_تعاي شبيج خايفه
_لا ما خايفة بس صحتلي
_اي تعاي كعدي يمي
كعدت يمه وأباوع عليه بس أريده ينطق.
سحب نفس ويطكطك بأصابيعه باين عليه توتر،
_تذكرين من جنت احملج أمانه توصلينها ل سمر
_اي
_اليوم أريدج ترحين توصليلي أمانه الها
جريت نفس وكتله
_دلل
_شوفي يبت امي وابوي اريدج ترحين لسمر
وجرينها بالحجي وتعرفين هي تحب أحمد وادكليلها وين راح حبج لسالم، بس هاا ما أريد تعرف انا دازج،_لا ولا يهمك بعد تعرفني ما حاجه احجي
_ لو ما اعرفج سباعيه ما أوصيج
_تهوون يخوي، وانا اكول شبي متغير من ورا سمر.
جر حسرة وكالروحي بس ما تحجين كدامهم سمعتي
_أعرف والله
روحي
رايحة..
طلعت منه وتلكتني حور
_شيريد
_اروح وأرجع واسولفلج
_وين ترحين
_بيت عمي
_متعرفين كعدين ياا لبيت عمي، ياا لبيت ابوي
_مو مثلج ما احب كعدت البيت
_اوو هسه انا شحاطة بجيبي اروح اشوف مسلسل أبركلي، وانتي لا تتأخرين تبقين للمغرب سالم يكطعج
_لا هل مرا ما يحجي رايحة علمودة
_متحجين شبي سالم
_كتلج اروح وأجي
_هيج سالفة حتى مبيج تحجين
_اوو يحور ولا صبرين
_روحي، روحي أصلا ما اريد اعرف
_شوفي خلي أتأكد وأكلج بااااي
عفتها وطلعت وانا متحاميه على سمر، والله اذا طلعت هي سبب بحزن اخوي اله أندمج على كل رزاله ترزلتها منه، امشي وأدردم عليها ما اشوف غير واحد ايصيح
_هههيي عرب الله وين
_اوو أيسر هسه مو وكتك
_ليش شعندج حتى هيج مستعجله
_عندي مهمه لازم أنفذها بأسرع وقت
_ايباااه كله مهمات عندج وبعدين انا جم مرا كايلج لا تكثرين كعداتج على تلفزيون وهل صرتي تحجين مثلهم
_وانت هم لا تماشي شباب حتى لا تحجي مثلهم هههه أنكووو
_وانتي شنو تحاسبيني
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة(23) جزء الثاني
ابدأ من البداية