اتحركنا حسب الخطة وبالتحديد الساعة سبعة وكانت الدوريات قدامنا وورانا لحدي ما وصلنا محل المافيا كانت الساعة سبعة وأربعين دقيقة الشرطة انتشرت واتمركزت ف المكان بقينا منتظرين لحظة التسليم ..
الروسي نزل من الشاحنة واستقبلوا ف الباب جابر شكلوا قال للعمال نزلوا البضاعة رجع وتاني طلع مع جهاد اخوهو ف اللحظة الطلع فيها جهاد وسلم على الروسي طلعت رصاصة واتمركزت ف راس الروسي وبعديها صوت العقيد بقول
" المكان محاصر بالشرطة احسن تستسلموا "
فجأة الاشتباكات بدأت بين رجال المافيا ورجال الشرطة سلاح رصاص غبار صريخ موت إصابات كنت خايفة شديد وفي نفس الوقت وثقت كل شي بالتفصيل صور وفيديوهات ..
المعركة انتهت ب سقوط ٤ رجال شرطة و١٠ من المافيا وهروب جابر وموت جهاد العقيد أمر انو يتم تشييع الجنائز بإحترام ويدعمو أسرهم 🖤
رجعت البيت لقيت العربية جابوها لي دخلت لقيتهم كلهم نامو الا رئبال كان لسة صاحي..
- انت لي ما نمت للان!؟
* قلقت عليك اتاخرتي كدا لي !
- انا كويسة بس الشغل كان كتير يلا ادخل نوم تصبح على خير
* وانتي بخير🖤
_____
الدوحة 1:00 AM
كنت بقرا في سورة البقرة بعد صليت قيام الليل باب الغرفة ضرب ما عارفة لي قلبي قبضني لانو احمد م متعود يصحيني زي الوقت دا ختيت المصحف وفتحت الباب وهو منو غيرو ..
- صحيتك !؟
* لا انا اصلا صاحية خير !؟
- مدام محمد دي تعبانة وحاليا ف طريقهم للمستشفى البسي خلينا نلحقهم
* اسلااام .....!
لبست نقابي وعبايتي بسرعة وطلعت لقيتو منتظرني على طول اتحركنا كنت متوترة شديد
* دعوات اهدي اسلام كويسة ح تطلع اطمني
- اطمن كيف يا احمد انت م شفت حالتها كيف نهائي م بتتحرك وكدا ما صاح ليها وريتها كم مرة انو جنينها ح يكون مقلوب يعني لو م بتتحرك ح يدخلوها عملية وغير كدا ضغطها م نزل نهائي واكلها اخر يومين كان تعبان الله يستر بس 💔
* لو انتي كدا محمد ح يكون كيف !؟
اطمني وما ح يحصل الا خير
- الله يسمع منك 🖤
وصلنا المستشفى رغم الحالة الأنا فيها ما قدرت اتجاوز رهابتها ما شاء الله طلعنا بالمصعد على حسب وصف محمد لي أحمد لقيناهو ف اول الممر قلت ليهو وين اسلام قال لي دخلوها عملية قلت ليهو ربنا يسهل عليها قال لي اميين يا رب ..
كان باين عليهو القلق والخوف لأنو م قعد ولا لحظة كنت قاعدة براي ف الكراسي وهم واقفين بعد تلاتة ساعات كدا حتى ربنا حلاها بالسلامة الدكتورة قالت ليو
" مبروووك جاكم ولد يربى في عز الإسلام "
