احساس منحور

part15 ج2

وهم.
مر شهرين على زواجي من محمد وللان غير المرة الوحيدة الجمعتنا ماصار

للان اتذكر الكلام السممني بي انو الجمعنة غلط تكول بالحرام مو مرتة

كلي انه تزوجني رد فعل لزواجة هيل لا اكثر خلاني اتمنى الكاع تنشك واطمني ع الحظ البلاني بي

رغم اني ممقصرة بشي من يجي يلكاني متمكيجة ومتحضرة ع الاخر بس هوا مايريدني

اتعارك ويا كل فترة ع هالشي ويسكت ما يحجي يخليني انحلج

اتعصب علي ادفة واضربة وساكت ما يحجي حت مرات احجي على رجولتة يكتفي انه يحضني

تركته
صرنا متزوجين بس بالاسم كبال الوادم نفتح لايفات سوا وهوا يبوسني ويحضني لو يجر شعري، يشاقيني

انما بالواقع اقوة شي يسوي ينيمني على ايدة

ممضوجني بي بس هالشغلة هاي الا باقي الاشياء حيل متفاهمين ما حارمني من شي مدللني

يكلي للان هيل بين عيونة نهجم بيتج هيل ملاحكة شكو رجال بحياتي بس هم مو صوجها صوج الزلم الالله ذابهم عليا

بفترة بقائي هنا ستهترت هواي من ناحية لبسي صرت البس كيمون او نص ردان وصدر دلع والبس شورتات كصيرة احيانا يكونن قبل الفخذ

ومحمد ميحاسبني يكلي براحتج طغيت
استحيفت شعري الراح لخاطرة جان اطول مني هسة شكداته والله حرامات ارجع اطول بس وحرام عليك المكص

متيم جالة ولد فدوة لعينة يخبل يشبهه اشكر بس اكرع هههههههه

شكد حلو مصورين كحيلة قبل ميفكها البنج متوجعة خطية ونازلة دوسة ونص تسب بمتيم وباهلة تكله كله صوجك

ومصورين متيم بلا حسة شكلة يخبل شايل الطفل ويفتر بي مايقبل ينزلة مكيف بي ويكله حاجيني اني ابوك

نوب شايلة وكاعد يلغي ويا يكلة شوف البنات الجانن وياك بالخدج وحدة منهن امها تطحن سمرة وملامحها حادة

امه واخته ماراحن عليها ابد من ولد ولا شافو ابنها ولا مرة متيم اتبرى منهن بسبب حركتهن وحقه هذ اول حفيد وهيجي

نظر تزوج بلا عرس ومرهم طلعت حامل بشهر 3وهيا اصلا ماتحسب خبرتها احجي وياها
: ها ولج اليوم السونار

مرهم: اي ومتحمسة هواي والله

: انشالله خير ياروحي

: يوم الج

: من الحايط؟

: هاي لهسة مامتقبلين بعض ولج؟

: مو اني والله هوا الافندي بعدة يريد هيل

: يالله معودة عود دنموت على قربهم

: مو سالفة اموت على قربة وج الموضوع اني دحس اكو نقص بيا اني سبب نفورة