احساس منحور

part31 ج2

بعد 100يوم

وهم.
كاعدة ع المسطبة ورافعة راسي لفوك مغمضة عيوني اتامل حالي وين جنت ووين صرت شلون صفيت هيج

معقول اني الجبت روحي لهنا لو هذ قدري وكلشي داجرة مكتوبلي انو اعيشة

المريت بي والصارلي كل الاشياء الداجرها اهون من عالم هواي اهون من عالم هواااي هاهيا كلشي قدر وكلشي بخت

الاشياء السويتيها انتي اكيد صايرة ويا وادم غيرج هواي مو اول وحدة يخونها حبيبها ولا اول وحدة تتزوج ويموت زوجها وهيا حامل ولا اول وحدة تولد وتموت بتها وهيا بعيدة عنها

الحمدلله ربي الك ارادة بكلشي واني عندي ثقة بارادتك فوك كلشي

صحيت من شرودي على العطر الاشمة من بعد سنة واميزة من بين الف شخص

استنشقته وابتسمت لمن ضل بعد الشمس عن عيوني القافلتهن
: عطرك سابقك كالعادة

وفتحت عيوني شفته دا يضحك اني بعد ابتسمت وكمت لحيلي استقبله
حاذق: شلونها ضيمي؟

: الحمدلله

كلتها واجا حضني بتك ايد
حاذق: هابشري شكد سعيج؟

: جيد جدا

: لاااا والله خل ادم يكعد ديلعب الغالي ع الغالي

: خل بس يكعد

: شخباره؟

: مثل ماهوا ما متحرك لبارحة اخذو بالبسكوت للمستشفى الدكتور اجا فحصة بالبيت كال جيبو عليا
وزين مني طلعتها ترا

: هوا ياهو التنبل شو كضيتيها غياب حت البحث ما سويتي

: والله لوماعيب من الوادم حت اليوم مااجي لو ماداخذ السعي غير

: دطيري ما تجي واني هنا حت اكسر راسج

: وانت شكد مطلع؟

لف راسة ماحجا شي
: بكلهن

حاذق: لاااا معودة شدعوة

: لعد؟

: جيد

: وداتحجي عليا؟

كلتها وكرصته وخر عني يضحك

رحنا ع العمادة وداحجي ويا طلبني
: وهم انتي الج حق بدرجات تطلعلج امتياز

: شلون؟

: عندج شهيد و الشهيد 7درجات

: احمم اي عندي زوجي وهاي درجات للسادس دكتور

: لا اقصد اخوج

: اممم

: جيبي شهادة الوفاة مالته واني اسويلج المعاملة

: عفوا هاي السبع درجات مو للسادس بس؟

: ها لالا الكم انتو بعد