ဂျောင်ဂုအိမ်မကပ်တာ သုံးလလောက်ပင်ရှိနေချေပြီ။ဂျီမင်အိပ်ရာမနိုးခင် အလုပ်ထသွားကာ ဂျီမင်အိပ်ပျော်သွားမှ အိမ်ပြန်လာလေ့ရှိသည်တဲ့လေ။သုံးလလုံးလုံး ဂျောင်ဂုမျက်နှာလေးကို မမြင်ရလို့ ဘယ်လို ဘယ်ပုံရှိနေပြီလဲတောင် သူမသိတော့။ဆံပင်တွေများရှည်နေပြီလား၊နှုတ်ခမ်းမွေးလေးတွေရောပေါက်နေပြီလား၊တက်တူးတွေရော ထပ်ဖြည့်ထားသေးလား သူမသိပါ။
ကိုယ်ကစပြီးဖွင့်ပြောလိုက်ပြီမလို့ ဂျီမင် ဂျောင်ဂုအချစ်ကိုမဝံ့မရဲတော့ မျှော်လင့်မိပါသည်။မတွေ့ရတာကြာပြီမလို့အရမ်းလဲ လွမ်းလှပါသည်။ဒီနေ့တော့ သူ ဂျောင်ဂုရဲ့ကုမ္ပဏီသို့လိုက်သွားမည်။မကြင်သူကနေနိုင်သော်ငှား ချစ်နေသူအဖို့တော့ မတွေ့ရသည့်ရက်များဟာ အလွန်ပင်မှ ခက်ခဲလှပါသည်။
"ဒုဥက္ကဌ အလုပ်ကိစ္စနဲ့ အပြင်သွားပါတယ်ရှင့် ဘယ်သူလို့ပြောလိုက်ရပါမလဲရှင့်"
"ဒုဥက္ကဌ နိုင်ငံခြားဧည့်သည်တွေနဲ့သွားတွေ့ပါတယ် ဘယ်သူလို့ပြောလိုက်ရမလဲရှင့်"
"ကြိုချိန်းထားတာရှိပါလားရှင့်"
"မရှိပါဘူး"
"အဲ့တာဆို ဒုဥက္ကဌက အရေးကြီးကိစ္စနဲ့အပြင်သွားနေလို့ ကြိုချိန်းယူပေးပါနော်"
"ရပါတယ် မလိုတော့ပါဘူး ခွင့်ပြုပါဦး"
"ဟုတ်ကဲ့ပါရှင်"
တစ်ပတ်တိတိ သူ့ကုမ္ပဏီသို့ သွားခဲ့သော်လည်း မတွေ့ရတဲ့အပြင် ဝန်ထမ်းတွေကတောင် သူ့ကိုမျက်စိဆံပင်မွှေးဆူးနေပြီလားတောင်မသိ။သူ့ကိုမည်သူကမှ ဂျောင်ဂုယောကျာ်းမှန်းမသိခြင်းကြောင့် ဧည့်ခံဖို့မဆိုထားနှင့် ဂျောင်ဂုအားနှောက်ယှက်နေသူဟု မထင်လျှင်တောင်ကံကောင်း။
ဂျီမင်ပြန်လှည့်သွားချိန် သူ့ဘေးမှတီးတိုးပြောကာ ဖြတ်လျှောက်သွားသော ဝန်ထမ်းမလေးနှစ်ယောက်၏စကားများကြောင့် ကမ္ဘာပျက်ရတော့သည်။
"ဟဲ့ နင်သိပြီးပြီလား ဒုဥက္ကဌက လက်ထက်တော့မှာတဲ့ ခုလဲ အဲ့အတွက်အရမ်းအလုပ်ရှုပ်နေတာတဲ့"
"ပြောပါဦး ဘာတွေကို အလုပ်ရှုပ်နေတာလဲ"
"ငါလဲအလုပ်ရှုပ်နေတယ်ပဲသိတာဟ"
YOU ARE READING
မုန်းလိုက်ချင်သည်/မုန္းလိုက္ခ်င္သည္(Completed)
Fanfictionအဖေကိုရရင်ရ မရရင်သားကိုယူမယ်ဆိုတဲ့ခင်များကို ကျွန်တော်သိပ်မုန်းတယ် အေဖကိုရရင္ရ မရရင္သားကိုယူမယ္ဆိုတဲ့ခင္မ်ားကို ကြၽန္ေတာ္သိပ္မုန္းတယ္
