_اي الله ياخذني ويخلصني من عذابج اووف شوكت تحسين
عفته ودخلت إجت عيني على بيت رافد شفته يباوعلي من الشباك ما هتميت دخلت
وگبل على مطبخ .
لكيت آمنه تنتظرني
_وين جنتي
_شتردين
همست بصوت ناصي
_هاي عمووص ذبحتني مانروح نحركها شي
_ولج عيب جنت إزغيرة وحركناها بس هسه كبرنا لازم نبطل سوالف زغار موو
_بعدها رافعه خشمها وبس إصيح علينا
_معليج منها تولي
_اهوو انتي جبانه
_أمنوو لا سوين شي من وراي
_أفتهمت أصلاً راح أروح للبيت
_مطلعين وحدج سمعتي تعالي هناا
_والله ضجت منا صريخ نسوان وهاي عمووص كل شوي تطرد جهال أروح هناك عماد يصيح وأيسر صيح لطلعين مناا زلم وين أروح
_يا عيني غير انتي گبرتي بسرعه يشوفون طولج وجسمج حسبالهم جبيرة وانتي حلوة يخافون عليج
_والله ذبحوني حلوة وحلوة راح أخلي على وجهي طين حتى يبطلون ايكولون حلوا.
_هههه شلون بلوا هاي انتظري هناا شوي وأروح انا هم ضجت خلي أشوف نرجس
دخلت بين نسوان كلهن مغطيات وجهن هيج بحجة يبجن ومحد غير أمه الي مكطعه روحها عليه إبنها وماكو أعز من الأبن، وصلت يم نرجس
_هاا يمه شدورين
_عليج، هاي آمنه خبصتني تريد تروح للبيت
_فشله نروح ونترك العزا حالنة حال الغرب
هاج أخذي بسه لازكه بيه ذبحتني
_كومي هناك يم آمنه
_ماا تضربني
_يمي ما تضربج
يلا روحي يم بنات إحنه شوي ونروح
أخذتها كعدنا منعزلين عن العالم وهاي آمنه وبسه اذا صارن سوا بس عرايك أكعد بنصهم واخلص من عرايكهم
_شش ما كاعدين بيتنا
خلصونا من عرايكم، ديوجه مو خوات
_وينج حور إجت وجبة نسوان كومي للجاي
_يلا جايه، وانتن بدون مصايب كعدن وسكتن
بقن وحدة تباوع على ثانيه بمكر،
_اشش ما أسمع صوت انا هنا والله اذا ضربتيها أمنوو
هزت راسها ب لا
كملت شغلتي بالجاي أصبلهم وباقي البنات يوزعن للنسوان
للمغرب صحت على نرجس يلا بعد ما أتحمل اذا تردين تبقين أخذ بنات وروح
_لا امشي نروح كافي
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة(19) جزء الثاني
Start from the beginning
