: اممم لعد ما شفت بس وجه واحد منها
: لئن ماعدها بس وجه واحد
: وهيا الي كدامك تحب اهلك وتحترمهم ووراك تطردهم من بيتك هاي هم عدها بس وجه واحد؟
كالتها بجدية كبل فز ما رد مبين علي مصدوم بس مو اكثر من صدمتي
ضلينا اثنينا مبحلقين عيونا عليها هاي شدتحجي اني شوكت طردتها
رجعت عدلت كعدتها ونزلت دموعها الجذبيات سودنتني شلون لها قابلية للجذب والبطي سوا
استبرق: ما ردت احجي والله بس ما كدرت اخبي بكلبي بعد انت تدري توتني متخرجة واجيت للعراق كلت اشوف اهلي واخويا الصارلي شكثر ماشايفتة جيت بوجهي لهنا حت على امي ما رحت
مرتك حت سلام ما سلمت عليا كبل كالت شجابج شوف ملابسي ردت افوتهن كالت خليهن برا لئن كعدتج مو مطولة
يالله ع الصلافة والجذب من كد ما حذبت حت محجينا ثنينا ساكتين مصدومين بيها وبكلامها
: ولج اني شوكت كلت هيج؟
استبرب: من جيت والله هيج سويتي وردتي ارجع بس كلت اسلم على اخوي وارجع
كتلها جوعانة كالت ماخدامة عندج واطبخلج انتي اطبخي لروحج تقبلها انت على اختك الوحيدة شكد صارلك ماشايفها تالي من احي مرتك هيج تعمل
متيم: لا ما اقبلها وهذ بيت اخوج اني الفاتحة مو هيا وتبقين بي شكد متريدين
كالها بغضب وجدية يعني صدكها وجذبني
: متيم شدتحجي؟
متيم: كحيلة اسكتي كلشي افوتلج بس مال تهينين اهلي وببيتي هاي ما اسكت عنها اني الفاتحه مو انتي
: والله جذابة ماسويت شي حت سويتلها اكل دتتغدا بي دفرت الصينية وضلت تحجي عليا وعلى اهلي
استبرق: القران على حيلي وعيني اذا كالت كلمة صايرة واسع احلف علي
متيم: لا انتي ما تحلفين على شي انتي ببيت اخوج مو بيت غريب ولجا بي اكثر منها
التمو ثنينهم عليا ماخلوني افتح حلكي كام حضن اخته ويباوعلي بتعود عاد شكد استحي والا اقصر اني لا لهنا وكافي كلشي تحملت بس مال تتهمني بشي مصاير لا واكفة
تشكلت وكمت احجي
: والله شكد شايفة عكارب وخرابات بيوت مثلج ماشايفة من جيتي اني جنت اباوع فلم وضليتي تصنفين لئنه كرتوني وردتي اكل وسويتلج وضليتي تعايريني لئن اخوج الفاتح البيت تكول جايتكم من الشارع لو عيني فارغة وماشايفة
اني هواي سكتت وتحملت اليوم وحجيج مثل السم التذبينه عليا وكل شويا ذاكرة جودي وماضيها ويا اخوج
متيم: كحيلة اسكتي عاد ولغرفتج لا تشوفيني وجهج
: اي ما اشوفك وجهي ادلل بس والله ما اكعدلك بيها دقيقة اني هاي تاليتي هيج تحاجيني وتصدكها اني حاربت اهلي والعالم لخاطرك تجي انت تحاربني
بس عليش بعد اشبع باختك وارجع لجودي وننتهي احنا لهنا وكافي كلشي شفت وكلشي تحملت واكول اسكتي هذول اهل ابنج بس لي ماتوصل لهنا لا ما اقبل هسة توديني لهلي واذا ما وديتني اخلي الغرب يودوني قسم بالله مااكعدلك بيها بعد
YOU ARE READING
احساس منحور
Romanceاحساس منحور اسراء العزاوي "خيالية" عشك غلط لا اكدر انسة ولا اكدر اترك اكليبي ________________ رغم محبتي له ادرت ضهري وقلت فلتحترق انت وقلبي ________________ وبتعب فلاح اثاريني احرث بذور بارض ماهي ارضي
