من دون م احس لقيت نفسي برد عليهو انا اختو وديني ليو هو كويس الحاصل عليهو شنو فهموني راسي هيطرشق الدكتور قال لي اهدي ي بتي الطعنة خفيفة تاني م عندو شي حاليا نايم بعد يصحى ممكن يطلع عادي ختيت يدي في قلبي اتنهدت وقلت الحمد لله طيب حابة اشوفو ممكن قال لي بس هو نايم قلت ليو اشوفو بس قال لي طيب ادخلي الغرفة ٣ وحاولي م تزعجيهو قلت ليو طيب ومشيت خليت خالتي معاهم فتحت الغرفة لقيت إياد راقد ومحاوط بأجهزة هزيل وباهت 💔 اول مرة اشوف إياد كدا دموعي نزلت حاولت اكتم صوت البكى بس م قدرت وعلى حس شهقاتي إياد فتح عيونو وشافني واقفة قدامو ابتسم لي طوالي انفصمت فيهو لي تعمل فيني كدا انت عارفني قلقت عليك قدر شنو م اتخيلت حياتي من دونك حتكون كيف كفاية العلي تاني اوع تعمل كدا سامعني والا والله بلحقك لانو م عندي غيرك و ...
هشششش خلاص انا قدامك كويس ووعد مني ليك تاني م بعمل كدا بس اسكتي وامسحي دموعك يلا وريني اسنانك ابتسمت ليو من بين دموعي وقعدت جمبو قلت ليو الحصل شنو لمن وصلت هنا قال لي م شي مهم قلت ليو لا وريني العمل فيك كدا منو قال لي مشكلة بسيطة ف الجامعة قلت ليو اي واضح انها بسيطة لي درجة انك راقد مستشفى والقيامة قايمة برا قال لي انتي لي عنيدة كدا قلت ليو تربيتك يلا احكي لي الحصل بالتفصيل اتنهد وقال لي أمري لله وبدأ يحكي لي ...
خالتي كانت برا مع الدكتور والاولاد بعد وروها الحصل كلو قالت ليهم يعني الاولاد هربو بعد طعنو ولدي اسي لو كان مات انا اقبل وين ولدي وحيد لو كان حرموني منو رئبال قال ليها انا اسف يا خالة عارف اني السبب بس ... قالت ليهو لالا يا ولدي م تقول كدا ف النهاية دا الشي الكاتبو ربنا م هنغيرو بس انا دايرة الاولاد يتحاسبو لانو طالما هم برا ناس كتار هيتقتلو من دون سبب وعشان الحصل في إياد م يحصل ف غيرو لازم يتمسكو سراج قال ليها اطمني يا خالة الموضوع بقى عند الشرطة من زمان ووعد مني ليك هيتحاسبو قالت ليهم طيب شكرا ليكم هأشوف إياد عن اذنكم قالوا ليها اذنك معاك ...
انا مع إياد بعد حكى لي الحصل قلت ليو اصلا الحجاز بدوهو عكاز انت بتطفل مالك قال لي الولد باين عليهو مسكين وجديد ف السودان ف حبيت اساعدو قلت ليو يا حنين انت قال لي انا زاتي غلطان بحكي ليك لشنو 😒 ونحن بنتكلم جاتنا عشوش قعدنا نتونس شوية كدا جا الدكتور عمل ليهو الفحوصات الأخيرة كلها نظيفة بعدها كتب لينا خروج جونا الاولاد ف الغرفة سلمو على إياد واحد قال ليهو تسلم يا أخ كتير على مساعدتك وكمان بعتذر منك على الحصل معاك بسببي إياد قال ليو انت براك قلتها لي يا أخ يعني ماف داعي للشكر والاعتذار وبعدين دقيقة انا ساعدت منو فيكم وأشر على ولدين انا طوالي رفعت راسي عاينت ليهم فعلا بتشابهو لا ديل نسخة من بعض رد عليهو واحد لابس نظارات قال ليو ساعدتني انا وداك اخوي قال ليو بتتشابهو شديد عشوش قاطعتهم ي جماعة نحن لازم نمشي بعدا الزمن أتأخر شديد لانو خليت بناتي براهم إياد قال ليها معقولة؟! كيف تخلوهم براهم قالت ليو انت م شفت الخلعة الدخلت فينا قبيل يلا بعدا نمشي ولدين رفعو إياد وطلعنا من الغرفة ...
