- انت المنو ولقيت تلفون مرتي وين؟!
** مرتك يا سيد ف قسم الآداب اتمسكت بالثابتة ف دعارة
- ددددددععااارة!!! " فجأة الخط فصل " ،، في صوت مرة بتكورك الحقو الراجل غارق في دمو 💔
_____
انا في السرير ضامة رجولي علي وبعاين لي إياد الواقف في راسي
- سمر الود منتظرك ،، ح تشوفيهو ولا لا عشان م يقعد ساي
* م قادرة اتكلم يا إياد والله م قادرة خليهو يمشي
- طيب راحتك اهم حاجه
مجرد ما إياد طلع قفلت الباب وطفيت الضو عشان م عندي نفس للكلام مع زول ،، رقدت بعاين إتجاه السقف لحدي م شالتني نومة عميقة
_____
قسم الآداب ...
مجاهد بعاين إتجاه الباب منتظر الشرطي وفجأة الباب اتفتح ودخل الشرطي جاري حسين وراهو ،، مجاهد قال ليو خليني معاهو براي وجيب لي الاتفقنا عليهو بعد ربع ساعة ،، الشرطي طلع وقفل الباب وراهو ،، مجاهد اتقدم خطوة خطوة لحدي م وصل حسين رفع ليو راسو وقال ليو ح أسألك سؤال واحد بس م جاوبتو ح تشوف الباقي براك ،، شغال تبع منو؟!
- ااااممملااا م فهمتك؟!
* شوف انت قدر ابوي ف م تخليني اتصرف معاك تصرف م يعجبك ،، والأحسن تتكلم لانك فاهمني كويس
- ممممم فاهم صدقني
* تمام ،، انت الاخترت كدا
شال الريموت فتح الشاشة المعلقة في جدار المكتب قعد ف الكرسي خلف كراعو ،، قال ليو خلينا نتفرج من سكات
" الفيديو كان فيهو حسين وابتهال صحبة سوزان في مطعم ...
- نجيب لينا بنات من وين يا حسين وخصوصا الايامات دي الزباين كترو
* م تشيلي هم بظبط ليك اي حاجة بس نتقاسم بالنص
- اكيد ،، طيب حاول انجز لحدي الخميس تكون خلصت بس هتجيبهم من وين ؟!
* م دايرة سؤال اكيد ح اغتصب اصور واهدد بالصور والفيديو ف ح يضطروا يوافقوا بالشغل وكدا امورنا ح تترتب
- مبالغة يا حسين ،، طيب خلينا نمشي لاني حاسة المطعم دا غريب
#باك
* ان شاء الله يكون عجبك ؟!
- ددددا شنو ،، الفيديو دا مفبرك و ...
* اسكت انا لسة م خلصت كلامي ،، يا شرطي ادخل ،، الشرطي دخل سوزان ومعاها بنت جميلة ف نهاية العقد الثاني من عمرها عاينت لي حسين و ملامح الصدمة في وشها ظاهرة وهو نفس الشي ،، الاتنين ف نفس اللحظة وبي صوت واحد
** رماززز ،، بااابا .....!
مجاهد اتنحنح وقال ليهم كويس انكم طلعتو بتعرفو بعض تحب اعيد الفيديو ؟!
فتح الشاشة مرة تانية بعد خلص الفيديو قال ليهم
* حسين هارون احمد ،، ابتهال هارون احمد ،، رماز حسين هارون ،، مش ديل اسماءكم ولا انا غلطان؟!
- انت بتعرفنا من وين وثم ثانيا وريتك الفيديو دا مفبرك
* قول كلامك دا لي زول م بعرفكم ،، صدقني انا بعرفكم اكتر منكم وانتي يا سوزان طلعتي مخدوعة ونفس الشي انت يا حسين مخدوع وحتى رماز اتخدعت ،، يعني كل واحد كان بلعب على التاني ،، ح احكي ليكم اللعبة حقتكم ...
_____
كانت بتمسح على شعري وبتقول لي ...
ابوك واخوانك م تقاطعيهم حتى لو عرفتي الحقيقة ،،
ابقي عشرة على نفسك ومستقبلك وم تقاطعي ابوك واخوانك ،، الدنيا م معروفة حياة من موت ،، قومي راضي اخوانك وابوك ،، قومي يا بتي الله يرضى عليك
