بقت صافنه عليه ردت أروح، أشرت بيدها تعال مشت وهي تأشر بمعنى تعال مشيت وراها ومشينا مسافة وصلنا يم الباب وضلت دك بالباب طلعت مرا ضلت تحجي وياها مدري شنو وبقيت واكف مثل أطرش بالزفة، لهناك طلعت المرا باوعتلي وابتسمت
_هلا بيك خويه شرفتنا، شنو قصتك
كالت هاي كلمات وانا طرت من الفرحة واخيراً لكيت واحد يعرف شحجي
_هلا بيج اخيتي والله ما اريد اجذب عليج لو كلت قصتي مراح تتقبليني
_راح اساعدك اذا جنت تحتاج مساعدة مدامك عراقي
_والله يا خيتي انا اخذوني أسير وهل طلقوا صراحنه بس ما قبلو نترك ايران ونروح بلدنا تركونا بالشارع وما ادري وين اروح نمت يم عتبة الباب هاي المرا وهل جابتني هناا
_عرفت لهجتك وجابتك عليه لأن انا اصلي عراقي
_حياج الله بت بلدي...
جانت خوش مرا وستقبلتني بيتها ما عدهم زلمه بس هي وبناتها تشتغل بلبيت سوي اكل بإيدها وانا خلتني اوصل طلبيات ويوم بعد يوم لكيتلي شغله،
والتقيت بأحد اسرى وياي، وعرفنا باقي عراقيين، وزوجنا وستقرينا هناك وخلفت ثلث جهال، ونضمينا لفيلق بدر وصار عندي راتب بعدها صار سقوط
ورجعنا بلدنا وهاي كل القصة
يا اهلي وناسي...
وهسه كلولي
وين امي وين ابوي وين زوجتي وين اولادي
الكل منجمع والكل مستغرب بهذاك اليوم ايمن وايسر رفضو يستقبلون ابوهم ما متقبلينا ويكولونابونا مااات!!!
_فهموني يا اخواني وين ابوي وامي
تنهد ابو رافد وهو يكول
_اهم شي سلامتك يا ابو ايمن والحمد الله من رجعت سالم غانم، وليداتك بالحفظ وصون وهل كبرو وصارو شباب
_جا ليش ما اجوو
_يشتغلون من يخلصون شغل يجوون
_امي وابويه وين ما كتولي
سكتو دقايق محد يجرأ يكوله افتهم سالفة
_لا ادكلولي ماتوو
_بقاء بحياتك يخوي، الله يرحمهم
ما سيطر على دموعه وبقى يبجي عليهم
حور: كلنا نجمعنه بيت عمي ابو رافد حتى نستقبل عمي كاعدين يم باب ديوان حتى نسمع سوالفه
_اكلج حور كلامه مكسر تحسي بلگوا يجمع بالحروف
_طبعاً صارله شكد هو ايران شلون تردينه يحجي اكيد مثلهم
ضحكت ام سمر وهي ادكول
_امه وابو صارلهم قرن من ماتو وهسه كاعد يبجي عليهم
ESTÁS LEYENDO
جُمِّلْت... أخلاقها //باللهجة العراقية //
Misterio / Suspensoهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة( 35) جزء الثاني
Comenzar desde el principio