تورطت وفتحت حسابي الثاني وفتت لحساب هيل نصدمت من شفتها ناشرة عقدهم محكمة وناشرة بصمتها وبصمته وشويا فيديوهات هلاهل وكذا وجكليت
وناشرة بس جسمها وجسمة ممطلعين وجوهم لابسة قفطان ابيض وهوا بنطرون وقميص سود
شفتهم حسيت نار شبت بصدري ردت اموتهم ثنينهم ما تحملت صرت اكلب بالصور بسرعة واشوف الاشعار الكاتبتهن
انهاريت
الوب صرت بالغرفة اخذتها بالعرض والطول واحاول اهدي نفسي افرك صدري اتنفس بسرعة احاول اسكت ماكو شي
كافي وهم كافي انتي تخطيتي انتي تخطيتي صار ماضي اعتبري عمر وانكضة هاهيا
عمرج الي نكضةةةةة عمرج الي نكضة بجذبة وانختم بخيبة وطعن عمر الي نكضة راح كطرة ببحر
نهاريت حاولت اتوازن حاولت اسكت مكدرت اروح وارجع لايجة روحي ماتحملت صرت اكسر بالمزهريات والتحفيات حت تلفوني شلته لزكته بالحايط صار 100وصله كل وحدة راحت مكان
كمت ابجي بحركة الشهكة تطلع من كلبي تشكه ابجي واصرخ
: جذذذذءاب جذب عليا انكضى عمري بجذب انكضى عمري بخيبة راح عمري هيج راح عمري ويا وينه خلي يرجع ايامي خل يرجع حبي اله بشنو قصرت وياك بشنو قصرت ويييييياك
الغرفة كلها كسرتها واني ابجي واصرخ اجت اسراء ركض دفت الباب وفاتت
اسراء: ولي اشبيكي؟
شفتها زدت بالبجي والصراخ وهي تسد بحلكي تكلي اشبيكي غير افتهم واني فاصلة عنها منهارة
: راح يتزوجها اسراء راح يتزوجها
اسراء: منو يتزوج اشبيكي شع تقولين؟
: حاذق راح يتزوج هيل حاذق راح يتزوج هيل راح يسويلها الزفة وراح يلبسها الابيض راح يلزم ايديها ويبوسها ويحضنها راح يحققلها كل امنياتي ويا
: اي هيم مو متزوجين؟
: لا جان بس عقد سيد هسة صار عقد محكمة راح يزفوهم سوا اسراء راح يزفوهم
: دكافي لخاطر الله يعني ما تعغفين هذ اليوم جاي؟
: ما لبالي ما لبالي هيج اتاذى اسراء مو لبالي هيج اني شصخمني وشفت منشورها احس كلبي يريد ينفجر راح يحقق امنياتي وياها راح تلبسله الابيض اسراء، اخذت مكاني هيل اخذت مكاني انطيني علاج ولج دامووووووت
: وهم اخذتي حباي الصبح ميصير
: انطيني الله يخليج كلبي راح يوكف والله كلبي راح يوكف راح اموووووت ولج اريد نفس
فركت صدري واني كاعدة الهث متت وجع
راحت ركض انطتني حباية ومي بلعتها وكعدت يم باب الغرفة روحي خلصانة من البجي
من قهري احترت شسوي حسيت روحي شاغت وروحي تتكسر بداخلي
كمت عضيت ايدي من مكان الوريد كل قوتي وكل ماازيد احس كلبي يوجعني اكثر ودموعي ودمي ينزلون سوا واجت اسراء توخر بيدي تحاول تخليني افك سناني عنها
اسراء: دادا على كيفكي راح تموتين امعودةةةةةة
أنت تقرأ
احساس منحور
Romanceاحساس منحور اسراء العزاوي "خيالية" عشك غلط لا اكدر انسة ولا اكدر اترك اكليبي ________________ رغم محبتي له ادرت ضهري وقلت فلتحترق انت وقلبي ________________ وبتعب فلاح اثاريني احرث بذور بارض ماهي ارضي
