قضينا يومين ف بيت الصيف وبعديها رجعنا بيتنا ،، البرد ف المنطقة ديك كان شديد وبديت ازهج يوم بتكلم مع سلوان قالت لي ح تجو متين انتو شهرين ما كفاكم قلت ليها انا زاتي زهجت من القعاد دايرة اجي ح اشوف سراج بقول شنو قالت لي سمر صراحة رئال بحبني قلت ليها كيف كيف قالت لي عديل كدا والله اعترف لي أمس وشكلو جادي قلت ليها وانتي رايك شنو قالت لي م عارفة قلت ليها بتحبيهو قالت لي بحبو من شفتو بس كنت خايفة م يبادلني نفس الشعور قلت ليها أهو ربنا سهل ليك وعلى نياتك🖤
قالت لي بس هو قال لي ح يجي يتقدم لو وافقت واداني يومين افكر فيهم قلت ليها طيب حلو امشي وافقي لو اتصل ليك قالت لي طييب سمعت امها بتناديها قالت لي برجع ليك بعدين ،، قفلت منها اتصلت على رئال شغلتها ليهو وقلت ليهو اوع تخطبها لو انا م جيت قعد ينبذني وقفل😹
سراج جا داخل شايل فلاش قال لي تعالي شوفي ،، وصلها ف الشاشة وقعدنا نتفرج على صور عرسنا من وهو واقف نهاية السلم قلت ليهو ف اللحظة دي كنت خايفة قال لي حسيت بيك ،، الصور كانت كتييرة لمن وصل محل المأذون سألني كانت ملامح وشو مضحكة لمن رفع لي حاجبو قلت ليهو طبعا هنا مسكت الضحكة بالعافية قالت لي لو كان ضحكتي م ح نتم العرس قلت ليهو صحي المهر المقدم منك وينو كأني سمعت دولارات ف الموضوع قال لي ي زولة ف عينك قلت ليهو لو م اديتني ليهو العقد دا باطل قعد يضحك قال لي هو العرس من اساسو باطل البركة في القسيمة الحصلنا عليها دي ح تسهل لبنا اي حاجة لي قدام😹
قلت ليهو المهم انا عايزة مهري ولا اقبل بالنقصان ضحك وقال لي خلينا نكمل احسن ،، الصور كانت كتيرة ومكررة قريب ال ٥٠٠ صورة لحدي السفينة نسخنا منهم واحدات ورسلهم لي طوالي رفعتهم استوري واتس وكتبت
"زواج بنكهة لندن مع الذي أُحب"
هو عمل اسكرين وكتب " التي تُحب هي نكهة الحُب"
التشغيلات بدت ودي تعمل اسكرين وترفع دا يسرق من دا ودا طل مرسلة لي مقالة بس م فتحتها اصلا انا م فتحت ولا رسالة قلت خلي الشمار يحرقهم😹
فجأة لقيت رسالة من شهد رديت ليها الونسة جرت قلت ليها تعالوني قالت لي ساكنة وين قلت ليها ح ارسل ليك اللوكيشن رسلتو ليها وطلعت قلت لي سراج تتذكر شهد قال لي اي صحبتك ديك قلت ليهو اي عزمتها ح تجيني قال لي طيب علشان تونسك شوية من الزهج الانتي فيهو دا قلت ليهو على سيرة الزهج نحن ح نرجع متين قال لي اجازتي تلاتة شهور يعني تلاتة اسابيع كدا بنرجع قلت ليهو انا ح انزل متين قال لي اقعدي روقي شوية وانزلي قلت ليهو ح انزل معاك قال لي طيب ح نتناقش ف الموضوع دا نرجع أول..
_____
السودان...
"الو طبعا م شفتي عمل ليها عرس تاني في لندن ،، اتخيلي وكمان بتتفشخر المقطعة هي لو م سراج بتعرف مطار الخرطوم بي وين خلي لمن تسافر لندن ،، اي م بخلي ليها اصبري بس يرجعو بوريها الما شافتو وسراج دا لو م قلعتو من عيونها م اسمي ميعاد"
