في أحد الفنادق الفخمة كان يتسلق السلم خطوة بعد خطوة إلى أن وصل باب الجناح الخاص به ،، قرع الجرس بعد مدة فتح أخوه الباب ...
- شايفك رجعت وكدا ،، حضنت اختك خلاص كدا ارتحت لقيت شنو وريني
* رئال عليك الله م تكتر معاي كلام براي م ناقص داير انوم تم خليني ادخل
انتبه لقميص اخوهو الملان دم قال ليو بخوف واضح
- رئبال انت عملت حادث؟؟ دا دم شنو الفي قميصك دا رد علي انت كويس حصلت ليك حاجة خلينا نمشي المستشفى و ...
* اهدأ انا كويس والله بس اسعفت لي زول وشكلو دا دمو خليني ادخل اغسل وانوم تصبح على خير
- وانت من اهل الخير
_____
** أحمد يا ولدي في شنو ويدك دي مالها كدا
- مافي شي يا امي خليني في حالي عليك الله
** م ح اخليك وريني مالك الحاصل شنو
- ما حاصل شي غير إني طلقت سوزان
** سججمي كككيف يعني طلقتها واولادك
- ما هو انا عشان خاطر اولادي كنت متمسك بيها لحدي اخر لحظة ،، صرفت نظر عن كل تصرفاتها ووساختها عشان خاطر اولادي ،، قلت يمكن تتغير بعد ولادة لؤي بس كأني كنت بأذن في مالطة وكمان جابت ليها كذب ومبيت برا البيت وشبكة دعارة وقسم وحبس يبقى تستحق الأسوأ من الطلاق وعليك الله م تناقشيني ف الموضوع دا تاني وحتى البنات م تجيبي ليهم سيرتها ولمن يسالوك قولي ف المستشفى مع صحبتها ،، طلع فات
** احييي من وجعتك يا جناي ربنا يربط على قلبك ويخلي ليك اولادك ويعوضك بالأحسن منها وان شاء الله بوعدك انو لؤي يتربى احسن تربية
_____
اشرقت الشمس معلنة بداية يوم جديد ☀️
** إياد يا إياد اسمعني شوية بس م هتتأخر ياخ
- ف شنو يا سمر انا مستعجل
** بعدين خليك جاهز ح نمشي مشوار
- مشوار وين كمان ومع منو
** انا وانت ،، بعد تجي بوريك يلا سلاااممم امشي
بعد لحظات ...
** عشوش نحن ماشين بعدا تعالي اقفلي الباب
- طيب خلو بالكم من بعض ومن دراستكم ربنا يوفقكم ويستركم دنيا وآخرة
وصلنا المدرسة لاقيت دعوات ولقاء سلمنا على بعض ودخلنا الفصل بعد م اتأكدت انو غصون ومشكاة دخلو فصولهم ،، حصة ورا حصة لحدي م نهاية اليوم جا طلعنا
_____
بعد الأدلة والبراهين واعتراف المتهمين حكمت المحكمة على المتهمة سوزان مبارك بجريمة الزنا والمتهم حسين هارون بجريمة الزنا ولكونهما زناة محصنين بالرجم حتى الموت
والمتهمة رماز حسين هارون بجريمة الزنا ولكونها بكر بالجلد مائة جلدة وتغريب عام
رفعت الجلسة🔨
