فز وهو يلتفت ورا
_هذا رجلي عار ابن عار
كلنا ضحكنا
_دنجب دنجب لابس عبات امه وسلميه تطما
_هههه غير خفت_ايباا أخاف ، ولك ما عاش الي خاف من مرا
_هو غير صار وجهك أصفر
_حسابك بالبيت انت
بعد باجر نكمل مو سالم
_اي العصر أكمل شغلات بسيطه وباجر نكمل
_رشها ماي بس مو تغركها_لا شسالفة
_ودربالك على أمنو والله اذا مديت ايدك عليها لك هاي شگرة الحولة متنضرب ولو خوف عاميها وصايرة هادئة اليوم
_الله كريم روح مو ما تجي باجر كله من أمين ذكرة بمرته وراح يطير يمها
_بعد شعندي ضال
_يلا روح
_الله وياكم
راح زهير ونرجس أخذت آمنه تخاف عليها من سالم حطتلها أكل وتعده اليوم محد ضربها حتى ابوي من اجه سولفتله نرجس بس كلها بعد لا تعيدينها،
ابوي قليل نشوفه طول يومه يا أما بالشغل والعصر بالبستان اكثر شي بليل نشوفة وبليل نجمع على تلفزيون وهاي يوميه نفس روتين..
يوم ثاني آمنه مراحت للمدرسة لأن يخافون عليها وخاصة سالم كال بعد ماكو مدرسة وهي سكتت لاتحجي ولا تبجي خسرت دراستها وسبب المعلمة
_تعال أيسر امشي نلعب
_خاف سالم ميقبل
_بعد حتى لعب ميخلوني ما كافي مدرسة وبطلوني
_بس انا صرت جبير ما اريد ألعب اساعدهم وأبني وياهم_يعني بعد ما تلعب وياي
_لا فشلة العب وانتي هم بعد لا تلعبين
_زاعلتك
_لا كلشي ولا أمنو حلوه تزاعلني بس شوفي اريد أتعلم بنيان حتى بعد اشتغل ويصير عندي فلوس حتى نزوج
_ما أزاعلك بس بشرط
_اطلبي تردينه
_أريد تشتريلي بسكت وحلقوم وقمر الدين وعلج
_اي خوش دللي_يلا روح
_مو هسه بعدين اشتريلج من يخلصون الولد
_مو تنسى_لا
_حط ايدك وعد
_وهاي وعد قابل أول مرة اشتريلج
_لا بعد انت الوريث وزوجي راح اصير هسه انت شكد عمرك_13 حيل أكبر مني يعني بعد شكد ونزوج
_بعد شي 5 سنوات
_ترى هواي_لعد غير نكبر هسه انتي مو تسعة
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة (10) جزء الثاني
Start from the beginning