لعنة الحظ (ارض الشمس)

♡الفصل 1♡✅

꧁꧂

المساعدة:
ـ الحالة جاهزة يا دكتور ادخلها؟
سهام بوجه جاد:
ـ تمام يا اسراء
دخلت إمرأة أربعينية ببطء و علامات التوتر تغزوها لتستشف سهام أنها لربما مرتها الأولى فقابلتها بوجه باسم متورد
قالت المرأة في ابتسامة مرتبكة:
ـ ازيك يا دكتورة سهام
ـ ازيك عامله ايه؟
ـ الحمدلله
ـ دوم حمدك يا قمر..اسمك ايه؟
ـ....رشا
ـ تمام يا رشا، اعتبرينا صحاب من دلوقتي.. اوكى؟
ـ اوكى
ـ شكلك مرهقه اتفضلى استريحي
ـ حاضر يا دوكتور
ـ قولنا ايه.. مش احنا دلوقتى صحاب؟.. يلا قوليلى سهام
... اسم دكتورة دة حتى ميلقش عليا
ـ ههههه ماشى يا سهام
ـ بصي بقى يا ست رشا، معظم الدكاترة بيبدأوا أول جلساتهم يقولوا أحكي و احنا نسمع، بس انا بفضل طريقتي... تخيلينا قاعدين مع بعض عالكنبة و حضرتك بتقمعي البامية و انا هشاركك الحديث زي أي جارة أصيلة.. اتفضلي
ـ الحقيقة يا دكتورة اقصد يا سهام...أنا مش طايقه العيال خالص ورافعين دايما عليا الضغط... لدرجه إنى كنت هنتحر بسببهم
كانت تُريد أن تضرب يدها على صدرها بصدمة و لكن تمتمت بهدوء:
ـ مهما الأطفال إتمادوا أكيد فيه سبب
ـ أصلي كنت مسافرة و سيباهم... و هما كانوا محتاجين ليا بس دة عشان ظروف شغلي... أصلي سفيرة
ـ ممم.... تمام يبقى هما محتاجين شوية وقت عشان يتعودوا عليكى
... و بعدين فضلتي بعيدة قد ايه وبقالك قد ايه مع العيال
ـ انا مشيت سنتين وقعدت معاهم خمس شهور
ـ لسه بدرى حاولى تتقربى منهم اكتر... هو مين اللى كان معاهم فى وقت سفرك
ـ امي و ابوهم كان بيزورهم من وقت للتانى
ـ اسألى مامتك بيحبوا ايه وبيكرهوا ايه و هاتيلهم لعب كتير، الاطفال بيحبوا اللعب هو ينفع تقولى عندك كام طفل و كدة.. عايزة اتعرف عليهم
اكتر ونشوف بيحبوا ايه وبيكرهوا ايه
ـ انا عندي ولد وبنت الولد هو الكبير وانطوائى شويه وبعديه البنت
الولد عنده خمستاشر سنه والبنت عندها عشرة واكمنى سبت الولد سنتين قبل اما اجيب اخته اصلا وسبتهم تانى فهما بيحسبونى بكرههم واتخليت عنهم، دول مش بيردوا عليا خالص!!
ـ هاتي للولد الكبير احسن بلايستيشن والبنت هاتيلها عرايس ودلعيها لغايه لما نشوف حل تانى
ـ شكرا ليكى يا دكت..
ـ قولنا ايه
ـ سهام... شكراً ليكى يا سهام
ـ تمام كدة كفايه لغايه دلوقتى بعد بكرة نكمل جلستنا التانيه ومش هنخليها هنا هعزمك فى حتة مطعم تحفة أصلى حبيتك اوى يا رشا
ـ تمام يا سهام
ـ سلام
المساعدة:
دى كانت آخر حاله للنهاردة يا دكتور سهام
ـ هو الساعه كام يا اسراء
ـ الساعه خمسه يا دكتورة
ـ بلاش دكتورة الاه
ـ ماشى ياسهام بس احنا فى الشغل لازم اقولك دكتورة اما برا الشغل فانتي البت سهام ام لسانين
ـ ربنا يمسيكي بالخير، يلا نمشي
ـ يلا
بعد ساعتين:
ـ ازيكم يا أهل البيت عاملين ايه؟
ردوا ابتسامتها بابتسامة أخرى غير والدتها التي طالعتها بحنق قائلة:
ـ ايه يا موكوسه.. اتأخرتى ليه؟؟
ـ اصل كان فى حالة قعدت ارغى معاها كتييير، انتي عرفانى يا ماما احب الرغى
ردت والدتها و هي تُشير للطاولة:
ـ ماشى يا رغايه تعالي الاكل هيبرد
ـ لا انا ميهونش عليا يبرد انا جياله اهو ادفييييه فى بوقى
ياسين في غموض ببعض المرح الظاهري:
ـ هههههههه مالك يا سهام.. شكلك كدة مبسوطه
رفعت حاجبا قائلة:
ـ وانا من امتى مكتئبه ياض يا ياسين
ـ خلاص ياستى خليكى مبسوطه احسن
تجاهلته ناظرة لأباها الشارد و قالت له:
ـ هو العريس جاى امتى يا بابا
ـ جاى الساعه تمانيه
ـ بكره الرقم دة اوى
ـ اشمعنا ياختى
ـ اصله فى الانجليزى تحس ان عندو كرشين فوق وتحت
ـ انتي هتقوليلى دة انتي بتكرهى كل ما يخص الإنتفاخات...(إستطرد بخبث).. إلا قوليلي حاسك زايدة حبتين
ـ ايه!!!!!!... انا؟؟؟؟؟.... حضرتك بتهزر صح؟
قال باستنكار:
ـ اه يابنتى بهرج عالليل عادتى
جارته قائلة و هي تتنفس براحة:
ـ الحمدلله فزعتنى يا بابا
قالت والدتها بجدية:
ـ سهام
ـ نعم يا ماما
ـ بعد اما تاكلى روحى مع اختك غيروا هدومكم... وبعدين ابقوا انزلوا عشان نستقبل الضيوف
ـ حاضر يا ماما
نظرت دولت لرنا لتجدها تقول:
ـ ماشى يا ماما
نظرت لفلذة كبدها العزيز قائلة بابتسامة:
ـ و انت كمان يا ياسين
ـ اوكى مامى
ـ ماشى يا قلب مامى
ردت سهام بقرف:
ـ ايه المرقعه دى
ـ اتكتمى يابت.. مش ابنى هو ولا ايه!!
ـ اه ابنك يا ماما انا خلصت اكل ورايحه البس ونازله
ـ ماشى حبيبتى
ذهبت سهام إلى غرفتها وهى تتمنى ان ينتهى اليوم على خير
وعندما تجهز الكل هبطت سهام مع اختها رنا و حقا رأوا عائلة رائعة تعرفها والدتهم
فقالت سهام فى سرها:
ـ الله ينور شكلها عيله مريشه ومعاها فلوس
جلست هى و اختها بجانب امهم و رنا تمثل الخجل وهى تعلم ان هذا الامر لن يتم على خير ابدا
وبعد تعارف كبير بين العائلتين والضحك عرفت سهام أسامى العائله وعرفت ان جاسر هذا ابنهم الكبير ورأت طيبتهم وعلمت انه يعمل فى شركه كبيرة ايضا فهو مناسب جدا
ـ طيب يا ابنى نبدأ فى الطلبات
هنا كتمت رنا وسهام وياسين ضحكة كانت تريد ان تخرج وسهام تقول فى أذن اختها بطريقه كوميديه:
ـ هوبا الليله باظت هوبا الليله باظت
ـ ابوس رجليكى انا مش ناقصه هفرقع من الضحك
نظرت دولت بتحذير بعينيها المتسعتين:
ـ فى حاجه يا بنوتات
البنات من الذعر فى نفس واحد:
ـ لا يماما مفيش حاجه
ـ تمام
أعاد عمرو النظر لجاسر و والده صديق عمره:
ـ احم احم كنت بقول يابنى نبدأ الطلبات
ـ اللي حضرتك تؤمر بيه ياعمى
ـ احنا عايزين بس ڤيلا للبنت تعيش فيها وعربيه تروح بيها فى المكان اللى هى عايزاه.. والمهر هيبقى مية ألف جنيه
و

من كلام عمرو استعجب الجميع... عائله رنا استعجبت من قلة الطلبات هذه المرة وكأنه يريد اتمام الزواج

وعائلة جاسر لأنها رأت هذا كثير جدا ولكن قاطع هذا الاستعجاب
جاسر عندما قال بموافقه وفرح
ـ وانا موافق، بس عايز موافقه العروسه عشان باين عليها... اممم... معرفش... متنحه.... او مزهولة... او مشلولة!... هو فيه حاجه يا عمى؟؟
ـ لا يا حبيبى مفيش حاجة...(أكمل و هو يحدجها بنظرات محرجة) يا رنا موافقه ولا ايه
قالت بعد أن استفاقت من صدمتها:
ـ ايه... بتقول ايه يا بابا... اه صح دة احنا عندنا ضيوف.. احم احم انا موافقه
ـ تمام كدة يبقى نقرا الفاتحه
وعندما قال الجميع بسم الله الرحمن الرحيم أُطفىء النور وفُتح على بيت آخر
فقالت عائله سهام فى نفس واحد:
تاااااااانى

꧁نهايه الفصل الاول꧂

♕تم تعديل الفصل الأول♕