الضربة القاضية صارت لمن ضحك وخلا ايده على بطنها هنا صرت اشوف شياطين كبالي مو بشر
طلعت كحيلة اجت يمي
كحيلة: ها وهومة شبيج وجهج مبوخ
: شوفي منو هناك
ندارت شافتهم جرت حسرة ورجعت باوعتلي
كحيلة: شحجينا وهم؟
: وخري خل انتفهم
: وهم اعقلي
: ما دسوي شي وخري بس
: وهم عليج الله لا
هي تحجي ولازمة ايدي حاضنتني تريدني اكعد واني عقل ماضل براسي اريد اروح اضربها بدفرة واتفل بوجهم ثنينهم
كحيلة: متييييم ولج كعدي فضحتينا
: ما دسوي شي والله بس هديني دقيقة اضربها بدفرة واجي والله نار بضلوعي
: متييييييم تعال لحكني
شفته رفع راسه شافني هو وهيل اني شبه منهارة اريد اكوم اذبحهم ادفرهم اي شي يطلع قهري
ما دارلي بال رجع يحجي وياها وهي تضحك
حسيت ناري نطفت مثل الضربة براسي صارت من منضرهم بس مو بعيني
: هاهيا كحيلة عوفيني
كحيلة: لا تنجنين
: مااوصل يمهم والله بس تركيني
تركتني مسحت وجهي داستوعب الصار
كحيلة: هاا
: شبيج؟
: شراح تسوين؟
: داطبخ على نار هادئة وكفيلي
طبيت للموكب مالنا الحجاب خنكني نزعته وذبيته ونزعت العباية واني اصلا لابسة بلوز نص ردن وستريج شفت روحي مو مال طلعة هيج ضليت لابسة العباية وفاتحة السحاب
ضليت ابلع بريكي وصبيت مي على وجهي دنيا نار ووجهي مبوخ بس بسيطة
نكثت شعري ولبست الشال من جذب طلع شعري من ورا كرصت خدودي شويا حتى يحمرن وطلعت من الموكب رحت للموكب الكبالنا لان يضوج منه
شفته بعده بنفس الكعدة مالهم بس مطورين لازم ايديها اي مو بعيني بالريش كلهن ذني الا اشكك
وصلت الموكب شفت الي نطاني فواكه اخر مرة
: سلام عليكم
: عليكم السلام هلا اختي
: شلونك؟
: الحمدلله
: الله يساعدكم ويكتبلكم بيها الاجر انشالله ترون زوار ابو عبد الله
: الجميع اختي انشالله انتو بعد ممقصرين موكبكم عامر نشالله يوصل
: تسلم
: محتاجة تاكلين شي امانة
: لا والله كلشي عدنا الحمدلله بس اجيت اسلم واليوم اخوتي مو هنا وماكو زلم وانت من تكلي اختي احسك مثل ادم
YOU ARE READING
احساس منحور
רומנטיקהاحساس منحور اسراء العزاوي "خيالية" عشك غلط لا اكدر انسة ولا اكدر اترك اكليبي ________________ رغم محبتي له ادرت ضهري وقلت فلتحترق انت وقلبي ________________ وبتعب فلاح اثاريني احرث بذور بارض ماهي ارضي
