ဉီးဇန် ဟန်နဲ့အတူ ပြန်လာပြီးနောက် ဟန်က ရေမိုးချိုးသန့်စင်ကာ အဝတ်လဲနေ၏။ ဉီးဇန်က ပြင်ဆင်စရာ အလုပ်က််ိစ္စတွေရှိနေတာမို့ ဟန်ရေချိုးပြီးကာမှ အခန်းထဲ ဝင်လာ၏။
" ဉီးဇန် ရေချိုးတော့မလားဗျ။ "
" အင်း။ ဒါနဲ့ ကိုယ်ပြောစရာရှိတယ်။ "
ဟန် အဝတ်ရွေးနေရာမှလက်တို့ရပ်တန့်သွား၏။ ဉီးဇန်က လက်က ကြယ်သီးကို ဖြုတ်ရင်း ခုတင်ပေါ် ထိုင်နေ၏။
" မနက်ဖြန် ' PATA' သွားစရာရှိတယ်။ "
" အလုပ်ကိစ္စလား ဉီးဇန် "
" အင်း။ ပြီးတော့ ဟန်လည်း လိုက်ခဲ့ရမယ်။ "
" ဗျာ။ ကျွန်တော်ရောလား။ "
" ကိုယ် လိုက်ပို့မယ်လို့ ပြောထားတယ်မဟုတ်လား။ "
" ဒါပေမယ့် ဉီးဇန်က အလုပ်ကိစ္စနဲ့သွားတာမလားဗျ။ ကျွန်တော့်ကြောင့် အလုပ်တွေ ကြန့်ကြာနေမှာစိုးလို့ပါ။ "
" ကိုယ့်အလုပ်က နည်းနည်းပါပဲ။ အဓိက က ဟန့်ကို လိုက်ပို့ချင်လို့။ "
" ဘယ်ချိန်သွားမှာလဲဗျ။ "
" မနက်ဖြန် နေ့လည် "
" ကျွန်တော် ပြင်ထားလိုက်မယ်ဗျ ဟီးး "
" အင်း။ ကိုယ့်နား လာပါဉီး။ "
ဉီးဇန်ခေါ်လိုက်တော့ Bathrobe သာ ဝတ်ထားတဲ့ ဟန်က ဉီးဇန်နားရောက်လာ၏။ ရေချိုးပြီးကာစမို့ ခန္ဓာကိုယ်က အနည်းငယ် အေးနေ၏။ ပြီးနောက် ဟန့်စီက ကိုယ်သင်းနံ့သင်းသင်းလေးတစ်ခုကိုရ၏။ ဒါဟာ ဟန့်နားနေတိုင်း ရနေကျ အနံ့လေးတစ်ခုဆိုသော်လည်း ဉီးဇန် မရိုးအီသွားပါ။
ဉီးဇန်က ထိုင်နေပြီး ဟန်က မတ်တပ်ရပ်နေသည့်အနေအထားမို့ ဉီးဇန်က မော့ကြည့်နေရသလို အနေအထားဖြစ်နေ၏။
" ဟန် "
" ဗျာ။ "
" ကိုယ် နမ်းချင်တယ်။ "
" ဗျ...ဗျာ "
ချက်ချင်းပင် မျက်နှာနီရဲလာသူကြောင့် ဉီးဇန်ပြုံးလိုက်သည်။ တောင့်ကာ ရပ်နေသူအား ဉီးဇန်ကနား မော့ပြီး နမ်းလိုက်၏။
ESTÁS LEYENDO
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
