احساس منحور

part2

شفت مرهم الشفتها اليوم واكفة ويا مرة جبيرة بالعمر شويا بس تبين صغيرة لان مهتمة بروحها واضح عليها ومرة عمرها بالثلاثين و3زلم وياهم وشايلين صورة بيدهم

عرفت انهم هاي عائلة والمرة امها والثانية اختها والزلم اخوتها لان كاتبين اسماهم هرم الصياد وادم الصياد وحيدر الصياد وقيصر الصياد ومرهم الصياد

العائلة كلها الصياد واو وجان عنوان المنشور(تقوم عائلة الصياد بحداد الذكرة السنويا ال14 لوفاة صدام الصياد) منشور كان منشور من سنة او اكثر بس الشي الصدمني هيا ملامح الرجال الي بالصورة(صدام الصياد)

جانت نفس عيوني نفس نظرتي استغربت اكو هيج شبه بيني وبين رجال مااعرفه ولا سامعة اسمه بحياتي شهل صدفلا مستحيل تركت المبايل ودخل عليا ابويا

بابا: وهم بابا كومي كلي

: مااريد بابا

اجا كعد يمي ع الجرباية
بابا: وهم بابا لا تزعلين من ماما هيا تحبج وتريد مصلحتج

: بابا مو زعلانة منها اني بس ليش هيج تتصرف وتعيط بيا خمو صغيرة اني؟

: لا بابا مو صغيرة بس انتي بتها الوحيدة لازم تخاف عليج وتحذرج من الوادم يا كلبي

: بس بابا مو طفلة اني دتحذرني ومن وحدة شفتها صدفة يمكن ما اشوفها بعد طول حياتي مرة ثانية غير انكم ما خفتو الا لمن سمعتو انها بنت صدام الصياد يعني انتو مو خايفين من البنت انتو مخبين شي عني يخص هالعائلة واريد اعرفة

ابوي طبعا ما جاوبني اكتفى بالتنهيد وتركني وطلع اضرب اخماس، باسداس

حاذق.

ابوي: ها ابني شلون جان اول يوم بالجامعة

: والله نايس والجامعة جبيرة وحلوة بس تعب

: بعدك ويا وهم

: رجعنا لنفس السالفة؟

: ابني اني ماراح اجبرك على شي متريده انت صرت تعرف حقيقة وهم والقرار الك اذا ناوي تكمل وياها او لا بس امك لو جانت ويانا ماجانت حتقبل بوهم

: امي ماتعرف طبع وهم ولا تعرف شي عنها بس اريد اعرف انتو ليش متحبوها مو احنا نعرف تربيتها ونعرف حياتها واذا يعني جانو اهلها مجهولين مو بشر

: افترض جانت بنت حرام او جانت عائلتها الحقيقية هسة ناس مجرمة او مطلوبة للقانون

: وان جان
وهم ما لهاعلاقة بهل شي واتمنى منك ما تفتح هالسيرة مرة ثانية كبالي

وهم.

رحنا ثاني يوم للجامعة شفت مرهم الصياد واكفة وواكف يمها اخوها ادم هذ الاخ الصغير طبعا شكلة هيبة تسطر سطر يالله

لابس بدلة عسكرية ورتبته رائد ونضارة شمسية ايد بجيبة حاطها نوب شواربة شثخنهن يوكف عليها الصقر ويخازر بالوادم