احساس منحور

part5

فتحت عيوني شغلت الضو شفت المنضر الصدمني شفت متيم بيده سجينة وبطل المشروب وجاي عليا

اني شفته جمدت بمكاني ماكدرت اتحرك او احجي شي منظرة مرعب عيونةده حمر ولازم السجينة داحجي خلى ايدة على حلكة
متيم: هششششش ولا نفس

حجيت برجفة
: متيم
متيم خويا اترك السجينة

صاح: داكلج هشش

: اي اي سكتت بس اتركها شنو تريد؟

: كحيلة مغيرة رقمها

: اجيبه الك بس اترك السجينة

: تجذبين عليا انتي والله اذبحج واذبح روحي هش

: اي اي ماشي بس اسمعني

: مااسمع شي من احد روحي جيبي الرقم طلعي من مبايلج يالله

: ماعندي اياه والله

صاح: طلعي الرقم وهمم

اني من سمعته صاح صرخت من خوفي هوا يحاول يسكتني واني اصرخ حط السجينة على ركبته
: هششش ترا اذبح روحي والله انطيني الرقم يالله

على صوت صراخي البيت كله كعد دخلت مرهم شافت المنظر وبدت تصرخ هيا الثانية دخل ادم يركض سحبها خلاها ورا

ومهيمن البيت كله كعد رادو يتقدمون علي صاح
: بس تكربون والله اذبح روحي

اني على جمدتي بالسرير ماكدرت اتحرك اجا ادم كله شبيك شدتسوي انت ماجنت هيج متيم اصحى

متيم: امي وامك هما السون بيا هيج
هنا الخلني اصير هيج

ندار لامه وكاللها
: انتي السبب بالي بي اني انتي السبب
اني بحياتي ما حبيت غير هالبنت وانتي بسهولة خليتيها تكرهني تكليلها اني متزوج يمة؟ تعرفين انتي كسرتي ابنج

امه بدت تلطم لان شافته يريد ينتحر صدك داس السجينة على ركبته
توافق: والله اروحن من الصبح اخطبها لكا واش متريد اسوي ذب السجينة يمة

متيم: ماراح توافق انتي خليتيها تكرهني
هي تحملت على مودي هواي اخوها ضربها وابوها جان دايموت بسببي وانتي بعدج تفكرين بالمناصب خليتيها تتخلة عني بس فنكم كلكم اتركها

ادم دخل علي يهدي بي غفل ولزم ايده البيها السجينة لواها ذبها جتفه كعد بالكاع وبدا يبجي هوا وامه
متيم: والله حبيتها من كل كلبي والله ليش تتخلى عني بسرعة

خالة: والله يمة من تشرك اروح اخطبها واكللها هذ الحجي من عندي والله فدوة وليدي لا تبجي

ادم ومهيمن كدرو يشيلو وينزلو جوا وهو يبجي واني جمدت اجت مرهم عليا حضنتني
مرهم: لاتخافين لا تخافين طلعو شو باعيلي
وجهج اصفر يمةة لا تخافين سودة عليا جيبولها مي

جابت امي مي وشربت واني بعدني ارجف لبالي جاي يكتلني ضلن يمي يهدن بيا والاصوات ترتفع جوا مرة بجي مرة تكسير مابيا انزل اشوفهن