" تابع على لسان سراج "
ما ح أقدر أوصف ليكم الحالة الدخل فيها رئبال م ح اقدر أوصف ليكم انكسار صحبي ح اخلي ليكم حرية الخيال ..
الخبر انتشر بسرعة كل الأخبار والقنوات والمجلات كانت عنوانها واحد:
" إغتيال الصحفية الشهيرة أمل المرشد وقتلها بثلاثة رصاصات تمركزت في قلبها "
كانت انسانة عظيمة البعرفها والما بعرفها حزن على موتها كانت محظوظة شديد لان مدني كلها طلعت ل تشييعها كانت محظوظة ب كمية الدعوات الاتحصلت عليها كانت محظوظة شدييييد🖤
الليلة اليوم التاني مما اتوفت وح يكون الرفع إياد وصل الليلة آذان الفجر ..
لي يومين ما شفت لا بيتنا لا المستشفى طول الوقت قاعد مع رئبال ورئال ،، عارف اني م ح اقدر اطلع الحزن من قلبهم بس اقلاها يحسو ب وجود سند جمبهم يحسو إنهم ما براهم ..
انا وإياد ومؤيد م فارقناهم ولا لحظة رغم انو مؤيد باين عليهو ف حاجة شاغلة بالو بس م لقيت فرصة اتكلم معاهو وانا بالي كان مع الرفيقة م عارف الحاصل عليها شنو تلفونها مغلق من اليوم داك وأكيد م ح اقدر اسأل مؤيد ..
الليلة اليوم السابع الناس خفت شوية باقي ناس البيت والأهل بس ،، كنت مهمل ف شغلي الفترة الفاتت علشان كدا ح انزل الأحد شغل مكثف كنا قاعدين ف صيوان العزاء وقفت عربية إياد م عارف أوصف ليكم شعوري ساعة شفتها وهي نازلة من العربية وساندها إياد ايدها مجبورة ووشها ملان كدمات باين إنها ما قادرة تقيف على رجولها باين إنها مرهقة وموجوعة ..💔
الصدمة كانت بالنسبة لي صدمتين الحالة اللي هي فيها وإنها طلعت أختهم ..
_____
الإمارات..
خلصت امتحانات قبل يومين كنت منتظرة إياد يتصل علي ويسألني امتحنت كيف بس م اتصل ،، ما زعلت منو ابداً بالعكس كنت قلقانة عليه لأنها م عوايدو كان بتصل علي أول أسبوع من الامتحانات كل يوم بس الأسبوع دا اختفى..
ايوا اختفى عديل جوالو مغلق وسألت منو ف الشركة قالوا غايب اسبوع بابا كان مسافر لي شغل من تلاتة ايام ومروان م لقيت ليهو أثر..
البيت كان فاضي اتصلت على ماما قلت ليها ماشة لي لولو لبست وطلعت مشيت لقيتها ماف اتصلت عليها قالت لي طلعت مشوار رسلت لي اللوكيشن طلعت مشيت ليها ..
كانت قاعدة مع مروان الوسخة بتغدوا كنت حاسة انو في إنّ ف الموضوع بس سكت سلمت عليهم وقعدت مروان كان ح يطلب لي بس رفضت لأني صراحة م عندي نفس آكل حاولوا معاي كتير بس كنت رافضة ف النهاية شال لي سفري ونحن طالعين من المطعم قلت ليهو مروان ..!
- عايزة تسأليني عن إياد صاح
* كيف عرفت!؟
- واضح من عيونك ،، إياد ف السودان من اسبوع..
* ف السودااان!!!!!
