احساس منحور

part8 ج3

من شفتهم حيل ضجت يعني متفقين وجاين حت بلا ما يكولون لحاذق اشوفه فاتح حلكة وصافن عليهم شلون فاتو

غمض عيونة وصعد اشرلي افوت للغرفة فتت بلا ما احجي شي
تمدد وغمض عيونة
: شنو حاذق؟

حاذق: تصرفات بلا ما تسئل او تحسب حساب لاحد يعني ما دخلتنا

: حاذق

: ما ندخل شمايصير خل يصير هاي ثاني مرة

: اي بس خواتك ما قابلات

: ينجازن

: حاذق امعود لا تسوي هيج

: مالنا دخل بشي وهم ما دخلتنا ما ندخل سكتي وكعدي انتي هم ما تنزلين

قافل هذ شراح يفكة رحت تمدت يمة حضني وغمض عيونة

شويا وبدت الاصوات تعالى جوا صوت الداهية ضحى تطردهم وامها تصيح عليها ما كام ولا تحرك ردت اكوم شد قبضته كال لا تدخلين

ضحى: يابة انتو اكو مطي نايم براسكم؟ شاربين شي يخليكم ما تستوعبون؟ مضروبين براسكم شي عليمن جاين كنالكم ما لكم مرة هنا ما نريد نتزوج ما نريد نسبكم عليمن لازكين انقشها دتفهموهاااا

: امعود كوم على اختك راح تنجلط

حاذق: امها يمها

: حاذق

عمتي تسكت بيها ما اسمع شتكول بس ذيج تنبحت اخير شي سمعته صرخت ضحى صوت شعلاته فزينة ثنينا عافني ونزلنا ركض

ضحى: والعذرا احسب الله ما خالقكم احرك البيت بالي بي شنو تحسبين روحج وتضربينيييييي

جانت بشرى كاضتها وهيا تراوغ العالم طلعو ركض وامها تتوعدلها
عمتي: راسج دكسرة والله

ضحى: اكسر عضامج عضمة عضمة اقسم بالله وهاي الضربة فلا افوتها الج اي والجبار العزيز فلا اسكت عنها

: اصبريلي ضحى صبريلي الى متى تبقين ترفضين اليجوج الى متى

: والله بكيفي من اشوف روحي مستعدة ذاك الوكت غير هالحجي ما عندي والبيدكم يطلع لا تقصرون
اي والله ثم والله اموتكم

: هسة نشوف شلون ترفضين غصبن عنج دتوافقين

كالتها ونجنت ضحى دفعت اختها واجت هجمت على امها تريد تخنكها

راح ركض حاذق عليها لزم ايديها ديسيطر عليها وهيا تراوغ بيدي ساحت صارت وحش تريد تمسك امها بس

حاوللها شكد وتتقاوة ويا وتصرخ كتفها وكعد بالكاع هيا تلهث بغضب اجت بشرى تغمض عيونها عضتها من اصبعها

حاولت شكد تفلت وذيج مغرسة سنانها بيدها ضلت ضاغطة عليهن وعيونها غضب على امها

اخوها يحاول يفكها لئن حلكها صار يسري دم وماكو بعرض الحايط