_ابوي من شافج اخترع بعدين
_والله كتله كله من بناتك
صفنت عليها
_تدرين نرجس اول ما أجيتي قندة جانت فرحانه بيج وانا اكولها لا تفرحين بيها جنت هواي خايفه منج
_اي وهسه ما تخافين مني
_لا ، لأن طلعتي زينه
تنهدت وهي ادكول
_شريد منكم ابوكم اول ما وصاني بيكم وانتم انحرمتم من امكم بدون ذنب بعدكم زغار ما شفتو من حنان أم شي حبابات وفقرة على نياتكم أصير وياكم مو خوش ليش، بعدين احنه عايشين بهاي دنيا بأمتحان الله يمتحنه ف ليش أصخم ورقتي يم ربي وانتن ما ضاراتني حتى أضركم ، ابقى يم ربي صفحتي بيضه
_بس مرات وعماد وخاصة سليم ما اشوفهم يحترمونج
_سليم بعده زغير لأن أنصحه وأدخل بتربيته اصير مشاحنات بيناتنا بس بعدين ياخذ حجايتي وهذا معليكم بي لأن تربيته على ايدي بس هو نجر عصبي زيادة عن لزوم، اما عماد هذا مسوي روحه جبير ايكول انتي زغيرة فرق العمر بيناتنا قليل، أخليهم زمن يغيرهم
وهسه كافي خلي نورس يمكم تعبت أنام شوي
_شوكت يطلع هذا زغيرون
ولزمت بطنها
_بعد هواي
_يمه راح اسوي عجينه
اشو عجبني أصيد
_ليش اسم الله بطلتي من صيد انتي، حتى هسه عجبج الله راد مخلصه طين على سمج
_مو أجيبلكم سمج بعد شتردون
_الله، كله زوري (زوري هو سمج صغار كلش،)
_اي احبه وأصيده
_أمرنه ل الله
_هذا منو يدك الباب
_أكيد سالم
_رايحه افتحله مدام واكفه
_هاا الله يساعدك
_كل عام وانتي بخير
_ولك جاي اكولك الله يساعدك جاي من شغل وتعبان ادكلي كل عام وانتي بخير قابل هو عيد
_بعد فوكاها اتمنالكم خير بكل بقاع العالم
_ولا تبطل سوالفك
_آمنه حضريلي ملابس
_ويييع شهل وصاخه منين جاي انت
_ بمجلس وزراء كاعد بصف صدام حسين وأوقع أوراق وجان يشاقه وياي الريس الله يحفظه ويرعاه شمر عليه تراب كتله لا بشرفك تراب شان ينكعني بالماي وهاي شوفين تراب وماي نتج عدنه طين، نسيت ما كتله آمنه ما تقبل وما ترضى شوف أخوها بي طين وهو كل يوم طاك القاط!
_ياا رحت يم رييس
طلع عماد هو يثاوب توا كاعد من نوم
_صاح سمعتك ومدامك جنت يم الرييس ليش ما كتله عماد شبع من نوم ويريدله شغله،
CITEȘTI
جُمِّلْت... أخلاقها //باللهجة العراقية //
Polițiste / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة (21) جزء الثاني
Începe de la început