို ပိုင်ဆိုင်ထားတာပင်။ သို့သော် ဉီးဇန်နဲ့ယှဉ်ရင် သေးသွားတာကိုတော့ ဘာကြောင့်လဲဆိုတာမပြောတတ်ပေ။
YOU ARE READING
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
