أشرقت شمس الأحد ف السودان لتعلن بداية يوم جديد 🌞
بعد صلاة الظهر جونا اخواني واسينات كنت مشتاقة ليهم شدييد مع أنهم اسبوعين بس فرقو معاي ونحن بنجهز للغداء باب البيت ضرب فتحتو غصون كانت خالتو فوزية ومعاها بتها سلوان امتحنا سوا تالت بس شالوها جامعة خاصة ف الخرطوم تقريبا مختبرات سلمت عليهم وضيفتهم ختينا الأكل بس قالوا متغديين عشوش حلفت عليهم الا اتغدوا معانا بعديها اخواني قالوا ماشين اصرينا عليهم يقعدوا بس رئبال قال عندو سفرية على كدا فاتو بلم ف السفرة سلوان قالت لي ارح اغسل العدة معاك عشوش قالت لي اعملي لينا شاي فعلا مشينا المطبخ وبقينا نتونس وشغالين
- اها يا سمر وصلتي كم؟
* خلصت الثامن وشغالة فالتاسع قربنا وانتي ؟
- اتخرجت قبل اسبوع
* ما شاء الله خلصتو سريع م زينا اصلا دا حال جامعة الجزيرة الا تكرهك ف القراية حسبي الله بس🙂
قعدت تضحك قالت لي سمعت انو لقاء اتوفت ربنا يرحمها قلت ليها اللهم امين وفاتها كانت على قلبي زي النار الحمد لله بس ربنا يتقبلها قالت لي ودعوات معاك صاح هي كيف
- والله دعوات اتزوجت وحاليا ف قطر ليها زي خمسة ستة شهور كدا
* ما شاء الله عقبالنا قلت ليها عقبالك انتي براك يختي انا قدامي لسة سنة وحاجة حتى اتخرج🙂
قعدت تضحك خلصنا العدة وجهزنا شاي كان ف كب كيك جابو رئبال معاهو ختيتو وطلعنا نتونس لمن جو ماشين وقفتها قلت ليها دقيقة اجيب ليك حاجة قالت لي جيبيها لي ف البيت م بقيف ولا شي😒
قعدت اضحك عليها فعلا فاتت خلتني واقفة بعديها رجعت اتصلت على دعوات وعرفت ب خبر اجهاضها كانت متأثرة بس وجود راجلها جمبها مطمنها قلت ليها ربنا يعوضكم بالاحسن بس م ترهقي نفسك
- م قاعدة أرهق نفسي والله يا سمر حتى بس قمت نص الليل لقيت نفسي اجهضت
* م راجعتي الدكتور؟
- طبيعي م عندي شي قال لي ف حالات اجهاض بتحصل كدا
* يبقى م تشيلي هم وربنا ح يعوضك
- اميين يا رب ،، صحي وصلتي متين ؟
* امس الظهر ونازلة الجامعة بكرة اتخيلي يا بت مبلولة بل الجن شغالين تلاتة كورسات اسي ح اعوض محاضرات اسبوعين
- الا تشدي حيلك ربنا يهووون عليك
* وانتي ح تنزلي ولا عملتي شنو؟
- والله يا سمر حاليا قالوا لي يا ارجع اقرا من سمستر سبعة يا انتظرهم يوصلوا التاسع وابدا معاهم وانا قررت انتظر
* يعني هم حالياً فالسابع؟
- حاليا ممتحنين فالسادس وببدو السابع بعد شهرين وح يستمر تلاتة شهور يعني من هنا لي ستة شهور بكون نزلت
