احساس منحور

part7 ج2

داطلع وسمعت صوت ضربة قويا باوعت وانصدمت بي مسوي ضارب باب الغرفة بدفرة راد ينخلع

بقيت جامدة بمكاني خفت لايجيني الدور شفته طب للغرفة مااسمع بس التكسير داخل الغرفة مدري شجاني وماكدرت اتحرك نشليت

ولازمة صدري اول مرة اشوف حاذق هيج العصبية تسطره واسمعه يصيح
حاذق: هذ التخت الي خنتج علي
هذ التخت الى سبيتي ديني بي تكسر اها داكسره مثل ما كسرت كلبج كون نكسر كلبي

هوا يكسر وطلعو الجوا ركض امه وهيل وخواته واني جامدة مااتحرك انذبح مايطلع مني قطرة دم من الرهبة

اجت سماح يمي
سماح: شسويتيله يالصفرة اجيتي وذبيتي سمج

وفاتت لغرفته وهيل وياها ضحى وبشرى بقن يمي
ضحى: ولج شبيج شسويتيله شصاير هذ ليش هيج تسودن؟

بشرى: ضحى شبيج داتشوفيها خايفة هيا بعد وهم اهدئي حبيبتي

حاذق: اطلعي براااااااا انتي السبب بالي اني بي دكلج طلعي لا اموتج والله هيل روحي ولي

سماح: شبيك يمة كسرت الغرفة دكافي؟

حاذق: خلها تطلع لا اسويها وصلتين والله محد طيح حضي غيرها اني لو بذاك اليوم تمنيت موتي ولا مسود وجهي ومسويها بهاي الغرفة اني دمرت روحي ودمرت وهم وياي ماتستاهل كل هالشي مني
ولج شلعت كلبها بسببج ريت نشلعن عيوني ولا باوعتلج ساقطة

: يمة الصار صار وهسة هيل زوجتك

: دخل تطلع لا اكفر ب**** والخلق جتال مرحب ماارحمها شيليها من يميييي

طلعت هيل تركض وعيونها حقد عليا تريد تذبحني باوعتلي واجت لزمتني من فروة راسي تضربني شبعت تكفخ

اني اكدر اضربها واموتها بس جنت خايفة وهم اذا اضربها تنفصم بيدي لان العب كارتيه

بشرى وضحى يسحبوها بس ميفيد مدري منين جابت هالقوة اني لازمة ايدها بس لان نتفت شعري
هيل: انتي كل البلة منج الله ينتقم منج انتي ساحرته اليوم اموتج والله انتي كح*** لوما بايعة ومخلصة ماتحومين على رجال متزوج ساقطة ام الزلم كاضيتها من حضن لحضن

: اااخ ولج عوفيني مخبلة عوفيني

: كح*** ام الزلم

حسيتها نجرت مني ونجر شعري بيدها هدتني رجعت لي ورا واشوف حاذق يصب شرار من عيونه منضره خوفني لازمها من ركبتها من ورا وهي تصرخ

حاذق حجا من بين سنونه بغضب
حاذق: تلزمين شعرها افصم راسج اموتج والله

هيل: اي هاي تفزعلها لانها مشبعتك منها ***

كالتها وحاذق ووكعلها سطرات وهي ما تسكت
هيل: انت بس بالكفخ يمي تصير رجال يمها فارة

حاذق: سدي حلكج لا افلشة سدييييي